ပြိုင်ပွဲဝင်မီးပုံပျံပြုလုပ်ပုံ အပိုင်း (၂)

၂။ မီးစာပြုလုပ်ပုံ
မီးစာဆိုသည်မှာ မီးပုံပျံကို မီးအားနှင့်မှိုင်းအားထုတ်ပေးရန်အထောက်အကူ ပြုသော အရာဖြစ်သည်။ မီးစာပြုလုပ်ရန် ပထမဆုံး သံချောင်းများကို အမြင့်ပေ (၇) ပေ / (၈) ပေထိဆက်ကာပြုလုပ်ရပါတယ်။ ထို့နောက် ရေနံချေးကို ကျိုထားရပါတယ်။ ကျိုထား သောရေနံချေးထဲသို့ ဖျင်ကြမ်းစောင်အစကို အလျား (၄) လက်မလောက် ဖြတ်ကာစိမ် ထားရပါတယ်။ ပြီးလျှင် သံချောင်ပေါ်မှနေပြီး စိမ်ထားသောဖျင်ကြမ်းစောင်စများကို တစ်ထပ်ချင်းစီ ကျစ်ရပါတယ်။ ထို့ကဲ့သို့ ကျစ်ပြီးလျှင်နေပူထဲတွင်ခံကာ ရေနံချေးကို အရည်ကျိုထားပြီး မီးစာထိပ်မှ နေပြီး လောင်းချပေးရပါတယ်။ ထိုကဲ့သို့ (၄) / (၅) ရက်လောင်းပြီးနောက်မှာတော့ ရေနံချေးလောင်းထားသောမီးစာကို ညှစ်ကြရပါတယ် ။ ထိုကဲ့သို့ ညှစ်ပြီးတဲ့နောက်မှာတော့ နောက်ဆုံးအဆင့်နေဖြင့်သင်္ကန်းကို တစ်ဆင့်ပြီး တစ်ဆင့်ကျစ်ရပါတယ် ။ ထို့နောက် မီးပုံပျံတစ်လုံးအတွက်မီးစာတစ်ခုကိုရရှိပါတယ်။
P.S ( အချို့မီးပုံပျံအဖွဲ့များ က မီးစာကို ဖယောင်းဖြင့်ကျိုပြီးပြုလုပ်ကြပါတယ်။)
၃။ မီးကျည်ဂွေပြုလုပ်ပုံ
မီးကျည်ဂွေကို ၀ါးဖြင့် ပြုလုပ်ရပါတယ်။ ပုံစံအမျိုးမျိုး အဆင့်အမျိုးမျိုးပြုလုပ်ကျပါတယ်။ မီးကျည်ဂွေထဲတွင် မီးရှူး ၊ ခိုပျံ ၊ လောက် (ကျွန်တော်တို့အခေါ်) ၊ အရောင်ထုပ် ၊ လေထီး ၊ ဗုံးကဒ် (ကျွန်တော်တို့အခေါ်) ၊ ပုလဲပေါက်စသည် ဖြင့် အမျိုးမျိုးတပ်ဆင်ကြပါတယ်။
(က) မီးရှူးပြုလုပ်ပုံ
မီးရှူးပြုလုပ်ရန် အတွက်ကျွန်တော်တို့ ပထမဦးဆုံး မီးရှူးပြောင်းများ ပြုလုပ်ရပါတယ်။ မီးရှူးပြောင်းများကို ကဒ်ထူပြားများကို ကော်သုတ်ကာ ပြောင်းလုပ်ရပါတယ်။ ထိုကဲ့သို့ပြောင်း လုပ်ပြီးနောက်ရွှံမှုန့်ကို ပထမဦးဆုံး ရိုက်ထည့်ရပါတယ်။ ထိုကဲ့သို့ရွှံရိုက်ထည့်ပြီးနောက် ယမ်း (ခံယမ်း) ကိုရိုက်ထည့်ရပါတယ် ။ ခံယမ်းရိုက်ပြီးနောက် အရောင် (ဖြူ ၊နီ ၊ ၀ါ၊ ပြာ) စသည်တို့ကို ရိုက်ထည့်ရပါတယ်။ ရွှံပိတ်ထားသောအပိုင်းကို အပေါက်ဖောက်ရပါတယ်။ အပေါက်ဖောက်ထားသော အပိုင်းကို ယမ်းသိပ်ပြီး မီးရှူးစနစ်ကိုတတ်ရပါတယ်။ ထို့နောက် အချောတတ်သောဝါးကို မီးရှူးပြောင်းနားတတ်ကာ မီးရှူးကိုရရှိပါတယ်။
(ခ) ခိုပျံပြုလုပ်ပုံ
ခိုပျံပြုလုပ်ရာတွင် မီးရှူးပြုလုပ်နည်းကဲ့သို့ ပြောင်းကိုပြုလုပ်ပါတယ်။ ရွှံဖောက်ရာမှ တော့ မီးရှူးကဲ့သို့ ပြောင်ဖင်က မဖောက်ဘဲ ဘေးဖက်ကဖောက်ရပါတယ်။ အချောတတ်ထားသော ၀ါးမတတ်တော့ဘဲ ကဒ်ထူစက္ကူကိုတောင်ပံပြုလုပ်ကာတတ်ရပါတယ်။
ထိုကဲ့သို့ပြုလုပ်ပြီးစီးသော မီးရှူးခိုပျံစသည်တို့ကို မီးကျည်ဂွေပေါ်မှတပ်ဆင်ကြပါတယ် ။ မီးကျည်ဂွေတွင် မိးရှူး၊ ခိုပျံ ၊ အရောင်ထုပ် ကိုမီးကူးစေရန် စနစ်(ပင်မစနစ်) တင်ထားရပါတယ်။ အဆင့်ဆင့်တပ်ဆင်ပြီးနောက် မှာတော့ မီးကျည်ဂွေကို ရရှိပါတယ်။
ထိုကဲ့သို့မီးပုံပျံ ၊ မီးစာ ၊ မီးကျည်ဂွေ များကို အဆင့်ဆင့် ပြုလုပ်ပြီးမှ ပြိုင်ပွဲဝင်မီးပုံပျံမီးကျည်ကိုရရှိပါတယ်။




ပြိုင်ပွဲဝင်မီးကျည်မီးပုံပျံပုံ