နွေးထွေးမှုအတွက် ဂုဏ်ယူပါသည်။

မိဘတွေ အိမ်မှာနေရတာလောက် လောကမှာ နွေးထွေးတာ မရှိပါဘူး။ တနယ်ရပ်ခြားကို ရောက်နေရင်ပိုတောင် သတိရမိပါသေးတယ်။ လူတိုင်းနီးပါးလောက်က ကိုယ့်ဒေသ ၊ ကိုယ့်ရပ်ရွာ ၊ ကိုယ်နေထိုင်ရာ နေရာလေးကို အစွဲလန်းပိုတတ်ကြပါတယ်။ အခုတော့ အဲဒီနွေးထွေးမှုမျိုးတွေကို မျှဝေခံစားနိုင်ဖို့ အစီစဉ်လေးတွေ ရှိပါတယ်။ တောင်ကြီးမိသားစု(စင်္ကာပူ) ဆိုတဲ့ အသင်းလေးကို စင်္ကာပူရောက် တောင်ကြီးသူ၊ တောင်ကြီးသားတွေ က မွေးဖွားပေးခဲ့ပါပြီ။ အဲဒီအသင်းဖွဲ့ရဲ့  ရည်ရွယ်ချက်ကိုက အဝေးရောက်တောင်ကြီးသူ၊ တောင်ကြီးသား များ အလွယ်တကူစုစည်းနိုင်ဖို့ ၊ အချင်းချင်းကူညီဖေးမနိုင်ဖို့ အတွက် community လေးပါ။ စကာင်္ပူမှာ ရောက်နေတဲ့ အဝေးရောက် တောင်ကြီးသူ၊ တောင်ကြီးသား တွေ အနေနဲ့ အသင်း ၀င်ချင်တယ်ဆိုရင်တော့ admin@taunggyi.org (သို့မဟုတ်) taunggyifamily_sg@googlegroups.com ကို အမည် လိပ်စာ ဖုန်းနံပါတ် လက်ရှိလိပ်စာ အီးမေးလ် ပေးပို့ပြီး အသင်းဝင်နိုင်ပါတယ်။ အသင်းဝင်ကြေး တစုံတရာ မလိုအပ်ပဲ တောင်ကြီးကို ချစ်သောစိတ် ရှိရန်သာ လိုအပ်ပါတယ်။ အခုလောလောဆယ်တော့ ပျှမ်းမျ အသင်းဝင် အယောက် ၁၀၀ လောက်ရှိပါပြီ။

အခုလည်း အဲဒီအသင်းကြီးကနေဦးစီးပြီး show ပွဲလေး တခု စီစဉ်နေပါတယ်။ ဘိုဖြူ၊ ဟန်ထွန်း၊ မောင်မောင်ဇော်လတ်၊ အစိုင်း(Blackhole) စုစုပေါင်း လေးယောက် ပါဝင်သီဆိုကြမှာပါ။ ပွဲရက်ကတော့ အောက်တိုဘာလ ၅ ရက်နေ့ပါ။ Symphony 4712 တေးဂီတ အဖွဲ့နဲ့ အတူတကွ ပူးပေါင်းဖျော်ဖြေကြမှာ ဖြစ်ပါတယ်။

ရင်ခုန်သံတူသော စကားများ ပြန်ပြောကြမယ်။
မျှဝေခြင်းပီတိကို အတူခံစားကြမယ်။
အထီးကျန်အချိန်များ အတူတကွ ကျော်ဖြတ်ကြမယ်။