၁၈ရက်နေ့ပြိုင်ပွဲဝင်မီးပုံပျံအသင်းများကွင်းအတွင်းပြင်ဆင်ကြပုံ

Read more!

ပွဲဈေးတန်း

တောင်ကြီးချယ်ရီမြေအဖွဲ့သားတွေပွဲဈေးတန်းထဲမှာလက်စွမ်းပြရိုက်ကူးထား
တဲ့ပုံတွေကိုတင်ပေးထားပါတယ်

Read more!

ဒီနေ့ ဖွင့်ပွဲဓါတ်ပုံတွေပါ

Read more!

ပြပွဲအတွက်ပြင်ဆင်နေကြပြီ

Read more!

သူတို့ ပြင်ဆင်နေကြပြီ (၃)

ကိုယ်တိုင် ရိုက်ခဲ့တဲ့ ကိုကျော်စွာရေ စာသား ဖြည့်ပေးပါဦး။

Read more!

သူတို့ပြင်ဆင်နေကြပြီ (၂)

ကိုချမ်း ရေးထားတဲ့ ခေါင်းစဉ်လိုပဲကျွန်တော်လဲ ဆက်ရေးလိုက်ပါမယ် ။ အခုဆို ကျွန်တော်ရပ်ကွက် က ညမီးကြီး တစ်လုံး ပါဝင်ယှဉ်ပြိုင်မှာပါ။ အဲဒီအတွက် ကျွန်တော်တို့ရပ်ကွက်အတွင်းမှာ ရှိတဲ့ လူငယ် တွေက တက်ညီလက်ညီပျော်ပျော် ပါးပါး ပြိုင်ပွဲဝင် ဖို့လုပ်နေကြပါပြီ။ ကျွန်တော် တို့ ရဲ့ မီးပုံပျံ အဖွဲ့  ကတော့ “ အိုတိုးမီး ” ပဲဖြစ်ပါတယ်။ ဆောင်ပုဒ်ကတော့ “ အပျိုလည်းတိုး ၊ အိုးလဲတိုး ၊ အိုတိုးတိုး..... အိုတိုးတိုး ” ဖြစ်ပါတယ် ။ ကျွန်တော်တို့မီးပုံပျံအဖွဲ့  လွှတ်ရမယ့်နေ့ကတော့ (၂၀-၁၁-၂၀၀၇) ရက်နေ့။ နောက်ဆုံးအလုံး လို့လဲ့သိရပါတယ်။

ကျွန်တော်တို့ မီးပုံ ပျံပုံစံကိုပြောရရင် တော့ ခေါင်အချင်း (၂၄)ပေ ၊ မီးပုံပျံအမြင့် (၂၄) ရှိပြီး မီးစာအမြင့် (၇ပေ၅လက်မ) မြင့်ပြီး အလေးချိန်ကတော့ (၁၃) ပိသာ ရှိပါတယ်။ ယမ်းပိသာချိန်ကတော့ (၃၅)၊ (၄၀) လောက်ထိ ထည့်မယ်လို့လဲသိရပါတယ် ။

ဒါကတော့ ကျွန်တော်တို့ “ အိုတိုးမီး” မီးပုံပျံရဲ့ ဒီဇိုင်းအကွက်ပါ။

ဒါကတော့ ကျွန်တော့တို့“အိုတိုးမီး” အဖွဲ့ ရဲ့  မီးပုံပျံပြုလုပ်သူ ကိုအောင်မိုးပါ။

မီးပုံပျံပြုလုပ်သူကိုအောင်မိုးနဲ့ သူရဲ့ မီးပုံပျံဒီဇိုင်းပေါ့ဗျာ။

ဒါကတော့ ရပ်ကွက်ထဲကလူငယ်တွေ မီးပုံပျံဒီဇိုင်းဖော်ရန် စက္ကူများ ကိုကော်ကပ်ပေးနေကြပုံ ။


အိုတိုးမီး မီးကျည်ဂွေချိုးထားတဲ့ပုံပါ။

ရပ်ကွက်တွင်းရှိလူငယ်များမီးရှူး ( ငွေမှင် အဖြူ) ရိုက်နေတဲ့ပုံပါ ။

ငွေမှင်(အဖြူ) စပ်ထားတဲ့ယမ်းပုံပါ။

သူတို့ယမ်းရိုက်ထားတဲ့မီးရှူးတွေပါ။

ရိုက်ပြီးသားမီးရှူးတွေကိုစနစ်သိပ်ထားတာပေါ့ ။

စနစ်သိပ်ရန်ပြုလုပ်ထားတဲ့ မီးရှူးကြီးတွေပါ ။

စနစ်ကျစ်ပြီးမီးရှူးကြီးတွေပေါ့ ။

လောက်ပြောင်းလေးတွေပေါ့ ။

မီးရှူးရိုက်ပြီးသားတွေပေါ့ (ငွေမှင်မီးရှူး) ။

ဒါလဲအတူတူပဲ။ (ငွေမှင်မီးရှူးတွေ)

မီးခြစ်ကျောက်ခိုပျံတွေလေ။
(အစ်ိမ်း ၊ အနီ ၊ အဖြူ) တွေကျန်သေးတယ်။

ပိုးမယ့်မီးရှူးတွေလေ ၊ မပိုးရသေးတာ ။

မီးစာပုံပါ။

အိုးစည်း နဲ့တွဲကမယ့်အရုပ်တွေလေ။

မီးပုံပျံ ကဒီနေ့မပြီး သေးတဲ့အတွက် မှိုင်းဖြူမခံရသေးဘူး။ မီးပုံပျံက ဖင်ပိုင်းနည်းနည်းကျန်သေးလို့ ဒီနေ့(၁၄-၁၁-၂၀၀၇)မှ အပြီးသတ်ရမှာပါ။ မနက်ဖြန် မှိုင်းဖြူကို ခံမှာမို့ မနက်ဖြန်မှ ပဲမှိုင်းဖြူခံတဲ့ ပုံကိုတင်ပေးတော့မယ်။ (၂၀-၁၁-၂၀၀၇) ညနေကျရင်လဲ ကျွန်တော်တို့နဲ့အတူ လိုက်ခဲ့လို့ရပါတယ် ။
“ အပျိုလည်းတိုး ၊ အိုးလည်းတိုး ၊ အိုတိုးတိုး ...... အိုတိုးတိုး ”

Read more!

နှစ် အလိုက် မီးပုံးပျံစာရင်း

ကိုကျော်စွာကနေပြီးတော့ မီးပုံပျံနောက်ဆုံး စာရင်း တင်ပေးပြီးဖြစ်ပါတယ်.. အဲ့ဒီမှာ စုစုပေါင်းက (၅၀၀)ကျော် မဟုတ်ပါဘူး.. နေ့လွတ် စုစုပေါင်းကို တစ်မျိုးစီပြန်ခွဲပြီး ရေးပေးထားလို့ Double ပေါင်းမိတာ ဖြစ်ပါတယ်.. အားလုံးက (၃၀၁) လုံးပါ..

ပြင်ဦးလွင်ပွဲက အလုံးပေါင်း (၁၀၀) ကျော်ရှိတယ်လို့ ကြားတော့ ကျွန်တော် စိုးရိမ်သွားတာ အခု ဒီနှစ် အတွက် တောင်ကြီးမှာ (၃၀၁) လုံးတောင် ပါဝင်ယှဉ်ပြိုင်မယ်လို့ သိရတော့ တော်တော်လေး ၀မ်းသာမိပါတယ်.. နောက်ပြီး အရင်နှစ်တွေထက် ဒီနှစ် ပိုများရဲ့လားလို့ သိချင်တာနဲ့လဲ သိတဲ့သူတွေကို မေးမြန်းကြည့်တာ အခုလို စာရင်းလေး တစ်ခု ရလိုက်ပါတယ်.. အားလုံးလဲ သိနိုင်အောင်လို့ ဖော်ပြလိုက်ပါတယ်..

၂၀၀၅ခုနှစ်

ညမီးကြီး ၃၃လုံး
စိန်နားပန် ၃၉လုံး
အရုပ်အုပ်စု ၃၈လုံး
အရုပ် ခြေလေးချောင်း ၅၁လုံး
အရုပ် ခြေနှစ်ချောင်း ၈၂လုံး
အားလုံးပေါင်း ၂၄၃လုံး
ဆုကြေးကုန်ကြငွေ ၁၃၉သိန်းကျော်

၂၀၀၆ခုနှစ်

ညမီးကြီး ၃၃လုံး
စိန်နားပန် ၃၅လုံး
အရုပ်အုပ်စု ၄၄လုံး
အရုပ် ခြေလေးချောင်း ၅၁လုံး
အရုပ် ခြေနှစ်ချောင်း ၇၄လုံး
အားလုံးပေါင်း ၂၃၇လုံး
ဆုကြေးကုန်ကြငွေ ၁၈၇သိန်းကျော်

၂၀၀၇ခုနှစ်

ညမီးကြီး ၃၇လုံး
စိန်နားပန် ၃၅လုံး
အရုပ်အုပ်စု ၄၅လုံး
အရုပ် ခြေလေးချောင်း ၈၀လုံး
အရုပ် ခြေနှစ်ချောင်း ၁၀၄လုံး
အားလုံးပေါင်း ၃၀၁လုံး
ဆုကြေးခန့်မှန်း ကုန်ကြငွေ သိန်း ၂၀၀ကျော်

ဒီနှစ်က ပြိုင်ပွဲဝင် မီးပုံးပျံ အရည်အတွက် များလာတဲ့ အတွက် ဆုကြေးကလဲ ပိုပြီး များလာဖို့ ရှိတယ်လို့ သိရပါတယ်.. ဆုကြေးကလဲ ဆုရတဲ့ အဖွဲ့တွေသာမက ပြိုင်ပွဲဝင်တဲ့ မီးပုံးပျံ အားလုံးအတွက် ပေးတာလို့ သိရပါတယ်..

ဒီ နှစ်ကတော့ မီးပုံးပျံကွင်းသစ်ကြီးရယ်.. အစီအစဉ် အသစ်တွေရယ်.. များပြားတဲ့ မီးပုံးပျံတွေရယ်.. ဆန်းသစ်ထားမဲ့ ပြကွက်တွေရယ်နဲ့ ၁၃၆၉ခုနှစ် တောင်ကြီးမြို့ တန်ဆောင်တိုင် ပွဲတော်ကတော့ တော်တော်ကြီးကို စည်ကားနေတော့မှာ အမှန်ပါပဲ..

အဲ့ဒီလို ပွဲတော်ကြီး တစ်ခုလုံးကိုလဲ တောင်ကြီးချယ်ရီမြေကနေ တိုက်ရိုက် Webcast လုပ်ပေးဦးမယ် ဆိုတော့ အားလုံး တပျော်တပါး အားပါးတရ ကြည့်ရှုဆင်နွှဲနိုင်ဦးမှာလဲ အမှန်ပါပဲ..

တစ်ခုတော့ စိုးရိမ်မိတယ်.. တောင်ကြီးမှာ တိမ်တွေအုံ့ပြီး မိုးဖွဲတွေကြတာ နှစ်ရက်လောက်ရှိပြီ.. ဒီနေ့လဲ မိုးနဲနဲရွာတယ်.. မုန်တိုင်း ရှိလို့လို့ ကြားမိပါတယ်.. အဲ့ဒီ မုန်တိုင်းက ပွဲရက်တွေမှာ ရှိမနေဖို့၊ ပွဲကိုလဲ မဖျက်နိုင်အောင်လို့ ဆုတောင်းနေရတာလဲ အမောပါပဲ..

Read more!

E-Cards for Tazaungtaing Festival

Read more!

တောင်ကြီးမြို့ရဲ့ အထင်ကရ ပွဲတော် သီချင်း

ခေါင်းစဉ်: တောင်ကြီးမြို့ရဲ့ အထင်ကရ ပွဲတော်
ရေး/ဆို: ဂျက်မြသောင်း

Duration: 6:44 Minutes
Bitrate: 128kbps
Size: 6.16MB

Direct Link: Link

Read more!

Hot Air Balloon Festival

Daytime

The most spectacular event of the year is the Hot Air Balloon Festival held every November in Taunggyi commonly called the Taunggyi Tazaungdaing Festival. Thousands of local pilgrims and international tourists choose to visit Taunggyi, especially to watch scores of giant paper animals being inflated and floated off into the sky.

At night

The competitions run during the day and at night when the sky is colorfully illuminated with hot air balloons. This Festival also included the celebration of the Tazaungdaing with Kahtein (offering of monk roves). Hot air balloons in the shape of elephant, ox, horse, water buffalo, bird pig, fish, owl and parrot are sent up into the sky.

Read more!

တောင်ကြီး တန်ဆောင်တိုင် Vs ပြင်ဦးလွင် တန်ဆောင်တိုင်

တောင်ကြီး တန်ဆောင်တိုင် ပွဲတော် ရောက်ဖို့ ရက်တွေ သိပ်မလိုတော့ပါဘူး.. အစဉ်အလာ ကြီးမားစွာနဲ့ ရာစုနှစ် တစ်ဝက်လောက် ကျင်းပလာခဲ့တဲ့ တောင်ကြီးမြို့က တန်ဆောင်တိုင် ပွဲတော်ကြီးက မြန်မာမှာသာမက ကမ္ဘာတ၀န်းမှာပါ ထင်ရှားကျော်ကြားခဲ့ပါတယ်.. ပြောရမယ်ဆိုရင်တော့ သူမတူဘဲ Unique ဖြစ်ခဲ့ပါတယ်..

ဒါပေမဲ့ အခုဆိုရင်တော့ တန်ဆောင်တိုင်ပွဲတော်မှာ ကျင်းပတဲ့ မီးပုံးပျံပြိုင်ပွဲမျိုးက တောင်ကြီးမြို့တစ်ခုထဲမှာ မဟုတ်တော့ပါဘူး.. ၂၀၀၅ခုနှစ်က စပြီး ပြင်ဦးလွင်မြို့မှာ အလားတူ ပြိုင်ပွဲမျိုး လုပ်လာတာတွေ ရှိနေပါပြီ.. အစကတော့ အပျော်သဘောမျိုးလုပ်ရာက အခုဆိုရင် နှစ်စဉ်ပွဲတော်တစ်ခု အနေနဲ့ အသက်သွင်းနေတာ တွေ့ရပါတယ်.. ပထမနှစ်က မီးပုံးပျံ ၁၂လုံးနဲ့ စတင်ပြုလုပ်ခဲ့ပြီး၊ ဒုတိယနှစ်မှာ မီးပုံးပျံ ၃၆လုံးအထိ တိုးတက်လာပါတယ်.. အခု ၂၀၀၇ခုနှစ်မှာ မီးပုံးပျံ အလုံးပေါင်း ၁၂၀ ကျော်အထိ ရောက်ရှိလာ ပြီလို့ သိရပါတယ်.. တောင်ကြီးမြို့ပွဲလိုပဲ နေ့လွှတ်အရုပ်နဲ့ ညမီးကျည်၊ စိန်နားပန်တွေ ပါဝင်တယ်လို့ သိရပါတယ်.. နောက်ပြီး ဆုကြေးတွေကိုလဲ တစ်နှစ်ထက် တစ်နှစ် မြှင့်တင်ပြီး ပေးလာတာကို တွေ့ရပါတယ်.. (အဲ့ဒီ ဆုကြေးကတော့ တောင်ကြီးကို မမီသေးပါဘူး.. နောက်ပြီး မီးပုံးပျံအရေအတွက်ကလဲ တောင်ကြီးကို မမီပါဘူး.. ဒီနှစ် မီးပုံးပျံ ၃မျိုးပေါင်း ၂၀၀ကျော်ပါတယ်.. အဲ့ဒါကလဲ ပြိုင်ပွဲဝင်တဲ့ မီးပုံးတွေပါ.. ပြိုင်ပွဲမ၀င်ဘဲ အလွတ် လွှတ်တဲ့ မီးပုံးအရေအတွက်ပါဆိုရင် တော်တော်လေး များမှာ သေချာပါတယ်.. )

တောင်ကြီးမြို့က မီးပုံးပျံ အဖွဲ့တွေလဲ မနှစ်က သွားရောက် ပါဝင်ယှဉ်ပြိုင်ကတယ်လို့ ကြားမိပါသေးတယ်.. အစကတော့ ကျွန်တော် သိပ်ပြီး သတိမထားမိပေမဲ့ အခုတော့ ကျွန်တော် အနည်ငယ် စိတ်ဝင်စားမိပါတယ်.. ဘာကြောင့်လဲ ဆိုတော့ အရင်က Unique ဖြစ်ခဲ့တဲ့ တောင်ကြီး တန်ဆောင်တိုင်ပွဲတော်ကြီး အတွက် ပြိုင်ဘက် ပေါ်လာသလိုမျိုး ခံစားမိလို့ပါပဲ.. ကျင်းပတဲ့ အချိန်ကလဲ တန်ဆောင်တိုင်ပွဲတော် ကာလအတွင်းဖြစ်ပြီး.. (၅)ရက် ကျင်းပမှာ ဖြစ်ပါတယ်..

အဲ့ဒီအတွက် တောင်ကြီးသားတွေကတော့ ဘယ်လို စိတ်ထားကြလဲ ကျွန်တော်မသိပါဘူး.. ကျွန်တော့် စိတ်ထဲမှာတော့ စိတ်မအေးပါဘူး.. နောက်ပြီး တောင်ကြီးတန်ဆောင်တိုင် အတွက် Challenges တွေ ရှိလာတော့မယ်လို့ မြင်မိပါတယ်.. အစဉ်အလာအားဖြင့် သော်လည်းကောင်း၊ ၀ါအားဖြင့် သော်လည်းကောင်း၊ တောင်ကြီး တန်ဆောင်တိုင်ကို ပြင်ဦးလွင် တန်ဆောင်တိုင်က ယှဉ်နိုင်ဦးမှာ မဟုတ်ပေမဲ့ အနာဂတ်မှာ ဘာဖြစ်လာမယ်ဆိုတာ ဘယ်သူမှ ကြိုတင်ပြောနိုင်မှာ မဟုတ်ပါဘူး.. လူတွေရဲ့ သဘာဝကလဲ အသစ်အဆန်းဆိုရင် စိတ်ဝင်စားတက်ကြတော့ နှစ် (၅၀)ကျော် ရပ်တည်လာပြီဖြစ်တဲ့ တန်ဆောင်တိုင်ပွဲတော်နဲ့ အသစ်အဆန်းဖြစ်တဲ့ ပြင်ဦးလွင်ပွဲ နှစ်ခု ယှဉ်လာပြီးဆိုရင် ဘာတွေ ဖြစ်လာကြမှာပါလဲ.. ကျွန်တော်တော့ မသိပါ..

Competitor ပေါ်လာတာ တစ်ဘက်ကကြည့်ရင်တော့ ကောင်းပါတယ်.. နှစ်ဘက် ယှဉ်ပြိုင်မှုတွေ လုပ်ရတော့မှာပေါ့.. လှေကြီးထိုး ရိုးရိုး သွားနေရင်တော့ လူတွေ စိတ်ဝင်စားတာ လျှော့သွားမယ်လို့ ကျွန်တော်ထင်ပါတယ်.. တောင်ကြီးသားတွေ အားလုံး အိပ်မောကျမနေပဲ ယှဉ်ပြိုင်မှုတွေ လုပ်ဖို့ လိုလာပြီ၊ သစ်ဆန်းမှုတွေ လိုလာပြီလို့ထင်ပါတယ်.. နောက်မှလာတဲ့သူက ဖောက်ထွက်နိုင်ရင် သစ်ဆန်းနိုင်ရင် ရှေ့ကလူကို ကျော်တက်သွားနိုင်တယ်ဆိုတာကို မမေ့ဖို့တော့လိုတယ်လို့ ထင်ပါတယ်..

တစ်ခါတစ်လေ ဘေးကို မကြည့်မိရင် ရင်ဘောင်တန်းလာတဲ့ ပြိုင်ဘက်ကို မမြင်ဘဲ အသင့်မပြင်မိလို့ အကျော်ခံလိုက်ရတာ ဖြစ်ကောင်းဖြစ်လာနိုင်ပါတယ်.. အဲ့ဒါကြောင့် တောင်ကြီးသားတွေ အနေနဲ့ ဘာလုပ်ဖို့ လိုတယ်ဆိုတာ သိကြဖို့လိုပါတယ်..

တောင်ကြီးတန်ဆောင်တိုင်က နှစ်စဉ် ဆန်းသစ်တီထွင်တာတွေ လုပ်လာတာတော့ရှိပါတယ်.. ဒါပေမဲ့ ရိုးရာဆိုတာကို အရမ်း ကိုင်စွဲကြတယ်လို့ ကျွန်တော် မြင်ပါတယ်.. အပြောင်းအလဲလုပ်မယ် ဆိုရင် သိပ်ပြီး လက်မခံချင်ကြပါဘူး.. ပြောရမယ်ဆိုရင်တော့ မီးပုံးပျံပြိုင်ပွဲကို တက်နိုင်သမျှ လက်နဲ့ပဲ လုပ်ကြရပါတယ်.. ယမ်းပညာဆိုရင်လဲ အားလုံး လက်မှုပစ္စည်းတွေပဲ သုံးကြရပါတယ်.. အဲ့ဒါကိုပဲ အသက်လို့ ခံယူထားကြပါတယ်.. ရှေးအဆင်အလာကို ထိန်းသိမ်း၊ ဆက်ခံရမယ်လို့ ကိုင်စွဲထားကြပါတယ်.. အဲ့ဒါကြောင့် နှစ်ပေါင်း (၅၀) ကျော်လာခဲ့လဲ အရင်ကထက် သိပ်ပြီးသိသိသာသာ ထူးခြားလာတာ မရှိဘူးလို့ ထင်ပါတယ်..

အဲ့ဒီမှာ ကျွန်တော်တစ်ခု ပြောစရာလေးရှိပါတယ်.. ယမ်းပညာနဲ့ ဒုံးပညာတွေမှာ မြန်မာတွေဟာ တရုတ်တို့နဲ့ ခေတ်ပြိုင်ဖြစ်ခဲ့ပါတယ်.. နောက်ပြီး ဘယ်နိုင်ငံထက်မှလဲ အများကြီး နောက်မကျခဲ့ဘူး.. ဒါပေမဲ့ ဆန်းသစ်မှုတွေ လက်မခံခဲ့.. ဖောင်မထွက်ခဲ့.. အဆင့်မမြှင့်တင်နိုင်ခဲ့တဲ့အတွက် တရုတ်ပြည်က ဒုံးပျံတွေ၊ Missiles လွှတ်နိုင်နေချိန်မှာ ကျွန်တော်တို့တွေ လက်လုပ်ဒုံးတွေ ခေတ်မမီတော့တဲ့ ရူးဒုံးတွေ အဆင့်ကနေ မတက်နိုင်သေးပါဘူး.. အခုဆိုရင်လဲ အဲ့ဒီ ဒုံးပြိုင်ပွဲတွေက အဆင့်မမီ၊ Safe မဖြစ် တော့တဲ့အတွက် ကွယ်ပြောက်ကုန်ပါပြီ.. ပအိုဝ်းဒုံးလွှတ် ပြိုင်ပွဲတွေလဲ အသက်အန္တရာယ် စိုးရိမ်စရာ အခြေအနေ ဖြစ်လာလို့ ရပ်နားပစ်လိုက်တယ်လို့ သိရပါတယ်.. နောက်ထက်လဲ အဲ့ဒီလိုမျိုး Safe မဖြစ်လို့ သေဆုံးသွားကြမဲ့ နည်းပညာတွေ ရှိလာဦးမှာပါပဲ..

ဘယ်အရာပဲ ဖြစ်ဖြစ် ၂၁ရာစုမှာ အံမ၀င်တော့ရင် မြောင်းထဲ ရောက်ကုန်ကြမှာ သေချာပါတယ်.. အခုဆိုရင် ယမ်းပညာမှာလဲ Local က ဘယ်လောက် ဆန်းသစ်၊ ဆန်းသစ် တစ်ချို့ ကိုင်ဆွဲထားတဲ့ အဟောင်းတွေကို မပြင်ဆင်၊ အချဲ့ထွင်ဘူးဆိုရင် အပြင်က နည်းပညာတွေကို ဘယ်လိုမှာ လိုက်လို့မီမှာ မဟုတ်ပါဘူး.. တကယ်တန်းဆိုရင် သူများနိုင်ငံမှာ ယမ်းတွေကို Computer Control တွေနဲ့ ကိုယ်ဖြစ်ချင်တဲ့ ပုံစံအတိုင်း လုပ်နိုင်နေချိန်မှာ ကျွန်တော်တို့ ယမ်းတွေကတော့ မျက်မှန်းနဲ့ ယမ်းတုတ်နေကြတုန်းပါ.. သဘာတွေနဲ့ လုပ်နေကြတုန်းပါ.. အဲ့ဒါကြောင့် မဖြစ်သင့်တဲ့ ဘေးဆိုးတွေ ရှိနေဖြစ်နေရတုန်းပါ..

အဲ့ဒီဟာတွေကို ကျွန်တော်တို့ လက်ခံပြီး ဆန်းသစ်သင့်တာ ဆန်းသစ်၊ ပြင်ဆင်သင့်တာ ပြင်ဆင်ပြီး လုပ်ကြမယ်ဆိုရင် အချိန်ကုန် လူပန်းသက်သာပြီး၊ အန္တရာယ်လဲ ကင်းလို့ အဆင့်မြင့်မြင့် နည်းပညာတွေနဲ့ ပိုမိုကောင်းမွန်တဲ့ မီးရှူးမီးပန်း အလှအပတွေကို တွေ့မြင်ခံစားရမယ်လို့ ထင်ပါတယ်..

တောင်ကြီးသားတွေ အနေနဲ့ မီးယမ်းနည်းပညာတွေ အဆင့်မြှင့်ရင်း၊ တစ်ဘက်ကလဲ အသစ်ယှဉ်ပြိုင်လာတဲ့ ပြင်ဦးလွင် တန်ဆောင်တိုင်ပွဲတော်ရဲ့ အရှေ့မှာ အမြဲရှိနေဖို့ လက်ရှိ အားထုတ်နေတာတွေထက် ပိုပြီး ကြိုးပမ်းကြဖို့ လိုလာပြီလို့ ပြောရင်း ပိုမိုကောင်းမွန်ပြည်စုံလာတဲ့၊ အဆင့်အတန်း မြင့်မားလာတဲ့ တောင်ကြီး တန်ဆောင်တိုင်ပွဲတော်ကြီး ထာဝရဖြစ်တည် ရှင်သန်နေပါစေလို့ တောင်းဆုပြုလိုက်ပါတယ်..

Read more!

တန်ဆောင်တိုင် အမှတ်တရ (ဇာတ်သိမ်း)

ဇာတ်လမ်းကို ပြန်ဆက်ရမယ် ဆိုရင်တော့ ဆူပါဂလူး လိုပါတယ်…ဒီလိုနဲ့ အက်တမင်က စကပ်ပါတယ်…ဆိုင်ဖွင့်ရင် မြတ်ဖို့က အဓိက ကျသည်လေ။ ဒါကြောင့်အက်တမင်က မနေနေ…တွက်ပါအုံးဗျ..မြတ်ပမလား…မြတ်မှဖြစ်မှာနော်…ဆိုပြီး အားကိုးတကြီး တွက်ခိုင်းပါသည်။ သူမကလည်း ပါးစပ်ကနေတတွတ်တွတ်ရွတ်ပြီး ကတ်ကူလေတာ တစ်လုံးကိုင်ကာ တွက်ပါသည်။ နောက်ဆုံးတွက်ချက်ပြီးတော့ အက်တမင် မရှုံးရင် အမြတ်ပဲတဲ့..ကျွန်မသေချာပြောရဲတယ်တဲ့…ကျွန်မ ဒီစာရင်းအင်းပညာနဲ့လုပ်စားနေတာ ကြာပြီတဲ့..ဆက်ပြောတယ်လေ။ ကျွန်တော်ထ အော်လိုက်ချင်ပါသည်။

ကျွန်တော်တို့ အကင်နဲ့ ဘီယာ ဆိုင်ဖွင့်ချင်တဲ့ အကြောင်းကလည်း ရှိပါသည်။ အက်တမင် ငန်းကြောထနေလို့ မမြင်မိတဲ့ ဟာကို ကျွန်တော်တို့က သတိပြုမိလို့လေ။ အဲဒါမှန်မမှန် သိချင်စိတ်နဲ့

သူတို့ရဲ့ နောက်ကြောင်းကို လိုက်လိုက်တော့ တော်တော်လှတယ်…အာ..မှားလို့ သိလိုက်ရတာက ၃၆ ..ဟာ မှားပြန်ပြီ… စိုင်းစိုင်းရဲ့" ဖုတ်လှိုက်ဖုတ်လှိုက် " သီချင်းကို စွဲနေမိလို့… စာသားက "၃၄ ၂၄ ၃၆ အလှအပအရပ်အမြင့်က ၅ ပေ ၆ " ဆိုလားပဲ…အဲဒါလည်းအပြီး ပြန်ဖျက်မလို့လုပ်တော့ ကော်ရရှင်ပန် က မရှိတော့ဘူးလေ…အဟီး ။ နံပါတ်တွေကို ပြောချင်တာနဲ့တိုက်ဆိုင်သွားလို့….ဒိတ်က (၂.၇.၂၀၀၇) လေ။ ဒီလိုနဲ့ပဲ ….အမှန်တော့ မသဉ္ဖာ ရဲ့ ဟင်းထုပ် က အကြံအဖန်ဆိုတာပဲဆိုတာ သိလိုက်ရတယ်လေ… အက်တမင်က တင်တင်ချင်း စားချင်တာနဲ့ ဘာမှ မမြင်နိုင်ဖြစ်သွားတာ…စားဖို့ပဲ ငန်းနေတာလေ…အခုတော့ ဒါလေးက ကျွန်တော်တို့ အတွက် အခွင့်ကောင်းလေးပေါ့။

ဒါကိုသိသော ကိုကျော်စွာက ထလိုက်ပါသည်။ ကျွန်တော်တို့က ကိုကျော်စွာ ဘာပြောမလဲပေါ့..ကြည့်တုန်း ပြန်ထိုင်သည်။ အဲဒီမှာ အက်တမင်က ကိုကျော်စွာ ဘာပြောစရာရှိလို့လဲ…. ပြောလေလို့မေးတော့…ကျွန်တော်ညောင်းလို့ ထရပ်တာတဲ့လေ။ အက်တမင်ရဲ့ မျက်နှာ တော်တော်တင်းသွားသည်။ မလေးမစားလုပ်တယ်ပေါ့..သူ့လို လူကြီးတစ်ယောက်ကို ဒင်းတော့ တွေ့အုံးမယ်ဆိုတဲ့ မျက်နှာနဲ့ ကြည့်လိုက်တာကို တွေ့လိုက်ရသည်…သိပ်မကြာပါဘူး…ထရပ်ပြန်ပါသည်။ ဒီတစ်ခါ အက်တမင်က ကိုကျော်စွာ ညောင်းလို့ပဲလားမေးတော့ ဒီတခါတော့ အတည်ပါ…အက်တမင်ကို လေးစားပြီးသားပါ..ငါးကတော့ လျော်တယ်။ ခြောက်ကပြန်တယ် တဲ့။ ဆက်ပြောပါသည်။ ဒီတစ်ခါလည်း အကြွေးပဲလားတဲ့….အက်တမင့် မျက်နှာသေးသေးသွားလိုက်တာများ မပြောပါနဲ့တော့ ။ တစ်နေ့က မသာအိမ်မှာ အက်တမင်ကြီး အကြွေးတင်ခဲ့တာလေ…အဲဒါကြောင့်ပြောတာလို့ အကြောင်းသိသူတစ်ယောက်က လေသံတိုးတိုးလေး ထွက်ပြီးသတင်းပေးသည်။

အဲဒီမှာပဲ ကိုကျော်စွာက ကျွန်တော် တင် ပြချင်တာကတော့ ဆိုပြီး ပုဆိုးကို ပြင်ဝတ်လိုက်သည်။ သူလည်း ၃၆ လားပေါ့..အဟီး..ဆက်ပြောတာကတော့ … ကျွန်တော်က တော့ အကင်နဲ့ ဘီယာ ဆိုင်ဖွင့်ချင်တယ် အက်တမင်…မသဉ္ဖာတို့ ဆိုင်ရောင်းတာလည်း ရောင်းပေါ့…တစ်ချက်ခုတ် နှစ်ချက်ပြတ်အနေနဲ့ ကျွန်တော်တို့ ဆိုင်မှာ သောက်ပြီးရင် သူတို့ဆိုင်ကို ကူးလို့ရတာပေါ့…ဒါကိုလည်း စဉ်းစားမိလို့ပါ။ ပြီးတော့ ဆောင်းတွင်း ဆိုတော့ ဒါလေးတွေက လိုတယ်လေဆိုပြီး လက်မကို ပါးစပ်ထဲ ထည့်ပြပါတယ်။ အားပါသွား၍ထင်သည်။အရှိန်လွန်ပြီး အာခေါင်ကို ထိသည်။ ဝေါ့ကနဲ ဖြစ်သွားသည်။ (နဲတောင်နဲသေးတယ်…လာပြီး စတိုင်လာပေးနေတာကိုး ) နောက်ကျွန်တော်စဉ်းစားမိတာက အွန်လိုင်းကနေပြီးတော့ လည်း အကြံဥာဏ်တောင်းမယ်လို့ အကြံပေးပါတယ်။ ဒါကလည်း တောင်ကြီးချယ်ရီဟာ အဝေးရောက် ချယ်ရီကို ချစ်သောသူများနဲ့လည်း သက်ဆိုင်တယ်ဆိုတဲ့ သဘောပါ ဆိုပြီး အများနဲ့ ကိုင်တုတ်လိုက်ပါသေးတယ်။

"ဟာ….ဘီယာ၊ အကင်ရောင်းရင် မကောင်းဘူးထင်တယ်….အဲလိုရောင်းရင် ပြဿနာတက်နိုင်တာပေါ့…အမူးသမားတွေနဲ့တရုန်းရုန်းဆိုတော့ …ကျွန်မတို့က မိန်းကလေးတွေလေ…ဘယ်ကောင်းပမလဲ " ဆိုပြီး ကန့်ကွက်မဲပေးပါသည်။ ထပြောသူကတော့ အဒူလဲသိလား….ရေခဲတုံးကြီး မအေးမိစံပါ။ အားလုံးအံ့အားသင့်သွားသည်။ ပါးစပ်တွေ အဟောင်းသားဖြစ်သွားသည်။ တခန်းလုံး တိတ်ဆိတ်သွားသည်။ တိတ်ဆိတ်မှုကို စတင်ဖြိုခွင်းလိုက်သူကတော့…ဘူ….တဲ့။ အသံလာတဲ့ ဘက်ကို ခန့်မှန်းပြီး အားလုံး ၀ိုင်းကြည့်ကြသည်။ အဟင့်…အဟင့် ဆိုပြီး အသံလေးထွက်လာသည်။ သူလို့ထင်ပြီး ၀ိုင်းကြည့်လို့ ရှက်၍ထင်သည်။ သမီး မဟုတ်ဘူးနော်လို့ ငြင်းရှာသည်။ ကြည့်လိုက်တော့ ချိုချိုမွှေးမွှေးလေးပေါ့။ အခုတော့ ချိုချို နံနံလေးလို့ နာမည်ပြောင်းလိုက်ပြီ လို့ ..စိတ်ထဲကနေကြိတ်ပြောမိသည်။

နံတာကတော့ တော်တော်နံတယ်ဗျ….ခုနှစ်ရက်လောက် ဓညင်းသီးတွေ ၊ ဆူးပုတ်တွေ ၊ ငါးပိရည်ကျိုတွေ စားပြီး ခုနှစ်ရက်လောက် ၀မ်းချုပ်ပြီး မအောင့်နိုင်မအီးနိုင် ထွက်လာတဲ့ အနံပါ…မယုံမရှိပါနဲ့….လို့ အီးသုတေသနနဲ့ မာစတာဘွဲ့ရခဲ့သ (လက်ရှိအလုပ်အကိုင် - မြို့နယ်စည်ပင်ရဲ့ မိန်လာပြုပြင်ထိန်းသိမ်းရေး အထွေထွေ အတွင်းရေးမှူး) ကိုအောင်မိန်းက ဆိုင်းမဆင့် ဘုံမဆင့် ပြောပါတယ်။ ပြောတဲ့သူတွေကလည်း အကျိုးအကြောင်းခိုင်ခိုင်လုံလုံနဲ့ ပြောတော့

ကျွန်တော်တို့မှာ ကောင်မလေးတော်တော်ရှက်သွားမှာပဲဆိုပြီး ကရုဏာ စိတ်တွေတောင် ပေါ်လိုက်သေးသည်။ ပြောတဲ့သူကလည်း ထိုကိစ္စနဲ့ပါတ်သတ်ပြီး ဆိုးဆိုးဝါးဝါးရာဇ၀င်ရှိပုံရပါသည်။ အဆိုးဆုံးကတော့ ကိုချမ်းပေါ့…ကျွန်တော်ပါဆိုပြီး ထပြောတယ်လေ….ဟီးရိုးပေါ့…ကောင်မလေးက အားကိုးတဲ့ မျက်လုံးလေးတွေ့နဲ့ စိုက်ကြည့်နေတာကို တွေ့လိုက်ရပါသည်။ ဒါကတော့ ဇာတ်လမ်းလေးတစ်ပုဒ်ပေါ့…။

အကင်ဆိုင်ဖွင့်ချင်တဲ့ သူရယ်၊ ရိုးရာအစားအစာ ဆိုင်ဖွင့်ချင်တဲ့ သူရယ် ပေါ်လာတော့ အက်တမင် စဉ်းစားရကြပ်ပြီပေါ့။ အကင်ဆိုင်ဖွင့်တာကိုငြင်းရင်လည်း ခွက်ပုန်းခုန်သူ အက်တမင်က သူစားပေါက်ပျောက်သွားမှာကို သိတယ်လေ။ ကိုကျော်စွာကလည်း ဗူးဆိုရင် ဖရုံမသီးတဲ့ လူမျိုးကိုး။ ဟိုဆိုင်ကို မဖွင့်ပါနဲ့ ပြောရင်လည်း သူကြိတ်သဘောကျနေသော ကောင်မလေးနဲ့ဝေးပြီလေ။ အဒူလေးလဲ ဆိုတော့ ….မပြောတော့ပါဘူးလေ…ညီမလေးတွေနဲ့ မမများ ရင်ခုန်ကြပေါ့နော့်။ အဟဲ။ သတိတော့ထားဗျို့ …အက်တမင်ရဲ့ နောက်ကြောင်းက မကောင်းဘူး…၄၀ ဆိုလားပဲ..အဟဲ။

နောက် အွန်လိုင်းက အကြံပေးချက်တွေကလည်း နှစ်ဆိုင်လုံးဖွင့်တာကို သဘောကျတယ်တဲ့လေ။ နောက်ဆုံးတော့ ဆိုင်နှစ်ဆိုင်လုံးဖွင့်မယ်လို့ အက်တမင်က မချချင် ချချင်သလိုလုပ်ပြီး ဆုံးဖြတ်ချက်ချလိုက်ပါသည်။ အားလုံးလဲ ကျေနပ်သွားကြပါတယ်…. ဒီလိုနဲ့ ကျွန်တော်တို့ ရဲ့မီတင်လေး အောင်မြင်စွာပြီးဆုံးခဲ့ပါတယ်….

မီတင်ပြီးလို့ လမ်းခွဲကြတော့ ကိုကျော်စွာ သွားရအောင်လို့ အဖော်ညှိတော့ သူက ဘယ်လဲလို့မေးပါတယ် ။ထုံးစံအတိုင်းပဲပေါ့ လို့ပြောတော့ ဟာ…ကောင်းတယ်..ကောင်းတယ်တဲ့…ရာသီဥတုကလည်း အားကစားသမားတွေ အကြိုက်ပဲတဲ့။ သိပ်မပြောရပါလား ကိုကျော်စွာရယ်။

လေအေးအေးလေးတွေကတော့ ကျွန်တော်တို့ကို ကျီစယ်လို့ပေါ့။ မင်းလမ်းတစ်လျှောက် လမ်းလျှောက်ပြန်ခဲ့ကြသည်။ ဆိုင်က အပြန်မှာတော့……..ကြယ်တွေက လင်းလက်ပြီး တိမ်တွေက စိမ်ပြေးတမ်းကစားနေပါသည်။ သီတင်းကျွတ်လပြည့်နေ့ ရောက်တော့မှာ မို့လို့လားမသိဘူး လပေါ်မှာလည်း အဖိုးက ဆန်တွေ မနားတမ်းဖွတ်နေတယ်။ ရောက်တက်ရာရာ အတွေးများကို တွေးနေစဉ်မှာပဲ….

"တောင်ပေါ်မြေမှာ တော်ဝင်ပိတောက်ပန်းမရှိပေမယ့် …

ဖြူစင်စေတနာ အရိုးခံစိတ်ရင်းရှိကြတယ်…

ချယ်ရီတွေရယ်ဧည့်ဝတ်မပျက်ပါဘူးကွဲ့ အချစ်ရယ်…"

ဆွေးဆွေးမြေ့မြေ့ ဆွဲဆွဲငင်ငင် အသံသေး အသံကြောင်နဲ့ သီချင်းထဆိုပါသည်။ ရုတ်တရက်ဆိုတော့ တော်တော်လန့်သွားသည်။ နောက်တော့ ကျွန်တော်က မသိမသာ အေးလိုက်တာ နားရွက်တွေကလဲ…. ဆိုပြီး လက်နှင့်အုပ်လိုက်သည်။ ဟောင်နေသော ခွေးများပင်လျှင် မှင်သက်ငေးမောသွားကြသည် ထင်ပါသည်။ အားလုံးတိတ်သွားသည်။ ပတ်ဝန်းကျင်တစ်ခုလုံး။ သူကတော့ သူ့ဖီလင်နှင့်သူ မျက်စိကြီး မှိတ်ပြီး ကောင်းကင်ကို မော့ကြည့်ကာ ဆက်ဆိုလျက်။

**********************

"တန်ဆောင်တိုင်ကြီး ပြီးသွား၍ စာရင်းချုပ်သော အခါ ၀က်ဝက်ကွဲ မမြတ်ပါ။ ရှုံးပါသည်။ အမေ့နားကပ်လေး ပေါင်ထားတာတော့ ရွေးနိုင်တော့မည် မထင်ပါ။ ဆိုင်ဖွင့်ရင်ကောင်းမယ်ဆိုပြီး မီတင်စတင်ခဲ့သော အက်တမင် ကိုပဲ စိတ်ဆိုးရမလား။ အစားအသောက်အတွက် ကျွန်မတို့တာဝန်ယူတယ်…ကျွန်မတို့လက်ရာက ဘလော့ထဲမှာ မြင်တာနဲ့ စားချင်စရာပဲမဟုတ်လား လို့ပြောကာ တာဝန်ယူခဲ့သော မမဘလောကာများကိုပဲ စိတ်ဆိုးရမလား။ ဧည့်ကြိုမမ ဧည့်ကြိုတာဝန်ယူတယ်ဆိုပြီး ပဲပေးနေတာ ကိုပဲ အပြစ်တင်ရမလား။ အဖေတစ်ခွက် သားတစ်ခွက် ဆိုပြီး အားပေးသူတစ်ခွက် ဆိုင်ရှင်တစ်ခွက် သောက်မိခဲ့ကြသော အချင်းအချင်းကိုပဲ အပြစ်တင်ရမလား"

ဖွ..လွဲပါစေ …ဖယ်ပါစေ ဆိုပြီး ထအော်မိကာ အိပ်ယာမှ လန့်နိုးလာပါသည်…..ထိုအခါမှ ဟင်းကနဲ သက်ပြင်းချနိုင်ပါသည်။ ငါအိမ်မက်မက်နေတာပဲလို့သိလိုက်ရသည်။

****************************

အင်မှန်းသိသွားတာကို မခံချင်၍ မမများအုပ်စုက အင်းသားရိုးရာ အစားအစာ ချက်နည်းများကို ရက်တိုသင်တန်းတက်ကာ နေ့မအား ညမနား သင်ကြားနေကြောင်း သတင်းသဲ့သဲ့ရပါသည်။ တဖြည်းဖြည့်နှင့် လက်ရာ တိုးတက်မှု ရှိလာကြောင်းကိုလည်း သိရသည်။ မခံချင်စိတ်နဲ့ ကြိုးစားနေကြသော မမများကို ကြည့်ပြီး ၀မ်းသာရသည်။

ဒီလိုနဲ့ တန်ဆောင်တိုင်ပွဲတော်ကြီးကို ရောက်ရှိလာပါတော့သည်။

အက်တမင် ထင်တဲ့ အတိုင်းပင် တောင်ကြီးချယ်ရီ ဆိုင်လေးမှာ အားပေးသူများနှင့် စည်ကားလှပါသည်။

အွန်လိုင်းပေါ်ကရော…လက်တွေ့မှာပါ စည်ကားလှပါသည်။ အွန်လိုင်းပေါ်ကနေလည်း အော်ဒါများက မပြတ်ပါ…ဒီလိုရောင်းတာ ဒီတစ်ခါပဲ ရှိသေးတာကိုး…အွန်လိုင်းမှာ ရောင်းသူနှစ်ယောက်ကိုတော့ လူဌားရပါသည်။ သူတို့ကတော့ အွန်လိုင်းမှာ ချက်တာများဟု နာမည်ကြီးနေသူများပါ။ နစ် ပေါင်းများစွာနှင့် နှစ်ပေါင်းများစွာ ချက်ခဲ့ပေမယ့် ဒီတစ်ခါတော့ သူတို့ရဲ့ ရာဇ၀င်မှာ အမည်းစက်ထင်သွားပါသည်။ ဘာလို့လဲဆိုတော့ လက်ကြွက်တက်၍ ဖြစ်ပါသည်။ ဘေးမှာတော့ ပရုတ်ဆီပုလင်း ကိုယ်စီနဲ့ပေါ့။ တောင်ကြီးချယ်ရီနဲ့တွေ့မှ သူတို့နာမည်ပျက်တယ်ဆိုပြီး အသားရေဖျက်မှုနဲ့ တရားစွဲမယ်လုပ်နေလို့ မနည်းတောင်းပန်ထားရသေးသည်။ မီဒီယာတွေကလည်းကောင်း ..လက်ရာတွေကလည်း ကောင်းဆိုတော့ အောင်မြင်တာမဆန်းပါဘူးနော့်….။

ဆိုင်ရဲ့ ဆိုင်းပုဒ်လေးကလည်း ကဗျာဆန်ပါသည်။ အများနဲ့မတူ တမူထူးခြားပါသေးသည်။ "ချယ်ရီကိုသာ ပန်ပါ" တဲ့ ။ မမတို့မှာလည်း လက်မလည်ရရှာပါ။ (ယားလို့ ကုတ်ချင်ပေမယ့် လက်မအားသောကြောင့် ယားတဲ့နေရာကို မှတ်ထားကာ လက်အားမှ ကုတ်ရရှာပါသည် ) ရောင်းရုံနဲ့ မပြီးပါ။ လစ်လိုက်တာနဲ့ မိတ်ဆက်ဖို့ ချောင်းနေသော စာဖတ်ပရိတ်သတ်များက မိတ်ဆက်ကြပါသည်။ ကျွန်တော်တို့ ဆိုင်မှာ သောက်ပြီး ဗိုက်ကလေး ဆာလာပြီဆိုလျှင် ဟိုဘက်ကို ကူးလိုက်ယုံပဲလေ။ ဆက်ဆံရေးကလည်း ကောင်းသလို လက်ရာကလည်း အလွန်ကောင်းသောကြောင့် လူမပြတ်ပါ။ တစ်ရက်ပြီး တစ်ရက် အမြတ်ကို တွက်ကြတော့ ၄ဆ၊၅ဆ လောက်ကို မြတ်ပါသည်။ မီးပုံးပျံတစ်လုံးတက်သွားတိုင်း အောင်မြင်မှုအတွက် ခွက်တိုက်ရတာကလည်း အမော…..အဟဲ။

ပွဲတော်ရက်အတွင်း ထူးခြားတာတစ်ခုကတော့ ချယ်ရီမြေရဲ့အမှတ်တရ အချစ်ဇာတ်လမ်းလေးတစ်ပုဒ် အစပြုခဲ့တာပဲလေ…ကျွန်တော်အတန်တန်တားတဲ့ ကြားက အချစ်စိတ်တွေ ယိုဖိတ်လို့ အလည်ရောက်လာတဲ့ မြေပြန့်သူလေးတစ်ယောက်ကို ချစ်မိတဲ့ သူကတော့ မျက်နှာရူးကြီး ကိုကျော်စွာပါ။ စတွေ့ပုံလေးက အရမ်းစိတ်ဝင်စားဖို့ကောင်းပါသည်။

လာတာကတော့ ကျွန်တော်တို့ ဆိုင်ကိုလာတာမဟုတ်ပါဘူး….မမများကို လာအားပေးတာပါ…စုံစမ်းကြည့်တော့ လာလည်တယ်လို့သိရပါသည်။ အဲဒီမှာ ကျွန်တော်တို့ရဲ့ မင်းသားက သဘောတော်ခွေ့သွားတာပါ…တော်ကောက်တော်မူချင်ပေမယ့်လည်း ပါပါက ဘုရင်မဟုတ်တော့ လုပ်လို့မရဘူးလေ။ ဒါကြောင့် ကိုယ်စွမ်းရှိသလောက် ကြိုးစားရပြီပေါ့။ ဒီတစ်ခါမှ မစွံရင်လည်း ဒီတသက် မိန်းမရကိန်းမမြင်ပါ။ ဒါကိုသိသော ကျွန်တော်တို့ ဒီတစ်ခါများ စွံလေမလားဆိုပြီး အားလုံးက သူ့ကို ၀ိုင်းအားပေးကြပါသည်။ ပင့်ပေးတယ်လို့ ပြောရင် ပိုမှန်မလားမသိဘူး။

အက်တမင်။ ။ ကောင်မလေးက မဆိုးဘူးနော်…မျိုးကောင်းလေးထင်တယ်။ ဒေါင်းမျိုးလေးဟ ...အတွေးမမှားနဲ့ …ကိုယ့်လူ…အားပေးတယ်တဲ့..ဦးစွာ အားပေးအားမြှောက်ပြုပါသည်။

ကိုရဲ ။ ။ ကြိုးစားကြည့်ပေါ့ဗျာ…ကျွန်တော်ကတော့ မထင်….ဆိုပြီး အားပေးစကားဆိုပါသည်။

ကိုအောင်မိန်း။ ။ ကျွန်တော့်ဘေးက ဖြတ်လျှောက်သွားတော့ အနံလေးကတော့ သင်းနေတာပဲ… အီးခိုးတော့ မပေါက်တတ်လောက်ဘူး…အားပေးတယ် ..တဲ့။

ကိုချမ်း။ ။ အင်းမလုပ်..အဲမလုပ်…ကိုကျော်စွာက ကြေငြာလိုက်တော့ ငါးရံ့ နှစ်ကောင် မဖမ်းရတော့ဘူးဆိုတဲ့ မျက်နှာနှင့် ။

ကိုဇေယျာ။ ။ ကျွန်တော့်မှာ သီချင်းကောင်းကောင်းလေးတွေ ရှိတယ်။ သီချင်းလိုက်ဆိုပေးစရာ လိုရင်ပြော…အချိန်မရွေးတဲ့။

ကျွန်တော်။ ။ …..စိတ်ချမ်းသာရင် ကမ္ဘာကြီး ငြိမ်းချမ်းတယ် ဆိုတဲ့ စကားပုံကို စဉ်းစားနေသည်။ သူ့ရဲ့ နောက်ဆုံးအချိန်မှာ သူဖြစ်ချင်ရာကို တတ်နိုင်သလောက် လုပ်ပေးမယ်ဆိုတဲ့ အနေအထားနဲ့ပေါ့။

အမျိုးသမီးများ အဖွဲ့ကလည်း ၀ိုင်းပြီး မပါသေးသည်။

မနေနေ။ ။ ကျော်စွာ…ကောင်မလေးက နင့်ကို စိတ်ဝင်စားပုံပေါ်ပါတယ်ဟ..ငါတို့က မိန်းကလေးချင်းမို့သိတယ်တဲ့။ ငါ့တုန်းကလည်း ဒီလိုပဲ အထာပေးခဲ့ရတာတဲ့လေ (သူ့အထာပေးကောင်းလို့ အခုထိ အပျိုကြီး ဖြစ်နေတာလေ)

မသဉ္ဖာ။ ။ ငါလုပ်တဲ့ ဟင်းထုပ်ကို တော်တော်အားပေးသွားတာ…နင်နဲ့လိုက်ပါတယ်။ ငါ့လက်ရာကို နင်နဲ့ သူပဲ ကောင်းတယ်ပြောတာတဲ့ ..ကောင်းရော။

မနိုင်းနိုင်း။ ။ ငါလည်း အားပေးတယ်…ဆိုင်ကို ရောက်ရောက်ချင်းပဲ.. အစ်မက အရမ်းလှတာပဲ…ဘလော့ထဲမှာ ထက် အပြင်မှာက ပိုလှတယ်လို့ ပြောသွားတာ…ငါလည်း သူနဲ့ဆိုအားပေးတယ်တဲ့။

ကုမုဒြာ။ ။ အစ်ကိုက လူချောပဲ…စိတ်ထဲကတော့( ငါးရှဥ့်နဲ့ အမျိုးတော်တာကိုး )။ သဘောကောင်း မနောကောင်းလေးပဲ ။ ဟိုအစ်မက အစ်ကို့ကို မကြိုက်ဘူးဆိုရင်တောင် ခင်မင်ခွင့်လောက်တော့ ပေးမှာပါ။ ပါးကောင်းတယ်ဟုတ် မလား…ဆိုတော့ က..ကိုကျော်စွာက အယောင်ယောင် အမှားမှားနှင့် ပါးကို ကိုင်လိုက်ပါသည်။

ကိုကျော်စွာကို ကြည့်ရသည်မှာ အသဲအသန်ဂဲ မှန်နေပါသည်။ မျက်နှာတွေကလည်း ယောင်လို့ ကိုင်းလို့( အမှန်ကတော့ ညက လွန်ပြီး မြောင်းထဲ ပြုတ်ကျတာ..ကျွန်တော်က သိသိကြီးနဲ့ အဲလမ်းလေးက ဖြူးတယ်ဆိုပြီး နောက်လိုက်တာ ဆရာက တသွေမတိမ်း လျှောက်သွားသည်လေ)။ အားပေးတဲ့ သူတွေကလည်း အားပေးကြတော့ သူ့ခမျာ အ၇မ်းကို စိတ်အားထက်သန်လျက်ရှိပါသည်။ ၀ါရင့် လူပျိုသိုးကြီးများထံတွင် အကြံဥာဏ်ကောင်း ရဖို့အရေး အမျိုးမျိုး ပူဇော်ပသရ ၊ အပျိုကြီး မမများထံတွင်လည်း အခြေအနေကောင်းပမလားဆိုပြီး မေးရ၊ မြန်းရနှင့် ဗျာများနေသည်မှာ သနားဖို့အရမ်းကောင်းပါသည်။

ဒါပေမယ့်ဗျာ….ကျွန်တော် ဆက်မရေးချင်တော့ဘူး…ဒီဇာတ်လမ်းရဲ့ ဇာတ်သိမ်းပိုင်းကို ခင်ဗျားတို့လည်း သိနေလောက်ရောပေါ့နော်။ ကျွန်တော်လေ…သူ့အစား အရမ်းစိတ်မကောင်း ဖြစ်ရပါတယ်…သူဘယ်လို ကြိုးစားခဲ့တာ…ကောင်မလေး သူ့ကို ပြန်စိတ်ဝင်စားအောင်လုပ်၇တာ တွေကို မြင်နေရတော့ ပိုဆိုးတာပေါ့ဗျာ…ကျွန်တော်သာဆို ပြန်ကြိုက်လိုက်ပါတယ် …ကောင်မလေးနေရာမှာဆိုရင်လေ(ရေးသာရေးရတယ်…ဖင်တော့ ကြိမ်းတယ်..အဟဲ..သူ့ကိုဖြစ်စေချင်လွန်းလို့ပါဗျာ) ။ ဒါပေမယ့်လည်းဗျာ ..ဘယ်တတ်နိုင်မလဲ…ဖူးစာ ဆိုတာလည်း ရှိသေးတာကိုး…ဆိုပြီး ဖြေသိမ့်စကား ပြောရတာပေါ့လေ။ နောက်ပြီး တောင်ကြီးသားတွေ သိက္ခာကျအောင် လုပ်တဲ့ အတွက်လည်း စိတ်ဆိုးချင်တယ်။ အဟဲ ..ကျွန်တော်တုန်းကဆိုရင်…..မပြောတော့ပါဘူး…ကြော်ငြာဝင်တယ် ထင်မှာ စိုးလို့။

ဒါတွေအားလုံးဟာ ကျွန်တော့်ရဲ့ အတွေး သက်သက်သာ ဖြစ်သွားခဲ့တာပါ။ အခြေအနေအားလုံးကို ၁၈၀ ဒီဂရီပြောင်းအောင် လုပ်နိုင်တာကတော့ ဇာတ်လိုက်ကြီးပါပဲ။ ကောင်မလေးကလည်း သူ့ကို စိတ်ဝင်စားခဲ့ပါတယ်။ မူတာပေါ့ဗျာ…မိန်းမတို့သဘာဝအတိုင်း ….သိတယ်မလား..ခင်ဗျားတို့လည်း ကြုံဖူးကြမှာပါ။ ကြာကြာတော့ မမူနိုင်ပါဘူး…အခြေအနေကမပေးတော့ဘူးလေ.. သူနဲ့ စိမ်းဘက်ရှ် တွေအားလုံးက ကလေးတွေ ကိုယ်စီနဲ့ ဖြစ်နေကြပြီလေ။ စာရင်းက နောက်ဝါကျွတ်ရင် ပိတ်ပြီ..ဒါနဲ့ ကောင်မလေးက ကိုကျော်စွာကို မေးခွန်းလေး တွေ မေးမယ်.. ဖြေနိုင်ရင် သူ့ရဲ့ အချစ်ကို ရမယ် ဆိုပြီး ဆိုတယ်တဲ့။ သူမရဲ့ မေးခွန်းလေးတွေကို ဇာတ်လိုက်ကြီးက ဖြေနိုင်ခဲ့ပါတယ်။ ကျွန်တော်တို့ အားလုံး ရင်တထိတ်ထိတ်နဲ့ သူတို့ကို ကြည့်နေကြပါသည်။ ကောင်မလေးကလည်း အားလုံးရှေ့မှာ ပွင့်ပွင့်လင်းလင်း ဖြစ်စေချင်လို့ပါပြောတော့ ကျွန်တော်တို့အားလုံးရဲ့ အလယ်မှာ သူတို့နှစ်ယောက် အမေးအဖြေ လုပ်ကြတာပေါ့။

မင်းသမီး။ ။ ရှင် ကျွန်မကို အရမ်းချစ်တာ ပဲလား?

မင်းသား။ ။ အရမ်းချစ်တာပေါ့

မင်းသမီး။ ။ ဒါဆို ကျွန်မအတွက်ဆို ရှင်သေမလား?

ကျွန်တော်တို့ အားလုံး ကိုကျော်စွာ ဘာဖြေမလဲ ဆိုတာကို ရင်တမမနဲ့ နားစွင့်နေကြသည်။

သေမှာပေါ့….အင်းလို့ ပြောလိုက်လေ..ဒီကောင် ဒါလေးဖြေတာများကွာ..နေရာချင်းလဲလိုက်ချင်တယ်…ဆိုပြီး သူ့အစား စိတ်ထဲကနေ ၀င်ဖြေပေးမိနေပါသည်။ ကိုယ်ခန္ဓာ ကြီးသလောက် အသဲနုသော မနေနေကလည်း ရင်ဘတ်ကို ဖိလို့ပေါ့…ကဲ မင်းသားက ဘာဖြေလဲ ဆိုတော့ …..

မင်းသား။ ။ ဟာ..ဘယ်သေမလဲ…ကျွန်တော့် အချစ်က မသေတဲ့ အချစ်လေ တဲ့။

ကျွန်တော်တို့ အားလုံးက သွားပါပြီကွာ ဆိုပြီး ဟာ…ကနဲ ပါးစပ်က အသံတွေ ထွက်လာသည်။ မင်းဘယ်လို ဖြေလိုက်တာလဲ…အင်းလေ နင်ကလည်း ….ဆိုပြီး မချင့်မရဲနဲ့ ၀ိုင်းပြောကြပါသည်။

ဒီအသံတွေကို အဆုံးသတ်စေတာကတော့ " ကျွန်မသူ့ကို အဖြေပေးလိုက်ပါပြီ..သူ့အချစ်ကို လက်ခံတယ်တဲ့"

အမှန်တော့ ဒါလုပ်တယ် ဆိုတာကလည်း ထုံးတမ်းအစဉ်အလာကြောင့်ပါ…မဟုတ်ရင် သူတောင်းကတည်းက ချက်ချင်းကို အဖြေပေးချင်နေတာတဲ့လေဆိုပြီး…သူမကဆက်ပြောပါသည်။ အင်း တတ်လည်း တတ်နိုင်ပါပေ့…ကျွန်တော်တောင် ရူးချင်သလိုလို ဖြစ်သွားသည်။

မောင်လှမျိုးရဲ့ အလွမ်းနဲ့ အဆုံးသတ်ချက်တွေကို မကြိုက်သော ကျွန်တော့်အတွက် တအားပါပဲ…စာဖတ်သူများလည်း ကျွန်တော့်လိုပဲ ဖြစ်စေချင်ကြမှာပါ..ဟုတ်တယ်ဟုတ်…ကဲ…ဘုန်းကြီးရူးနဲ့ လှေလူး ဇာတ်လမ်းလေးကတော့ ဒီမှာ တင် အဆုံးသတ်ပါတယ်ခင်ဗျာ….

****************************

ဒီနှစ်တောင်ကြီးတန်ဆောင်တိုင်ကတော့ ကျွန်တော် ဘယ်တော့မှ မေ့လို့ရမှာ မဟုတ်တော့ပါ…..

ကျွန်တော်တို့အားလုံး ပျော်ရွှင်ခဲ့ကြရပါသည်။ အထူးသဖြင့်တော့…ဟိုမျက်နှာရူးပေါ့လေ။ စာရင်းတွေ ချုပ်တော့ မြတ်ပါသည်။ အမြတ်ငွေတွေကိုတော့ အားလုံးနဲ့ တိုင်ပင်ပြီး ဆက်လက် လုပ်ဆောင်သွားပါမည်။ မကြာခင်မှာ တောင်ကြီးမြို့ရှိ ထိုင်လို့ကောင်းသော ဆိုင်များ ပိုစ့်တွေ တက်လာမည်မှာ မလွဲပါ…အဟီး။ အဲဒီ အချိန်မှာတော့ virtual tour ဆိုပြီး ကိုရဲရဲ့ နှစ်သိမ့်မှုတွေလည်း လာအုံးမှာပါ။

ကဲ အားလုံးပဲ ပြုံးပျော်နိုင်ကြပါစေ။

နေလင်း။

Read more!

ဒုတိယ အကြိမ် မီးပုံးပျံစမ်းသပ် လွှတ်တင်ပွဲ (၂)

မီးပုံးပျံ အစမ်း လွှတ်တင်တဲ့ ပွဲတုန်းက ပြန်တော့မယ် လုပ်တဲ့ သူတွေကို ဖမ်းစားသွားတဲ့ အစီအစဉ် တစ်ခုကတော့ Firework စမ်းသပ်ပြတာပါပဲ.. တောင်ကြီးသားတွေ အနေနဲ့ မိုးပေါ်မှာ မီးပန်းတွေ ဖောက်တာ မြင်နေကြဖြစ်ပေမဲ့.. မြေပေါ်ကနေ ကောင်းကင်ထဲကို မီးပန်းတွေ ပစ်ဖောက်တာကိုတော့ သိပ်မမြင်ဖူးကြဘူးလို့ ထင်ပါတယ်.. ကျွန်တော်ကိုယ်တိုင်ကလဲ Firework တွေကို မြန်မာပြည်မှာ မမြင်ရတော့တာ တော်တော်လေးကြာပါပြီ.. အရင်ကတော့ ရန်ကုန်မှာနေတုန်းက အခမ်းအနားတစ်ချို့မှာ တွေ့ခဲ့ဖူးပေမဲ့ နောက်ပိုင်းတော့ မပါတော့ပါဘူး.. အပြင်က ဇာတ်လမ်းတွေ ထဲမှာပဲ တွေ့ရတာ များပါတယ်.. အခုတော့ နှစ်ပေါင်း တော်တော်ကြာအောင် အပြင်မှာ မမြင်တွေ့ရတော့တဲ့ Firework ကို တောင်ကြီးမှာ အဲ့ဒီနေ့က ပြန်လည် မြင်တွေ့ခဲ့ရပါတယ်..

၂၀၀၇ခုနှစ် တန်ဆောင်တိုင်ပွဲတော်မှာတော့ Firework တွေကို ပွဲတော် ဖွင့်ပွဲအခမ်းအနားမှာ ပစ်ဖောက်မဲ့ အစီအစဉ်ပါဝင် ပါမယ်.. အခု စမ်းသပ်တဲ့ ပွဲမှာတော့ မီးပန်း အမျိုးအစား တွေရဲ့ Sample အချို့ကို စမ်းဖောက်ခဲ့ကြတာ ဖြစ်ပါတယ်.. မိနစ် (၂၀)ကြာလောက် ကြာမယ်ထင်ပါတယ်.. မီးပန်း အလုံး အရည်အတွက် ကတော့ သတိမထားမိလိုက်လို့ အတိအကျ မမှတ်မိတော့ပါဘူး.. ဒါပေမဲ့ Sample ၁၀ မျိုးလောက်ကို ဖောက်ခဲ့တာဖြစ်ပြီး.. အလုံးပေါင်း ၅၀၀ အထက်လောက် ရှိမှာ သေချာပါတယ်.. အဲ့ဒီ မီးရှူး အချို့မှာ တောင်ကြီးမြို့က မီးရှူးအဖွဲ့တစ်ဖွဲ့ရဲ့ မီးပန်းတွေလဲ ပါတယ်လို့ သိရပါတယ်..

Photo Camera ကို Motion အဖြစ်ရိုက်ထားလို့ Pro Level လောက် မရလိုက်ပါဘူး.. Edit လုပ်ဖို့လဲ အချိန်မရတာနဲ့ မူရင်းအတိုင်းတွေ တင်ပေးလိုက်ပါတယ်..

လာကြည့်ကြသူတွေက `လက်ခုပ် လက်ဝါး´ တီးလို့ အားပေးခဲ့ကြပါတယ်.. မီးရှူးတွေ ဖောက်လို့ ခနလောက်လဲ ကြာရောဆိုင်ကယ်တွေ အသီးသီးနဲ့ တခြားကလူတွေ မီးပုံးကွင်းကို ထပ်ရောက်ပြီး လာကြည့်ကြတာ တွေ့လိုက်ရ ပါသေးတယ်.. အားလုံးကလဲ သဘောတွေ ကြလို့ `ထပ်လုပ်ပါဦးဗျို့´ ဆိုပြီး တောင်းဆိုသံတွေကိုလဲ ကြားခဲ့ရပါတယ်..

မီးရှူးတွေလဲ ဖောက်လို့ ကုန်သွားရော နောက်ထပ် မီးပုံးပျံ တစ်လုံး လာရောက် လွှတ်တင်တာ ကြည့်ခဲ့ပါသေးတယ်.. သူကလဲ `မီးကျည်´ အမျိုးအစား ဖြစ်ပါတယ်.. မီးပုံးပျံကိုယ်ထည်ကတော့ Plastic အသားနဲ့ လုပ်ထားတာ ဖြစ်ပြီး.. အေးအေးဆေးဆေး အောင်အောင်မြင်မြင်ပဲ တက်သွားခဲ့ပါတယ်.. မီးပန်း အလှတွေလဲ အဆင်ပြေပြေနဲ့ ပစ်လွှတ်နိုင်ခဲ့တာကြောင့် တန်ဆောင်တိုင် မရောက်သေးပေမဲ့လဲ.. ကြိုတင်ပြီး မီးပုံးပျံတွေ၊ မီးရှူးတွေ၊ Firework တွေကို တွေ့မြင်လိုက်ရလို့ အားလုံးနဲ့ ထပ်တူ ထပ်မျှ ကျွန်တော်လဲ အားရကြေနပ်တဲ့ ခံစားချက်တွေ ရရှိလိုက်ပါတယ်.. အဲ့ဒီလိုနဲ့ပဲ ဒုတိယ အကြိမ်မီးပုံးပျံ စမ်းသပ်လွှတ်တင်ပွဲ၊ ဒါမှမဟုတ် သီတင်းကျွတ် မီးထွန်းပွဲတော် အဆက် အစီအစဉ်ဟာဖြင့် ကြည်နူးပျော်ရွှင်ဖွယ်ရာ၊ အောင်အောင်မြင်မြင်နဲ့ ပြီးဆုံးသွားခဲ့ပါတယ်..

ကျွန်တော့်စိတ်ထဲမှာတော့ အသစ်အသစ်တွေ မြင်တွေ့ရမဲ့၊ ကွင်းအသစ်ကြီးမှာလဲ ကျင်းပမဲ့ ၂၀၀၇ခုနှစ် တောင်ကြီး တန်ဆောင်တိုင်ပွဲတော်ကြီးကို အမြန်ဆုံး ရောက်ဖို့ အရေး မျှော်တွေးနေမိပါတော့တယ်..

Read more!

ဒုတိယ အကြိမ် မီးပုံးပျံစမ်းသပ် လွှတ်တင်ပွဲ (၁)

ဒီနေ့လဲ ပြောပြစရာ၊ ဖောက်သည် ချစရာ အကြောင်းလေးတွေက ရှိလာပြန်တော့ မပြောဘဲ မနေနိုင် မတင်ဘဲ မနေနိုင်တဲ့ ကျွန်တော်၊ Post တစ်ခုရေးရပြန်ပါပြီ.. စကားတောင် နှစ်လုံးကွဲအောင် မပြောတက်တဲ့ ကျွန်တော် ဒီ Blog မှာ စာတွေ အမြားကြီးရေး၊ လေတွေ အမြားကြီး ကန်နေလို့ မျက်စိများ နောက်ကုန်နေပြီလားတော့ မသိ.. သဘောမတွေ့တဲ့ အကြောင်းအရာတွေ ပါခဲ့မိရင်လဲ လိုတိုး၊ ပိုလျှော့လေးလုပ်လို့ နားလည်ပေးပါလို့ ကြိုတင်ပြောလိုပါတယ်..

မနေ့က သီတင်းကျွတ်လပြည့်နေ့ ပြီးဆုံးသွားခဲ့ပေမဲ့လဲ တောင်ကြီးမြို့က တိတ်စိတ် ခြောက်ကပ်မသွားပါဘူး.. ပင်ကိုယ်ကကိုယ် ပျော်စရာတွေပဲ မြင်လို၊ တွေ့လို၊ ခံစားလိုတဲ့ တောင်ကြီးသူ၊ တောင်ကြီးသားတွေကတော့ မရအရ ပျော်စရာ ရှာလို့ ပွဲဆိုရင် ပါဝင်ဆင်နွဲကြတာ ဓလေ့လိုကို ဖြစ်နေပြီလို့ ထင်ပါတယ်..

မနေ့က ကျွန်တော် ပြောခဲ့သလိုပဲ ဒီနေ့ Official မီးပုံးပျံ စမ်းသပ်လွှတ်တင်ပွဲကို ရောက်ခဲ့ပြန်ပါတယ်.. မိုးတွင်းကာလ တုံးက ပထမအကြိမ် စမ်းသပ်ပွဲမှာ မအောင်မြင်ခဲ့တဲ့ မီးပုံးပျံအဖွဲ့ကပဲ ဒီနေ့ ဒုတိယအကြိမ် စမ်းသပ်ပွဲမှာ မကြေပွဲ ပြန်နွှဲခဲ့ပြန်ပါတယ်.. မီးပုံးပျံကွင်းသစ်ကလဲ ကျွန်တော့အထင် ၂၀၊ ၃၀%လောက်ပဲ ပြီးသေးပေမဲ့လဲ မီးပုံးပျံလွှတ်တင်ဖို့ အဆင်သင့် ဖြစ်နေပါပြီ.. ကျယ်ကျယ်ဝန်းဝန်းနဲ့ လွတ်လွတ်လပ်လပ် လှုပ်ရှားလို့ရတဲ့ အတွက်လဲ မီးဆရာတွေ အကြိုက်တွေ့မှာ အမှန်ပါပဲ..

အခုလောလောဆယ်အထိ မီးပုံးပျံကွင်းသစ် တည်ဆောက်မဲ့ ပုံစံကို မရမက ရှာကြံပြီး တင်ပေးလိုက်ပါတယ်..

ဒီနှစ် မီးပုံးပျံကွင်းသစ်နဲ့ တန်ဆောင်တိုင်ပွဲတော်ကြီးမှာ ပါဝင်မဲ့ အကြောင်းအရာတွေအားလုံးကို သက်ဆိုင်တဲ့ သူတွေဆီမှာ မေးမြန်းခဲ့ပြီး၊ အားလုံးကို တစ်ဆင့် ပြန်ပြောပြချင်ပေမဲ့လဲ အရသာ ပျက်မှာ ဆိုးလို့ အကုန်လုံး မပြောပြတော့ပါဘူး.. ဘာတွေ တွေ့ရမလဲ၊ ဘာတွေ မြင်ရမလဲ၊ ဘာတွေ ပါမလဲလို့ စောင့်စားပြီး ရင်ခုန်ရတာကို အားလုံးက ပိုပြီး သဘောကြကြမယ်လို့လဲ ယူဆပါတယ်.. အဲ့ဒါကြောင့် တစ်ချို့တစ်ဝက်လောက်ပဲ အရိပ်အမြွက် ပြရုံပြပြီး တကယ့်ပွဲတော်ကြီးကြမှပဲ မျက်ဝါးထင်ထင်၊ အားပါးတရ ခံစားကြပါလို့ ပြောလိုပါတယ်.. အခုအချိန် မှာလဲ အချို့ အစိတ်အပိုင်းတွေက မပြီးသေးတော့ အားလုံးက ဖြစ်နိုင်ပါ့မလား၊ ဟုတ်နိုင်ပါ့မလားလို့ သံသယတွေ ဖြစ်ကြမှာလဲ စိုးရိန်မိလို့ပါ..

ဆောင်းဝင်လာပြီဖြစ်လို့ အေးစိမ့်တဲ့ လေပြေလေးက တိုးဝေ့လို့ နေပါတယ်.. ပထမအကြိမ်က မုတ်သုံလေကို အရှုံးပေးလိုက်ရတဲ့ မီးအဖွဲ့အတွက်တော့ ဒီကနေ့က အံတုစရာ လေရူး ကင်းလွတ်လို့ နေပါတယ်.. မောင်းသံ၊ အိုးစည်သံတွေနဲ့ အတူ လူတွေအားလုံးက ကွင်းအတွင်းမှာ မြင်တွေ့နေကြပုံစံတွေ အတိုင်း ပျော်ရွှင်မြူးတူး နေကြပါတယ်.. လာရောက်ကြည့်ရှူတဲ့ ပရိတ်သတ်ကလဲ အုံ့အုံ့ ကျက်ကျက် ပါပဲ..


မီးပုံးပျံ စတင်ပြီး မှိုင်းထည့်တဲ့ အချိန်ကနေ မှိုင်းပြည့်တဲ့ အချိန်အထိ လေကငြိမ်သက်လို့နေပါတယ်.. ရှမ်းဒိုးသံ၊ လေပြေအေးနဲ့ အားလုံးက Usual အတိုင်းဖြစ်နေတော့ မီးပုံးပျံကြီး မှိုင်းဝသွားတဲ့ အချိန်အထိတော့ လာကြည့်တဲ့ သူတွေကို ရင်ခုံအောင် ဘာကမှ မလုပ်နိုင်သေးပါဘူး.. မကိုင်လှုပ်နိုင်သေးပါဘူး.. ဒါပေမဲ့ ဘာရသတစ်ခုမှ မပေးနိုင်တဲ့ မီးပုံးပျံလွှတ်တင်မှုမျိုး မရှိဘူးလို့ ဆိုရမလောက်အောင်ဘဲ အခုပွဲကလဲ မတူညီတဲ့ ခံစားချက်မျိုး ပေးခဲ့ပါသေးတယ်..

မီးစာ

မီးပုံးပျံကြီး မှိုင်းတွေဝလို့ မီးကျည်တွေ ချိတ်ဆွဲမယ်လုပ်တဲ့ အချိန်အထိ၊ ၅ပေကျော်ရှည်တဲ့ မီးစာက မီးကောင်းကောင်းမဆွဲသေး.. မီးပုံးပျံကလဲ ရုန်းအား မရှိသေး.. အပြင်က လိုက်ပေးနေတဲ့ မီးမှိုင်းအပြင်ကို အဓိက အတွင်းမီးစာက မီးပုံးပျံကို မှိုင်းမပေးနိုင်သေး.. မီးဆရာတွေကလဲ ၀ိုင်းဝန်းပြီး လုံလောက်တဲ့ လောင်ကျွမ်း မှုရအောင် မီးမြှိုက်ပေမဲ့လဲ. မီးစာက မီးမစွဲ.. အနည်းငယ်သာ လောင်သေးတယ်.. အောက်က မီးကျည်တွဲကို ချိတ်ဆွဲပြီး လွှတ်ဖို့ ကြံတဲ့ အချိန်အထိ.. မီးစာက အပြည့်အ၀ မလောင်နိုင်သေး.. မီးပုံးကို နေရာတစ်ဖြည်းဖြည်း ရွှေ့သွားတဲ့ အချိန်တိုင်အောင် မီးစာက အလုပ်မလုပ်သေး..


ကြည့်နေရတဲ့ ကျွန်တော်လဲ အားမလို အားမရဖြစ်လို့.. ကျန်တဲ့သူတွေကလဲ အဲ့ဒါကို သတိထားမိပြီး တီးတိုးတီးတိုး စကားတွေ ဆိုကြလို့.. ပထမအကြိမ်က စိတ်အပျက်ကြီး ပျက်ခဲ့ကြရတဲ့သူတွေ အတွက် ဒီနေ့လဲ အဲ့လိုမျိုး မကြုံစေချင်ကြမှာလဲ အမှန်ပါပဲ.. တစ်ဖြည်းဖြည်း စောင့်ကြည့်ရင်းနဲ့ မီးစာက စတင်အလုပ်လုပ်လာပါတယ်.. မီးပုံးပျံလဲ ရှုန်းစပြုပါပြီ.. ကျွန်တော်လဲ အောင်မြင်ပါစေလို့ ဆန္ဒပြုရင်း ရင်တမမနဲ့ မင်သက်ကြည့်နေမိပါတယ်..


အဲ့ဒီလို ကြည့်နေရင်းပဲ မီးပုံးပျံကြီးက မီးဆရာတွေရဲ့ လက်ကလွတ်လို့ လေပြင်ထဲကို တည်တည်ငြိမ်ငြိမ်နဲ့ တက်လို့ သွားခဲ့ပါတယ်.. မီးကျည်ရဲ့ မီးစကိုလဲ ရှို့လွှတ်လိုက်ကြပြီဖြစ်တဲ့ အတွက် မီးကျည်အလှတွေ စပြီး ပြလာပါတာ်.. ပထမအကြိမ်က အစွမ်းမပြလိုက်ရတဲ့ ယမ်းမီးတွေကတော့ အတိုးချပြီး လောင်ကျွမ်းလေသလား မသိ.. တရစက် မရက်မနား ဖြာကြ လွင့်စင်နေပါတယ်.. အားလုံးကလဲ ၀မ်းပန်းတသာဖြစ်လို့ လက်ခုတ်လက်ဝါးတီး အားပေးနေကြပါတယ်..


ယမ်းချိန် (၁၄)ပိဿာ ကျော်ကျော်လောက်ပဲ လေးတဲ့ မီးကျည်တွေက အတောမသတ် မရပ်မနား ပေါက်ထွက်နေတာ အချိန်တော်တော်လေး ကြာပါတယ်.. အလှမျိုးစုံကိုလဲ မရိုးရအောင် ပြသလို့ မီးဆရာလဲ ၀မ်းသာနေမှာ အမှန်ပါပဲ.. ကျွန်တော်တို့ ပွဲကြည့်နေသူတွေ အတွက်လဲ အာသာပြေအောင် မီးပုံးပျံကြီးက အရသာ ပေးစွမ်းနိုင်ခဲ့ပါတယ်.. တည်တည်ငြိမ်ငြိမ် တရွေ့ရွေ့နဲ့ အမြင့်ကို ထိုးတက်နေတဲ့ မီးပုံးပျံကြီးက အလှမျိုးစုံ ဝေဖြာလို့ နေပါတယ်..


ပွဲလာကြည့်တဲ့သူတွေလဲ နှစ်ချိုက်ပြီး သဘောတွေ့သွားကြပါတယ်.. အားလုံးစိတ်ထဲမှာလဲ အရင်က စိုးထိတ်နေကြတဲ့ သံသယတွေ ကင်းလို့ မီးပုံးပျံကွင်းသစ်အတွက် အပြည့်အ၀ လက်သင့်ခံနိုင်ကြမယ်လို့ ကျွန်တော် ထင်မိပါတယ်..

အားလုံးက ပွဲပြီးသွားပြီ အထင်နဲ့ လှည့်ပြန်ဖို့ လုပ်နေတဲ့ အချိန်မှာပဲ ဘယ်တုန်းကမှ မထင်ထားခဲ့တဲ့.. မမျှော်လင့်ထားခဲ့တဲ့ အဖြစ်အပျက်တစ်ခုက အားလုံးရဲ့ ဦးခေါင်းကို ကွင်းအလယ်ဆီသို့ ပြန်လည်လာဖို့၊ ခြေဦးတွေကို ကွင်းဆီကို ပြန်လှည့်လာဖို့ ဖမ်းစားလိုက်ပါတယ်.. အဲ့ဒီ အဖြစ်အပျက် ကတော့..

မီးပုံးပျံရဲ့ မီးကျည်တွေ ဖြာကြနေပုံတွေကတော့ အဆင်မပြေတဲ့အတွက် မဖော်ပြလိုက်တော့ပါဘူး.. စိတ်ကူးထဲမှာပဲ မြင်ရောင်ကြည့်လိုက်ကြပါ.. အပြင်ကလိုပဲ လှလှပပ ပုံဖော်ကြည့်နိုင်မယ်လို့ ယုံကြည်ပါတယ်.. :)

ရဲမြန်မာ

Read more!

တန်ဆောင်တိုင် မီးပုံးပျံကွင်းသစ်

တန်ဆောင်တိုင်း မီးပုံပျံကွင်းသစ်နေရာနဲ့ ပွဲဈေးတန်းရှိမဲ့နေရာ.. အ၀င်နဲ့ အထွက်လမ်းတွေရဲ့ တည်နေပုံကို ဖော်ပြပေးလိုက်ပါတယ်.. အရင်ကွင်းဟောင်းနေရာနဲ့ ကွင်းသစ်နေရာတွေကို မျက်လုံးနဲ့ မြင်နိုင်အောင်လို့ပါ..

အ၀ါလမ်းကြောင်းကတော့ ပွဲဈေးတန်းဖြစ်ပါမယ်.. ဘုရားပေါ်မှာလဲ ပွဲရှိမှာ ဖြစ်သလို မီးပုံးကွင်းကလဲ ပွဲရှိပါမယ်.. ဘုရားရှေ့ လမ်းအသစ်ကနေပြီးတော့ ကွင်းအသစ်ထိ ပွဲဈေးတန်းကြီး ဖြစ်ပါမယ်.. အရင်ကလို Main လမ်းမကြီးပေါ်မှာ မဟုတ်တော့ပါဘူး..

ကွင်းမှာတော့ မီးပုံးပျံတွေ အတွက် အ၀င်တစ်လမ်းရှိမှာဖြစ်ပြီး.. အထွက်ကတော့ ကွန်ပျူတာ Uni ဘေးဘက်ကနေပြီးတော့ မီးရထားသံလမ်းတစ်လျောက် ဗိုလ်ချုပ်အောင်ဆန်းလမ်းပေါ်ကို ပြန်ထွက်ရမှာ ဖြစ်ပါတယ်..

အရင်က သေးသေးကြုတ်ကြုတ်နဲ့ အမြင်မလှတာကို ပိုမို အဆင့်တန်းရှိရှိ လုပ်ဆောင်သွားဖို့ စီစဉ်ခဲ့တာ ဖြစ်ပါတယ်.. မီးပုံးပျံကွင်းသစ်ရဲ့ Design ကိုတော့ ပုံနဲ့တကွ ဖော်ပြနိုင်အောင် ကြိုးစားကြည့်ပါ့မယ်.. အရင်နှစ်တွေကနဲ့ မတူတဲ့ ခံစားမှုမျိုးတွေ ဒီနှစ် မီးပုံးပျံပွဲက ရရှိလိမ့်မယ်လို့ မျှော်လင့်ပါတယ်..

Read more!

တန်ဆောင်တိုင် Live

တန်ဆောင်တိုင် ပွဲတော်အတွက် Blog မှာ Live တင်ပေးနိုင်အောင်လို့ Poll လေးလုပ်ပြီး အားလုံးရဲ့ အခြေအနေ လေးကို သိရအောင်လို့ တင်ပေးထားလိုက်တာ Vote လုပ်ပေးကြတဲ့ အတွက် ကျေးဇူးတင်ပါတယ်။

တန်ဆောင်တိုင်ပွဲဆိုတာ ဘာလဲ? မသိဘူး	3 (5%)
Live Post တွေ တင်ပေးပါ	6 (10%)
ဓာတ်ပုံတွေ Live တင်ပေးပါ	10 (17%)
သတင်းတွေ Live တင်ပေးပါ	4 (7%)
ပွဲရက်အားလုံး Live ကြည့်ချင်တယ်	19 (33%)
Video Broadcast နဲ့ကြည့်ချင်တယ်	7 (12%)
You Tube မှာ Delay တင်ပေးပါ	6 (10%)
စိတ်မ၀င်စားလို့ မကြည့်ချင်ဘူး	1 (1%)

Votes so far: 56

Poll မှာ ပွဲရက်အားလုံး Live ကြည့်ချင်တယ်က Vote လုပ်တဲ့သူတွေ အားလုံးရဲ့ ၃၃%ရတဲ့ အတွက် တန်ဆောင်တိုင်ပွဲမှာ ဓာတ်ပုံတွေ၊ သတင်းတွေ Live နီးပါး ဖြစ်အောင် ကြိုးပမ်းသွားကြဖို့ တောင်ကြီးချယ်ရီမြေ အဖွဲ့သားတွေ အားခဲထား ပါတယ်။ ပထမဦးဆုံး စလုပ်ရမှာဆိုတော့ အားလုံးရဲ့ အားပေးမှုကို လိုအပ်ပါတယ်။ အဝေးရောက်နေတဲ့ သူတွေအားလုံးအတွက်လဲ တောင်ကြီးချယ်ရီမြေရဲ့ တန်ဆောင်တိုင် Liveကို ကျေနပ်မှု ရစေရမယ်လို့ အာမခံ ပါတယ်။ ဘာတွေ မြင်တွေ့ရမလဲ ဆိုတာကိုတော့ စောင့်စားရင်းနဲ့ မျှော်လင့် ကြပါလို့.....

Read more!

မီးပုံပျံကွင်းသစ် ပထမအကြိမ် စမ်းသပ်လွှတ်တင်

မနေ့က ည ၇နာရီလောက်မှာ တောင်ကြီးမြို့ရဲ့ တန်ဆောင်တိုင် မီးပုံးပျံကွင်းသစ် လေကြောင်းစမ်းသပ်မှု ပထမအကြိမ် ပြုလုပ်ခဲ့ပါတယ်။ မီးပုံးပျံကွင်းသစ်ရဲ့ အခြေအနေကို စိတ်ဝင်စားသူ တော်တော်များများ လာရောက် ကြည့်ရှုခဲ့ကြပါတယ်။ ပထမဆုံး အကြိမ် စမ်းသပ်ပြီး မီးပုံးပျံလွတ်တင်တာမို့ လူအများရဲ့ စိတ်ဝင်စားခြင်းကို ခံခဲ့ရပါတယ်။ တကယ့် တန်ဆောင်တိုင်ပွဲလိုမျိုးတော့ မစည်ပေမဲ့ ဆိုက်ကယ်နဲ့ လာကြည့်ကြသူတွေရော၊ အနီးအနားက လာကြည့်ကြသူတွေနဲ့ တော်တော်လေး စည်ကားနေပါတယ်။

လွတ်တင်ဖို့ ရည်ရွယ်ထားတဲ့ မီးပုံးပျံက မီးကျီး အမျိုးအစား ဖြစ်ပါတယ်။ ပြိုင်ပွဲဝင်အဆင့် မီးပုံးပျံ အရွယ်အစား ဖြစ်ပြီး၊ ယမ်းအလေးချိန် ၁၇ပိသာ ကျော်တယ်လို့ သိရပါတယ်။ ကွင်းကျယ်ကြီးထဲမှာ ယာယီ ဆလိုက်မီးတွေ ထိုးပြီးတော့ ဆိုင်းသံတညံညံနဲ့ မီးပုံးပျံ အစမ်းလွတ်တင်ပွဲကြီး ကျင်းပခဲ့ပါတယ်။

မိုးတွင်းဆိုတော့ လေကလဲ တဝေ့ဝေ့တိုက်နေပါတယ်။ အေးစိမ့်မှုကတော့ ဆောင်းတွင်း သာသာပါပဲ။ လာရောက် ကြည့်ရှုကြတဲ့ လူအုပ်ကြီးကလဲ ဘာတွေဖြစ်မလဲဆိုတဲ့ အတွေးတွေနဲ့ မင်သက်တိတ်ဆိတ် နေပါတယ်။ ရှမ်းဒိုးသံကတော့ နောင်..ပိန်...နောင်နဲ့ ပျံလွင့်မြူးကြွ နေပါတယ်။

လေအနဲငယ်ငြိမ်တဲ့ အချိန်ကစပြီး မီးပုံးပျံကို မှိုင်းတိုက်ပါတယ်။ အဲ့ဒီလို မှိုင်းခံနေတဲ့ အချိန်မှာပဲ လေက ဝေ့၀ိုက် တိုးတိုက် လာပါတယ်။ မီးပုံးပျံကြီးလဲ ဟိုယိမ်းလိုက်၊ ဒီထိုးလိုက်နဲ့ လှုပ်ရှားရှုန်းကန်နေပါတယ်။ အဲ့ဒီလို မီးပုံးကြီး ရိန်းထိုးနေတာနဲ့ အမျှ ကြည့်ရှုနေသူ ပရိတ်သတ်တွေရဲ့ ဟင်၊ ဟာ ဆိုတဲ့ အားမလိုအားမရ အသံတွေက လိုက်လို့ ညံနေပါတယ်။ ရင်တလှပ်လှပ်နဲ့ အသဲတယားယား စောင့်ကြည့်နေကြပါတယ်။ မီးပုံးပျံ အဖွဲ့ဝင်တွေကလဲ မီးပုံးပျံအသား မီးမဟပ်အောင် ဟိုထိန်းဒီတည့် ဘေးကနေ လုပ်ပေးနေကြရပါတယ်။

မှိုင်းတွေ များလာတာနဲ့ အမျှ လေတိုးတာခံရပြီး၊ မီးပုံးပျံကြီး ဝေ့ရိန်းနေပါတယ်။ တာဝန်ရှိသူတွေကလဲ လေငြိမ်မှ ဆက်လွှတ်ဖို့ ပြောနေရင်းနဲ့ မီးပုံးပျံက မှိုင်းဝသွားပါတယ်။ မီးပုံးပျံ အဖွဲ့ဝင်တွေကလဲ မီးပုံးကြီးကို အလူးအလဲ လိုက်လံ ထိန်းသိမ်း နေရပါတယ်။ နောက် မီးဆရာက အောက်ကနေ မီးရှူးမီးပန်းတွေ ချိတ်မယ်လို့ ပြောပြီး၊ မီးပုံးပျံကြီးကို နေရာ ရွှေ့ဖို့ ကြိုးစားတဲ့ အချိန်မှာတော့ လေနီကြမ်းကြမ်းတစ်ခု ဝေ့၀ိုက်တိုက်ခတ်ပါတော့တယ်။ မီးအဖွဲ့သားတွေလဲ မီးပုံးပျံ လေဆွဲရာနောက် ကြိုးစားထိန်းလိုက်သွားသော်လဲ မီးပုံးပျံကြီးက အနီရောင် မီးတောက်တွေရဲ့ ၀ါးမျိုခြင်းကို ခံလိုက်ရပါတယ်။ ကြည့်နေကြသူအားလုံးလဲ "ဟာ ဟာ" ဆိုတဲ့ အသံတစ်ခုကိုသာ အော်မိရင်း အသက်ရှုရပ် မတက်ဖြစ်ကုန်ကြပါတယ်။

မီးပုံးပျံကြီးတစ်ခုလုံးကို မီးတောက်တွေက ထက်ပိုင်းဖြတ်ပြီး၊ လောင်မြိုက်ပစ်လိုက် ကြပါတယ်။ အနားမှာ အဆင်သင့် စောင့်နေတဲ့ မီးသတ်တပ်ဖွဲ့ဝင်တွေက မီးသတ်ကားနဲ့ ရေထိုးဖျန်းလိုက်တော့မှပဲ မီးတောက် ရောင်တွေ ပျောက်ကွယ်သွားပါ တော့တယ်။ လာကြည့်ကြတဲ့ ပရိတ်သတ်လဲ မီးရှုးမီးပန်း အလှ မတွေ့လိုက်ရဘဲ အားမလို အားမရဖြစ်ကာ၊ နှမြောတသခြင်း ကြီးစွာနဲ့ အလာလမ်းကို လှည့်ပြန်ခဲ့ကြပါတယ်။ အလှတရားတွေ မပြလိုက်ရတဲ့ မီးပန်းခွေကြီးကတော့ ပြန်လည်ထုတ်ပိုးခြင်း ခံလိုက်ရပါတယ်။ နောက် ဒုတိယ အကြိမ်အထိ သူငြိမ်သက်စွာနဲ့ စောင့်နေရ ပေလိမ့်ဦးမယ်။

တကယ်တော့ လေကြောင်းက မမှန်းဆထားတဲ့ နေရာကနေ တိုက်ခတ်နေပြီး၊ ပြင်ဆင်မှုတွေ မရှိခဲ့ဘဲ အလောကြီးသွားတဲ့ အတွက် ဆုံးရှုံးသွားခြင်း ဖြစ်ပါတယ်။ တစ်စုံတစ်ခုကို ဆုံးရှုံးလိုက်ရသလိုမျိုး ခံစားလိုက်ရရင်း အပြန်လမ်းမှာ ရှမ်းအိုးစည်သံတွေ ကြားရောင် နေမိပါတော့တယ်။

သေချာပါတယ်။ နောက်တစ်ကြိမ်မှာ တောင်ကြီးသားတွေ လေရူးကို အံတုလို့ အနိုင်ယူကြပါလိမ့်မယ်။

Read more!