ကြည့်ပြီးပြီလား

ပျင်းပျင်းရှိတာနဲ့ http://www.burmeseclassic.com/movie.htm မှာ ဗမာကားတွေ သွားကြည့်ဖြစ်ပါတယ်။ မင်းမော်ကွန်းနဲ့ မို့မို့မြင့်အောင်ပါတဲ့ ကားမှ ကြည့်တတ်တဲ့ ကျွန်မကို အခန်းဖော်က “တောမီး” ကားကို ကြည့်ကြည့်ပါ.. ရှမ်းပြည်မှာ သွားရိုက်ထားတယ် ဆိုလို့ မင်းသားတွေကို မကြိုက်ပေမဲ့ ရှမ်းပြည်ဆိုတာနဲ့ ကြည့်လိုက်မိပါတယ်။ အောင်ပန်းဖက်မှာ သွားရိုက်ထားတဲ့ တောကားလေး တစ်ကားပါ။ အဲဒီဖက်ကို ကားစီးရင် ဖြတ်သွားဖူးပေမဲ့ ရွာတွေထဲတော့ သွားမလည်ဖူးပါဘူး။

ဒီကားကို ကြည့်မိမှ အဲဖက်က ရူခင်းတွေ သဘာဝအတိုင်း အရမ်းလှနေတာကို တွေ့လိုက်ရတယ်။ မြေနီနီရယ်၊ အပင်စိမ်းစိမ်းရယ်၊ ကောင်းကင်ပြာပြာရယ်၊ တိမ်ဖြူဖြူရယ်နဲ့ သဘ၀အတိုင်း တော်တော်လေးကို လှတာတွေ့ရတယ်။ ဇာတ်လမ်းက ကောင်းပေမဲ့ ဇာတ်လမ်းထဲက လူတွေရဲ့ အဲဒီဒေသက အသံထွက်လို “လုပ်ပြောသံ”ကို နားထောင်ပြီး စိတ်ထဲ ခုလိုးခုလုဖြစ်မိတယ်။ ဗမာသံမဟုတ်၊ ရိုးရာသံ မဟုတ်၊ နားထောင်ပြီး စိတ်ပျက်မိပါတယ်။ ကားက တစ်ပတ်နေရင် အသစ်လဲတော့မှာမို့ ကော်နက်ရှင်ကောင်းရင်၊ အားရင် ကြည့်ကြည့်ကြပါလို့။ အသေမိုက်လို့ ညွန်းလိုက်ပါတယ်... ရူခင်းတွေကို ပြောတာပါး)

Read more!

ဝိုင်း အကြံပေးကြပါ

တန်ဆောင်တိုင် ပွဲတော် ကြီးကို ကျွန်တော်တို့ တောင်ကြီးချယ်ရီမြေကနေပြီး Live Web Broadcast လွှင့်ခဲ့တာနဲ့ ပါတ်သတ်ပြီးတော့ ပွဲအတွင်း Internet ကတဆင့် ကြည့်ရှူခဲ့တဲ့ သူတွေဆီက အကြံပြုချက်လေးတွေ ပြန်ကြားလိုပါတယ်..

ဘာတွေလိုအပ်တယ်.. ဘယ်လိုလုပ်ရင် ပိုကောင်းမယ်.. ဘာတွေ ထပ်ထည့်၊ ထပ်လုပ်ပေးသင့်တယ်.. ဘာတွေကတော့ ဖြင့် မကောင်းဘူး.. စသဖြင့်ပေါ့ ၀ိုင်းဝန်းအကြံပြုတာလေး ကြားလိုပါတယ်..

အထူးသဖြင့် Webcast နဲ့ ကိုယ်တိုင်ကိုယ်ကြ ကြည့်လိုက်ရတဲ့သူတွေ ဆီက စကားလုံးတွေ ပြန်ကြားလိုပါတယ်.. အဲ့ဒါမှပဲ ကျွန်တော်တို့လဲ ရှေ့ဆက်ပြီး ဒီထက်ကောင်းတဲ့ Live အစီအစဉ်တွေကို တင်ပေးနိုင်မှာ ဖြစ်ပါတယ်..

Read more!

ကြာသင်္ကန်းရက်ကန်းစင်

ကြာရက်ကန်းစင်အကြောင်းကို ဒီနှစ် ပြည့်ပြည့်၀၀ မှတ်တမ်းတင်မယ်လို့ ကျွန်တော် ကတိပေးထားတဲ့အတွက် မသိုးသင်္ကန်းရက် ပြိုင်ပွဲကို သွားရောက်ပြီး ကြာရက်ကန်းစင်နဲ့ ကြာသင်္ကန်း ရက်နေပုံတွေကို မှတ်တမ်းတင်ခဲ့ ပါတယ်..

Read more!

တောင်ကြီးမြို့နဲ့ Studio 35

တောင်ကြီးချယ်ရီမြေရဲ့ WebBroadcasting မှာ တစ်ဒေါင့်တစ်နေရာကနေ ပံ့ပိုးပေးထားတဲ့ Studio 35 ကို တောင်ကြီးချယ်ရီမြေ ပရိတ်သတ်တွေနဲ့ မိတ်ဆက်ပေးပါ့မယ်...

ယမန်နှစ် ၂၀၀၆ခုနှစ် တန်ဆောင်တိုင်ပွဲတော်ကြီးကို တောင်ကြီးမြို့မှာ Live လွှင့်ပေးနိုင်အောင်လို့ အသစ်ရောက်လာတဲ့ ပြည်နယ် အကြီးအကဲကနေပြီး ဖိတ်ခေါ်လို့ Studio 35 အဖွဲ့ တောင်ကြီးမြို့ကို ရောက်လာခဲ့ပါတယ်.. အဲ့ဒီနှစ်က Studio 35 အဖွဲ့တွေလဲ အလောသုံးဆယ်နဲ့ တောင်ကြီးမြို့ကို ရောက်လာပြီး Live လွှင့်ဖို့ အပူတပြင်း ဆောင်ရွက်ခဲ့ကြရ ပါတယ်.. တန်ဆောင်တိုင် ပွဲစဖို့ ၂ရက်လောက် အလိုမှာမှ ရောက်လာကြပြီး အားချင်း Live လွှင့်နိုင်အောင် ကြိုးပမ်းခဲ့ကြရပါတယ်.. ဘာမှ ကြိုတင်ပြင်ဆင်ချိန် မရလိုက်တဲ့အတွက် သူတို့လဲ အစပိုင်းမှာ တော်တော်လေး ကသီခဲ့ကြ ပါတယ်.. သူတို့အတွက် Studio အခန်းလဲ သီးသန့်မရခဲ့တာနဲ့ အဆောင်တစ်ခုရဲ့ အနောက်မှာ အကန့်တစ်ခုကန့်ပြီး အလျှင်စလိုပဲ လုပ်ခဲ့ကြရပါတယ်.. အခန်းကလေးသေးတော့ သူတို့ ပါလာတဲ့ စက်တွေနဲ့ တော်တော်လေး ပြွတ်သိပ်ကြပ်ညပ်နေပါတယ်.. Announcer အတွက်လဲ လုံလုံလောက်လောက် နေရာ မရတော့ဘဲ အားလုံးက ခပ်ခပ်ခဲခဲ ကြပ်ကြပ်သပ်သပ်နဲ့ ပထမနှစ်မှာ လုံးပမ်းခဲ့ကြရပါတယ်..

သူတို့ရဲ့ Camera အားလုံးကို Cable နဲ့သွားရတာ ဖြစ်တဲ့အတွက် အဲ့ဒီနှစ်တုံးက ကွင်းက ကျဉ်းတော့ သူတို့လဲ နဲနဲ အသက်ရှူချောင်သွားခဲ့ပါတယ်.. Transceiver တွေကိုလဲ ရွှေဘုန်းပွင့်ဘုရားကုန်းပေါ်ကို Cable နဲ့ ပြေးပြီး မီးပုံးပျံကွင်းထဲမှာ ရှိတဲ့ သူတို့ရဲ့ Studio အခန်ကနေ လွှင့်ခဲ့ကြရပါတယ်.. တောင်ကြီးမြို့ နေရာတော်တော် များများကလဲ အိမ်ကနေ တိုက်ရိုက် ကြည့်ခွင့်ရလိုက်တဲ့ အတွက် တောင်ကြီးမြို့မှာ Studio 35 နာမည်ရသွားခဲ့ ပါတယ်.. နောက်ပြီး မြို့ပေါ်မှာ ရှိတဲ့ ဌာနဆိုင်ရာတွေကိုလဲ Interview တွေလုပ်ပြီး၊ လွှင့်ပေးခဲ့ပါတယ်.. အဲ့ဒီနှစ်က TV ကနေ တိုက်ရိုက် လွှင့်တဲ့အပြင် မြို့လည်မှာရှိတဲ့ လူစည်တဲ့ နေရာတွေ ၃၊ ၄ခုမှာလဲ Projector တွေနဲ့ ထိုးပြလို့ မီးပုံးပျံကွင်းအဟောင်းမှာ လူတွေ တိုးကျိတ်ရတာ အနည်းငယ် သက်သာသွားခဲ့ရပါတယ်..

Studio 35 လဲ ပြည်နယ်ရဲ့ ဖိတ်ကြားချက်၊ ခွင့်ပြုချက်တွေနဲ့ တောင်ကြီးမြို့ကို ရောက်လာခဲ့ပြီး၊ တန်ဆောင်တိုင် ပွဲတော် တိုက်ရိုက်လွှင့်မှုနဲ့ တောင်ကြီးမြို့မှာသာမက တစ်နိုင်ငံလုံးကပါ သိရှိလို့ နာမည်ပေါက် သွားခဲ့ပါတယ်.. တစ်နည်းပြောရရင် တောင်ကြီးမြို့ တန်ဆောင်တိုင်ပွဲတော်မှာ Live လွှင့်ခွင့် ရတာက စလို့ Studio 35 ဆိုပြီး လူသိများ ထင်ရှားလာခဲ့ရတာ ဖြစ်ပါတယ်..


Studio 35 ဆိုတာက ရွှေနေခြည်ဆိုတဲ့ Company ရဲ့ လုပ်ငန်းတစ်ခုပါ.. မြန်မာနိုင်ငံရဲ့ Media Company တွေထဲမှာ ရှေ့အပြေးဆုံး၊ အလုပ်နိုင်ဆုံး Company လို့ ပြောလို့ရမယ် ထင်ပါတယ်.. သူတို့ရဲ့ Main Studio ကြီးမှာလဲ ရုပ်သံရိုက်ကူးရေးခန်းတွေ၊ Editing အခန်းတွေနဲ့ မြန်မာနိုင်ငံရဲ့ အကောင်းဆုံး ရုပ်သံ အရည်အသွေးရှိတဲ့ Mini Cinema တစ်ခုလဲ ရှိပါတယ်.. အခုလောလောဆယ် Studio 35 အနေနဲ့ မြ၀တီ ရုပ်မြင်သံကြားမှာ ကြိုးဝိုင်းထဲက ရင်ခုံသံဆိုတာရယ်.. စနေရုပ်ရှင်ဆိုတာတွေရယ်ကို တင်ဆက်ထုတ်လွှင့်ပေး နေပါတယ်.. မကြာခင်မှာလဲ ပထမဆုံး မြန်မာ ဇာတ်လမ်းတွဲတွေကို TV ကနေ ပြတော့မှာ ဖြစ်ပါတယ်..


ဒီနှစ် တန်ဆောင်တိုင် Live အတွက်လဲ ပြည်နယ်က ထပ်မံဖိတ်ကြားခဲ့ပြီး၊ မီးပုံးပျံကွင်းသစ်ကြီးမှာ ပြောင်းလဲ ကျင်းပရမှာဖြစ်လို့ Studio 35 အဖွဲ့တွေလဲ အစောကြီးကတည်းက ရောက်ရှိလို့ ပြင်ဆင်ဆောင်ရွက်ခဲ့ကြ ပါတယ်.. သူတို့အတွက် သီးသန့် Studio အဆောင်တစ်ခုရရှိခဲ့သလို လွှင့်တင်ဖို့လဲ စက်အစုံအလင်နဲ့ Camera များစွာနဲ့ မနှစ်ကထက် ပိုမိုကောင်းမွန်စွာ တိုင်ရိုက်လွှင့်တင်နိုင်အောင် နေ့မအား၊ ညမနား ကြိုးပမ်းဆောင်ရွှက် နေကြပါတယ်..


တောင်ကြီးမြို့ကို ပထမနှစ်မှာ ရောက်လို့ မြန်မာတစ်နိုင်ငံလုံးက Studio 35 ကိုသိခဲ့ကြသလိုပဲ.. ဒီနှစ်မှာလဲ ကျွန်တော်တို့ရဲ့ တောင်ကြီးချယ်ရီမြေကနေ Live Webroadcast လွှင့်ပေးလို့ Studio 35 ကို နိုင်ငံအားလုံးကလူတွေ သိရှိလာကြပါပြီ.. Studio 35 ကို မြန်မာမှာသာမက တကမ္ဘာလုံးကပါ သိအောင် တောင်ကြီးမြို့ တန်ဆောင်တိုင်ပွဲတော်ကြီးရဲ့ အရှိန်အ၀ါက လုပ်ဆောင်ပေးတယ်လို့ ပြောရမလိုပါပဲ.. တစ်ခြားတစ်ဘက်ကလဲ Studio 35 ရဲ့ တိုက်ရိုက်လွှင့်ပေးမှုကြောင့် တောင်ကြီးမြို့ တန်ဆောင်တိုင် ပွဲတော်ကြီးကို အိမ်ကနေ မပူမပင်နဲ့ ကြည့်နေနိုင်သလို ကျွန်တော်တို့ တောင်ကြီးချယ်ရီမြေနဲ့ ပေါင်းစပ်လိုက်တဲ့ အတွက်လဲ တစ်ကမ္ဘာလုံးက တန်ဆောင်တိုင်ပွဲတော် ရင်ခုံမြတ်နိုးသူတွေ အဝေးကနေ အားပါးတရ ကြည့်ရှူ ခံစားနိုင်ကြတာ ဖြစ်ပါတယ်..


ကျွန်တော်တို့ တောင်ကြီးချယ်ရီမြေ အဖွဲ့သားတွေကလဲ တန်ဆောင်တိုင်ပွဲတော်ကြီးကို Live လွှင့်နိုင်အောင် Studio 35 ဆိုတာကို တောင်ကြီးမြို့အရောက် ခေါ်ဆောင်လာပေးမှု ထပ်မံအားဖြည့်တဲ့ အနေနဲ့ တန်ဆောင်တိုင်ပွဲတော်ကြီးကို ကမ္ဘာ့နေရာအနှံ့က ကြည့်ရှုခံစား နိုင်အောင် မြန်မာနိုင်ငံရဲ့ ပထမဆုံး Live - WebBroadcasting ကို ဒါတို့ တောင်ကြီးသားတို့ရဲ့ ပညာနဲ့ စည်းလုံးမှုလို့ လက်ခမောင်းခပ်ပြီး ဂုဏ်ယူဝံ့ကြွားစွာနဲ့ တင်ဆက် ပြသပေးလိုက်တာ ဖြစ်ပါတယ်...

Read more!

တောင်ကြီးမှ အလှမယ်များ

တောင်ကြီးသူ ခပ်ချောချောများ တွေ့ချင်တဲ့သူတွေအတွက် တောင်ကြီးမြို့ မယ်စာရင်းဝင် အလှမယ်များ

လှမလှတော့ မသိဘူး၊ မယ်ရွေးပွဲက တော်တော်တော့ ရီရတယ် :D

တောင်ကြီးသူတွေ Body Beauty ကစားဖို့, Cat Walk လျှောက်တက်ဖို့, Gesture ပြတက်ဖို့ တော်တော်ကြီးကို လိုသေးတယ်

Read more!

တောင်ကြီးတန်ဆောင်တိုင် ဖိတ်ကြားလွှာ

မြန်မာ သက္ကရာဇ် ၁၃၆၉ခုနှစ်၊ ခရစ်နှစ် ၂၀၀၇ခုနှစ် တောင်ကြီးတန်ဆောင်တိုင် ပွဲတော် ဖိတ်ကြားလွှာ ဖြစ်ပါတယ်။

အထက်ပါ ပွဲတော်များ စည်ကားသိုက်မြိုက်စွာ ကျင်းပမှာ ဖြစ်တဲ့ အတွက် မပျက်မကွက် လာရောက်ကြဖို့ နှိုးဆော်အပ် ပါတယ်။

Read more!

၂၀၀၇ခုနှစ် သီတင်းကျွတ် မီးထွန်းပွဲတော်

မြန်မာနှစ်ရဲ့ (၇)လမြောက် သန်တူ (သီတင်းကျွတ်)ဟာ စက်တင်ဘာလ - အောက်တိုဘာလမှာ ကျရောက် ပါတယ်။ `သန်´က စပါးပင်ကို ရည်ညွှန်းတယ်။ `တူ´ဟာ ထူဖြစ်ပြီး စပါးပင်များ ထူထူ ထောင်ထောင် ပေါက်ရောက်လျှက်ရှိပြီလို့ ဆိုလိုတယ်။ အဲ့ဒီလို အပင်တွေ အောင်မြင်လို့မို့ ပျော်ပွဲရွှင်ပွဲတွေ လုပ်တယ်။ အခု သီတင်းကျွတ် ခေါ်တာဟာ ရဟန်းသံဃာတွေ ၀ါဆိုကြရာက ပြီးဆုံးပြီလို့ အဓိပ္ပာယ် ရပါတယ်။ ဒီလရဲ့ အထိန်းအမှတ်က ကြာဖြူ (Nymphaea lotus) ဖြစ်ပါတယ်။

မြန်မာသမိုင်းပုံဆိုတဲ့ စာအုပ်မှာ ပါတဲ့ ခေတ်ဦး မြန်မာ ပြက္ခဒိန် အခန်းထဲက သန်တူလို့ အရင်က ခေါ်ခဲ့ကြတဲ့ (သီတင်းကျွတ်) လ အကြောင်းလေးကို ဖော်ပြလိုက်တာပါ။ ဒီနေ့ကတော့ သီတင်းကျွတ်လပြည့်နေ့ ဖြစ်ပါတယ်။ တောင်ကြီး တစ်မြို့လုံးမှာ ရှိတဲ့ သူတွေ ဘုရားသွား ကျောင်းတက်နဲ့ ကုသိုလ်ကောင်းမှုတွေ လုပ်တဲ့ နေတစ်နေ့ပေါ့။ လူတွေအားလုံးက မြို့ပေါ်က ဘုရားတွေ၊ ဘုန်းကြီးကျောင်းတွေနဲ့ တောင်ပေါ်က ဘုရားတွေ၊ ကျောင်းတွေကို အစု၊ အစုနဲ့ အလျှိုအလျှို သွားနေကြပါတယ်။ တောင်ပေါ်တက်တဲ့ လမ်းတစ်လျှောက်မှာ တရွေ့ရွေ့နဲ့ သွားနေကြတဲ့ လူအုပ်ကြီးကို တွေ့နိုင်ပါတယ်။

ညကြရင်လဲ တစ်မြို့လုံး မီးတွေထွန်းလို့ ထိန်လင်းနေဦးမှာ ဖြစ်ပါတယ်။ ဘုရားစေတီတွေမှာလဲ ဆီမီးလင်းလို့ သာနေဦးမှာ ဖြစ်ပါတယ်။ ယနေ့ည စူဋ္ဌာမုနိဘုရားမှာ ဆီမီး (၉၀၀၀) ထွန်းညှိပူဇော်ပွဲနဲ့ ၀တ်ရွတ်ပွဲရှိတယ်လို့ သတင်း ကြားမိပါတယ်။ တစ်ခြားတစ်ခြားသော ဘုရား စေတီတွေမှာလဲ အလားတူ ပွဲတွေ လုပ်ကြမယ်နဲ့ တူပါတယ်။ တန်ဆောင်တိုင် မီးပုံးပျံ ကွင်းသစ်မှာလဲ မြေသန့်စင်တဲ့ ၀တ်ရွတ်ပွဲတွေ လုပ်မယ်လို့ သိရပါတယ်။

တောင်ကြီးမြို့မှာ သီတင်းကျွတ်အတွက် မြို့လုံးကျွတ် ပွဲတော် လုပ်လေ့မရှိပေမဲ့ တစ်ဦးစီ၊ တစ်ဖွဲ့စီ၊ တစ်အိမ်စီနဲ့ ကိုယ်စီကိုယ်စီ ပြုလုပ်ကြတဲ့ သီတင်းကျွတ် ပျော်ပွဲရွှင်ပွဲတွေ၊ မီးထွန်းပွဲတွေ တော့ ရှိကြပါတယ်။ သေချာ ပါတယ်၊ ၂၀၀၇ခုနှစ် သီးတင်းကျွတ်လပြည့်နေ့ ဒီညကတော့ တောင်ကြီးတစ်မြို့လုံး ကောင်းမှု တရားတွေနဲ့ ထိန်ထိန်သာနေမဲ့ အလင်းဝေဖြာသော ညတစ်ည ဖြစ်ပါလိမ့်မယ်။

Read more!

သာဓုခေါ်နိုင်ပါတယ်ဗျာ

ကျွန်တော်တို့တောင်ကြီးချယ်ရီဝိုင်းတော်သားများစုပြီးတော့စံကျောင်းတော်ကြီးဘက်စုံ
ပြုပြင်ထိန်းသိမ်းရေးအတွက်ရည်စူးပြီးလှူဒါန်းခဲ့ပါသေးတယ်..အဝေးရောက်တောင်ကြီး
ချယ်ရီဝိုင်းတော်သားများနဲ့ အဝေးရောက် သူငယ်ချင်းများ သာဓုခေါ်နိုင်ပါတယ်

Read more!

ကြာသင်္ကန်း ရက်လုပ်ခြင်း

ကျွန်တော် ကြာယက်ကန်း အကြောင်းကို မနှစ်က တန်ဆောင်တိုင် ယက်ကန်းပြိုင်ပွဲတုန်းက တွေ့လိုက်လို့ နဲနဲပါးပါး မှတ်သားခွင့်ရလိုက်ပါတယ်.. ကြာယက်ကန်းက နဲနဲရှားပါးသွားပြီးဖြစ်လို့ Public ကို တွေ့မြင်ရအောင် မနှစ်က ကြာယက်ကန်းစဉ်တစ်ခု ပြိုင်ပွဲမှာ ၀င်ပြခဲ့ပါတယ်.. အဲ့ဒီတုန်းက ကျွန်တော် Camera ပိုးမ၀င်လေးလို့ ဓာတ်ပုံ ရိုက်ရကောင်းမှန်း မသိလိုက်လို့ အခု သေသေချာချာ မဖော်ပြလိုက်နိုင်တာ တကယ်နှမြောမိတာပါပဲ.. ဒီနှစ်တော့ ကြာယက်ကန်း အကြောင်း စုံစုံငင မှတ်တမ်းတင်လိုက်ပါ့မယ်.. အခုကတော့ စုဆောင်းထားတဲ့ ဓာတ်ပုံလေး တချို့နဲ့ ကြာသင်္ကန်းအကြောင်း အကျဉ်းလေး ပြောပြပါ့မယ်..

ကြာချည်ငင်ဖို့အတွက် အရိုးရှည်တဲ့ ကြာတစ်မျိုးက အရိုးကို ခူးယူရပါတယ်.. အဲ့ဒီ ကြာကတော့ ပဒုမ္မာကြာ Lotus ဖြစ်တယ်လို့ သိရပါတယ်.. အဲ့ ဒီကြာကလဲ နေရာတိုင်းမှာ စိုက်ပျိုးလို့ မရဘူးလို့ ပြောတာ မှတ်သားဖူးပါတယ်.. အဲ့ဒီကြာရိုးတွေကို ခူးယူပြီးရင် ဆေးကြောရပါတယ်..

ကြာရိုးတွေကို ကြာချည်ထုတ်တော့မယ်ဆိုရင် အရိုးတွေ ခြောက်မသွားအောင် ချည်ထုတ်နေတဲ့ အချိန် အတောအတွင်းမှာ အ၀တ်ဆိုနဲ့ ပါတ်ထားရပါတယ်..

ကြာရိုးတွေကို ချည်ထုတ်တော့မယ်ဆိုရင် ကြာရိုး (၂)ချောင်း (၃)ချောင်းကို ပူးပြီးတော့ ဓါးနဲ့ အပိုင်းလေးတွေ ပိုင်းဖြတ်ပြီး ဆွဲလိုက်ပါတယ်..

အဲ့ဒီအချိန်မှာ ကြာမျှင်တွေ ထွက်လာပြီး စားပွဲပေါ်မှာ လက်နဲ့ လှိမ့်ပြီး လိမ်ကျစ်ယူရပါတယ်.. တစ်ခါဖြတ်ရင် ကြာချည်မျှင် ၄လက်မလောက် ရပါတယ်.. အဲ့ဒီ ၄လက်မ ၄လက်မလောက်တွေကနေ ချည်မျှည်ရှည်ဖြစ်အောင် စုပြီး ချည်လုံးလုပ်ယူရပါတယ်..

အဲ့ဒါပြီးရင်တော့ အတော်အသင့် ရှည်လျှားတဲ့ ချည်လုံးတွေ ရလာပြီး ယစ်ဘီးနဲ့ ချည်ငင်ယူပါတယ်.. ယက်ကန်းမှာ တင်ယက်နိုင်ဖို့ အတွက်ဖြစ်ပါတယ်.. အဲ့ဒီလို ချည်တစ်ချောင်းရဖို့အတွက် ကြာရိုးပေါင်းများစွာကို အသုံးပြုရပါတယ်.. တော်တော်လေး စိတ်ရှည်စွာနဲ့ လုပ်ယူရတဲ့ နည်းပညာပါပဲ.. ကျွန်တော်လဲ အစက ထင်မိတာကတော့ ကြာရိုးက်ု အခြောက်ခံပြီးရတဲ့ ကြာရိုးခြောက်တွေကနေ အမျှင်ထုတ်ပြီး ယက်တာ အောက့်မေ့တာ.. ကိုယ်တိုင် ကြာအဆီးအမျှင်ကနေ ထုတ်မှန်း သိရတော့မှ အံ့အားသင့်မိပါတယ်..

ကြာချည်ကို ယက်ဖို့ ယက်ကန်းကလဲ သီးသန့် Design နဲ့ လုပ်ထားရပါတယ်.. ရိုးရိုး ချည်ယက်ကန်းတွေကတော့ အရွယ်အစား ကြီးကြပါတယ်.. ကြာယက်ကန်းကတော့ ခပ်သေးသေးပဲဖြစ်ပါတယ်.. အဲ့ဒီ ယက်ကန်းမှာ ကြာချည်တွေကို တင်ပြီးတော့ လက်ရယ်ခြေထောက်ရယ်ကိုသုံးပြီး ချည်ပြင်ဖြစ်အောင် ယက်ယူရပါတယ်.. ကြာအမျှင်တွေက ရေကနေဖြစ်တာမို့ ချည်ယက်တဲ့နေရာမှာ ပြော့အောင်လို့ ရေစွတ်ပြီးတော့မှ ယက်ရပါတယ်.. ပုံမှာလဲ ရစွတ်ထားလို့ စိုနေတာကို တွေ့ရမှာ ဖြစ်ပါတယ်.. အဲ့ဒီလို ရေမစွတ်ပေးရင် ချည်တွေ ကျိုးပြတ်ကုန်မှာ ဖြစ်ပါတယ်..

အဲ့ဒီလိုမျိုး ကြာချည်တွေကို ကြာယက်ကန်းမှာ တင်ပြီး ယက်လိုက်မယ်ဆိုရင်တော့ အဖိုးတန်တဲ့ ကြာသင်္ကန်းကို ရရှိမှာ ဖြစ်ပါတယ်.. ကြာရိုးကနေရာတဲ့ ချည်က လုပ်ထားတဲ့အတွက် ကြာအထည်ဟာ ရိုးရိုးချည်သားတွေထက် အေးအေးမြမြလေး ရှိပါတယ်.. ၀တ်ဆင်တဲ့သူအတွက် ရာသီဥတု ဒါန်ခံနိုင်ရည် ရှိစေပါတယ်.. အဲ့ဒါကြောင့် အေးမြတဲ့ ဆောင်းကာလမှာ ဘုရားရှင်တွေကို ရည်ဆူးပြီး ကြာသင်္ကန်းတွေ ကပ်လှူပူဇော်ကြတာ ဖြစ်ပါတယ်..

ကြာသင်္ကန်းဟာ အဖိုးထိုက်တန်ပြီး ရှားပါတာကြောင့် ကိုယ်ယုံသင်္ကန်းအရွယ် ရဖို့ ခက်ခဲပါတယ်.. အဲ့ဒါကြောင့်ပဲ သင်္ကန်းစ ခပ်သေးသေး အရွယ်အစားတွေကို ပြုလုပ်လှူကြတာ ဖြစ်ပါတယ်.. လှပ်ရတာ အလွန်ပဲ လက်ဝင်ပြီး ခပ်ခပ်ခဲခဲ စိတ်ရှည်ရှည်နဲ့ လုပ်ထားရတာမို့ လက်ကိုက်ပုဝါအရွယ် ကြာချည်ထည်ဟာ ၃၀၀၀၀၊ ၄၀၀၀၀ တန်ပါတယ်.. အင်းလေးကို ရောက်ရင်တော့ အိမ်ကဘုရားမှာ ကပ်လှူဖို့ အတွက် ကြာသင်္ကန်းစတွေကို အမြတ်တနိုး ၀ယ်ယူကြပါတယ်.. တကယ့်ကို ရှားပါးပြီး အဖိုးတန်တဲ့ ကြာသင်္ကန်းပဲ ဖြစ်ပါတယ်..

အခုလောက်ဆိုရင်တော့ ကြာယက်ကန်းအကြောင်း အနည်းငယ် သိရှိသွားကြမယ်လို့ ထင်ပါတယ်.. အကျဉ်း သဘောလေး ဖြစ်သွားတဲ့အတွက်တော့ နားလည်ပေးနိုင်မယ်လို့ ထင်ပါတယ်..

ရဲမြန်မာ

Read more!

တောင်ကြီးဂေါက်ကလပ် (၁)

မြင့်အောင်နိုင် (ပန်းလောင်မြေ) ရေးသားသော ``သာယာလှပ တောင်ကြီးဂေါက်ကလပ် ´´ဆောင်းပါးမှ ကူးယူဖော်ပြပါသည်။

ရှမ်းပြည်နယ်တောင်ပိုင်း တောင်ကြီးမြို့ရှိ ဂေါက်ကလပ်သည် တောင်ကြီးမြို့မှ တာချီလိတ်သွား ပြည်ထောင်စု လမ်းမကြီးနှင့် တောင်ကြီးမြို့ ကျက်သရေဆောင် စူဋ္ဌာမုနိ လောကချမ်းသာဘုရားဘေးတွင် တည်ရှိပါသည်။ သွားလာရလွယ်ကူပြီး မြို့တွင်းမှ ဂေါက်ကလပ်သို့ ၅မိနစ်မှ ၁၀မိနစ် အတွင်း ရောက်ရှိနိုင်သော နေရာလည်း ဖြစ်ပေသည်။ တောင်ကြီးဂေါက်ကလပ်သည် ၁၉၅၁ခုနှစ်တွင် စတင် တည်ထောင်ခဲ့ပြီး ရွှေရတု အထိမ်းအမှတ်ပင် ကျော်လွန်ခဲ့ပြီဖြစ်သည်။ ကလပ်အသင်းသားပေါင်း ၆၀၀ဦးနှင့် နယ်အသင်းသား ၅၀ဦးရှိပြီး ရန်ကုန်မြို့မှ လွဲ၍ ကျန်တိုင်းနှင့်ပြည်နယ်များတွင် ကလပ်အသင်းသား အများဆုံး ကလပ်ဖြစ်ပေသည်။

ဂေါက်ကွင်းသည် (၉)ကျင်းသာရှိပြီး အမှတ် (၁)မှ (၉)အထိ အနီရောင် Marker များဖြင့်လည်းကောင်း၊ (၁၀)မှ (၁၈) အထိ အ၀ါရောင် Marker များဖြင့်လည်းကောင်း သတ်မှတ်ထားပါသည်။တောင်ကြီးဂေါက်ကွင်း ကျင်းများတည်ရှိပုံများမှာ

ကျင်းအမှတ် (၁/၁၀) Par 4, 412/418 Yards

ကျင်းဘယ်ဘက် တီခုံမှစ၍ ဂရင်း နောက်ထိ OB ရှိပြီး ဖဲဝေးသည် ညာမှ ဘယ်သို့ တံတောင်ဆစ်ချိုး ဖြစ်သည်။ တီခုံမှ ကိုက် ၂၀၀ အကွာ၌ ဖဲဝေး ဘန်ကာတစ်ခုနှင့် ဂရင်း ညာဘက်နှင့် ဂရင်း ရှေ့ ဘယ်ဘက်တွင် ဘန်ကာတစ်ခုစီ ရှိပါသည်။ ဖဲဝေးဘယ်ညာ၌ ယခင်က ယူကလစ်တောများ ရှိနေခဲ့ရာ ယခုအခါ ထင်းရှူးပင်များဖြင့် အစားထိုး စိုက်ပျိုးထားပါသည်။

ကျင်းအမှတ် (၂/၁၁) Par 5, 570/540 Yards

ကျင်းညာဘက်တွင် အမှတ် (၁/၁၀)ဂရင်း ညာဘက် အနီး ဖဲဝေးလိုင်းမှ ကိုက် ၂၅၀ခန့်အထိ OB ရှိပြီး တီခုံ ရှေ့တည့်တည့်၏ ဘယ်ဘက်တွင် ညောင်ပင်ကြီးတစ်ပင် ရှိပါသည်။ ထိုညောင်ပင်ရှေ့ဖဲဝေး ဘယ်ဘက်တွင် ရေကန်တစ်ခုရှိပြီး နေနှတ်မြောင်းတစ်လျှောက် ဂရင်းနောက်ဘက်ထိနှင့် ဂရင်းဘယ်ဘက်တွင် ရေကန်တစ်ခုရှိပါသည်။ Lateral Water Hazard အဖြစ် သတ်မှတ်ထားပါသည်။ ဖဲဝေး ညာဘက်တွင် ထင်းရှူးပင်ငယ်များ စိုက်ပျိုးထားပါသည်။ ဖဲဝေးအတွင်း တီခုံမှ ကိုက် ၃၂၀ခန့် အလည်တည့်တည့်တွင် ပနားမားငုစပ် အပင်တစ်ပင်နှင့် ဂရင်းမရောက်မှ ကိုက် ၁၀၀ခန့်၌ အလျားလိုက် ဘန်ကာတစ်ခု၊ ဂရင်းညာဘက်နှင့် ဘယ်ဘက်တွင် ဘန်ကာတစ်ခုစီရှိပါသည်။

Read more!

တောင်ကြီးမြို့ရှိ ရေလှောင်ကန်များ

တောင်ကြီးမြို့မှာရှိတဲ့ တောင်ပေါ်အခြမ်းက ရေလှောင်ကန်တွေကို ဖော်ပြလိုက်ပါတယ်။ မြို့ထဲမှာနေတဲ့ သူတွေ ရောက်ဖို့ နဲနဲလှမ်းတာမို့ တွေ့မြင်ရအောင် ရှာဖွေစုဆောင်းထားတွေ တင်ပေးလိုက်ပါတယ်။ အဲ့ဒီ ရေကန်တွေ ကတော့ ရုရှား (ထီသိမ်)ကန်လိုမျိုး အဓိက ရေပေးဝေနေတဲ့ ကန်တွေ ဖြစ်ပါတယ်။

ဘဲဥကန်ပါ

ဘဲဥကန်နဲ့ ကပ်လျက်ရှိတဲ့ မပြင်ဆင်ရသေးတဲ့ ရေလှောင်ကန် အဟောင်းပါ။

ဒီရေကန်ကလဲ နာမည်ရှိပါတယ်။ မှတ်ထားတာ မေ့သွားလို့ မသိတော့ပါဘူး။ သိသောသူများ ဖြည့်စွက်ပေးပါ။ ရေကန်တွေ အားလုံးကတော့ ရေတွေ ပြည့်လျှံနေပါတယ်။

ဒီကန်ကတော့ နွေရာသီမှာ ဘောလုံးကွင်းဖြစ်ပါတယ်။ မိုးတွင်းပဲ ရေရှိပြီး၊ နွေရာသီမှာ ရေမနေဘူးလို့ သိရပါတယ်။

တောင်ကြီးမြို့မှာ လွန်ခဲ့တဲ့ အပတ် အနည်းငယ်က မိုးသည်းလို့၊ အဲ့ဒီရေကန်တွေက ပြည့်လျှံထွက်ပြီး လမ်းတချို့ရေကျော်ခဲ့ပါ သေးတယ်။ ရေတိုးလို့ တံတိုင်းတချို့ အိကျ ပြိုလဲ ခဲ့ပါတယ်။ ရေထိုးကြောင်းနဲ့ တိုးသွားတဲ့ နှစ်ထပ်တိုက်ရဲ့ တစ်ခြမ်းလဲ ရေထဲပါသွားတယ်လို့ ကြားခဲ့ရပါတယ်။

အခြား ကြီးကြီးမားမား ထိခိုက်ပျက်စီးမှုတွေ မရှိခဲ့ပါဘူး။ ရေကြီးတယ်လို့ ပြောရတဲ့ အထိတော့ မဖြစ်ခဲ့ပါဘူး။ တချို့လဲ သိတောင်မသိလိုက်ဘူးနဲ့ တူပါတယ်။ အဖြစ်ကတော့ ညလုံးပေါက် မိုးသည်းခဲ့လို့ တောင်ပေါ် ရေကန်တွေ ရေကျော်ခဲ့တာပါ။ တာဝန်ရှိသူတွေကလဲ ဖြစ်ဖြစ်ခြင်း လိုက်လံဖြေရှင်း ဆောင်ရွက်ပေးခဲ့ပါတယ်။ နောက်တစ်နေ့ နေ့လည်လောက်မှာတော့ လမ်းပေါ်က ရေတွေ အကုန်ဆင်းသွားပါတယ်။ အဓိကကတော့ ရေနှုပ်မြောင်းတွေ ပိတ်ပြီး ရေမထုတ်နိုင်လို့ ရေမြောင်းတွေကနေ လမ်းမပေါ်ကို ရေကျော်ခဲ့တာ ဖြစ်တယ်လို့ တွေ့ရပါတယ်။ ရေနှုပ်မြောင်းတွေက ခြုံတွေ အမှိုက်တွေ ရှင်းလင်းပေးလိုက်တာနဲ့ ရေတွေကျသွား ခဲ့တယ်လို့ သိရပါတယ်။

Read more!

ထီသိမ်ရေကန်နှင့် ရေထွက်

ထီသိမ်ကန်ဆိုတာ ရုရှားကန်လို့လဲ လူသိများပါတယ်။ တောင်ကြီးမြို့ နေရာတော်တော်များများကို သောက်ရေ သုံးရေ အတွက် အဓိက ဖြန့်ဝေပေးနေတဲ့ ရေကန်ကြီးပါ။ တော်ကြီးမြို့မှာ ရေလှောင်ကန်ကြီး (၃)၊(၄)ခု ရှိပါတယ်။ တောင်ပေါ်ဒေသဖြစ်တဲ့ အတွက် သောက်ရေသုံးရေအတွက် ရေမထွက်တဲ့ နေရာတွေကို နွေရာသီမှာ အဲ့ဒီ ရေကန်ကြီးတွေက ရေပေးဝေတယ်လို့ သိရပါတယ်။

ကျွန်တော် မှတ်သားရသလောက်ကတော့ စ၀်စံထွန်းဆေးရုံ ဆောက်တုန်းက ရုရှား Engineer တွေက ဆေးရုံအလုပ်သမားတွေ ရေအဆင်ပြေစေဖို့ ဆောက်လုပ်သွားတာလို့ သိရပါတယ်။ ဆေးရုံတစ်ခုအတွက် တွက်ချက်ရွေးချယ် ဆောက်ပေးခဲ့ရာကနေ တောင်ကြီး တစ်မြို့လုံးကို ရေးပေးလို့ ရတဲ့ အထိ အသုံးဝင်ခဲ့တာ ဖြစ်တယ်လို့ သိရပါတယ်။

ကန်အမြင့် ၃၂ပေရှိပြီး၊ ရေ ၁၆၁သန်း သိုလှောင်ထားနိုင်တယ်လို့ တွေ့ရပါတယ်။

ရေထိမ်းမျှော်စင်က ရေအောက်ရောက်နေတယ်လို့ သိရပါတယ်။ တံခါး အဖွင့် အပိတ်လုပ်မယ်ဆိုရင် ရေငုပ်ပြီး သွားရတယ်လို့လဲ သိရပါတယ်။

တောင်ကြီးမြို့က အခု လူဦးရေ တစ်ဖြည်းဖြည်းများလာတဲ့ အတွက် ရုရှားကန်တစ်ခုတည်း အနေနဲ့ မိုးတွင်းမှာ ရေ အပြည့်မရရင် နွေရာသီအတွက် အခက်အခဲရှိနိုင်မယ်လို့ တွေးပူကြပေမဲ့ ဒီနှစ်တော့ ကန်ပြည့်ရုံတင်မက လျှံလို့ များလို့ ဖြစ်နေပါပြီ။

ထီသိမ်ရေထွက်ကတော့ (၁၂)လလုံး ရေထွက်တယ်လို့ သိရပါတယ်။ ထီသိမ်ရေကန်နဲ့တော့ သိပ်အနီးကြီး မဟုတ်ပါဘူး။ ရေကလဲ ထီသိမ်ကန်ထဲကို ၀င်တာမဟုတ်ပါဘူး။ ထီသိမ်ကန်ထဲက ထွက်တဲ့ ရေထွက်လဲ မဟုတ်ပါဘူး။ ဘယ်ကလာမှန်းလဲ မသိပါဘူး။ မြေအောက်ရေကြောကပဲ ထွက်လာတာနဲ့တူပါတယ်။ ဒါပေမဲ့ ရေတွေက မိုးတွင်းမှာ နောက်နေတော့ ဘယ်လို ယူဆရမှန်း မသိတော့ပါဘူး။

နေရာက ကျောက်တန်းရွာနားမှာ ရှိပါတယ်။ နွေ/ဆောင်း ရာသီတွေမှာ ရေဂါလံ (၃၀၀၀၀၀) ကျော် ထွက်တယ်လို့ ရေးထားတာ တွေ့ရပါတယ်။

ရေထွက်က (၂)နေရာလို့ တွေ့ရပါတယ်။ တစ်နေရာက ရေပမာနများပါတယ်။ ရေပွက်တွေထပြီးတော့ကို ထွက်ပါတယ်။ နောက်တစ်နေရာကတော့ ကျောက်ဆောင်တွေကြားကထွက်တာ ဖြစ်ပြီး။ ရေထွက်ငြိမ်ပါတယ်။ ရောက်ဖြစ်ခဲ့တုန်းက တောင်ကြီးမြို့မှာ မိုးသည်းပြီးတဲ့ နောက်တစ်ရက်ဖြစ်တဲ့ အတွက် ရေတွေကတော့ နောက်နေပါတယ်။ ခါတိုင်းဆိုရင် ကြည်တယ်လို့ သိရပါတယ်။ ရေစစ်ကန်မှာတော့ အဲ့ဒီ ရွံ့တွေကို သန့်ပေးတယ်လို့ သိရပါတယ်။

ဒုတိယ ရေထွက် နှုန်းတွေနဲ့ ရေတွေ နောက်နေပါတယ်။ ရေထွက်နေမှန်းတောင် မသိသာတာတွေ့ရပါတယ်။ အဲ့ဒီနေရာကနေ ၄လှမ်းလောက်ကွာတဲ့ နေရာမှာတော့ အပေါ်က ပထမရေထွက် ရှိပါတယ်။

Read more!

(၃)လ ပြည့်တဲ့နေ့

လွန်ခဲ့တဲ့ ၃လ ဒီလို အချိန်မှာပဲ ကျွန်တော်တို့ တတွေ တောင်ကြီးချယ်ရီမြေဆိုတဲ့ Blog ကို စတင်ဖန်တည်း ဖြစ်ခဲ့ပါတယ်..

တောင်ကြီးချယ်ရီမြေ ဘယ်လိုအစပျိုးခဲ့သလဲ ဆိုတာလေး.. ဒီနေ့မှာ အမှတ်တရ ပြောထားခဲ့ပါမယ်.. တကယ်လို့ နောက်နှစ်ပေါင်းများစွာ အထိ ဒီ Blog လေး တည်ရှိနေခဲ့မယ် ဆိုရင်..

တောင်ကြီးမြို့အတွက် Website တစ်ခု လုပ်ကြမယ်လို့ ကျွန်တော်တို့ စပြီးတွေ့စုံ ရင်းနှီးကြကတည်းက အားလုံးမှာ ဆန္ဒလေး ရှိခဲ့ကြပါတယ်.. ဒါပေမဲ့ တကယ်တန်း လုပ်ဖြစ်ဖို့က အကြောင်းအပေါင်း မတိုက်ဆိုင်တာနဲ့ မလှုပ်ရှားဖြစ်ခဲ့ပါဘူး.. ဒါပေမဲ့ တစ်နေ့ မြန်မာ Blog တွေကို ကျွန်တော်တွေ့ဖြစ်ခဲ့ပြီး.. တောင်ကြီးအတွက် Blogspot မှာပဲ Blog တစ်ခု လုပ်ရင်ကောင်းမယ်လို့ အကြံပေါ်ခဲ့ပါတယ်.. ကျွန်တော့် အနေနဲ့ Blog ဆိုတာကို အရင်က ကြားပဲ ကြားဖူးခဲ့တာပါ.. မြန်မာလို Blog တွေ ရှိမှန်းလဲ မသိခဲ့ပါဘူး.. ကျန်တဲ့ Senior တွေကတော့ ကျွန်တော့်ထက် အရင်သိထားခဲ့ကြ၊ Blog တွေ ဖတ်ဖြစ်ခဲ့ကြပါတယ်.. ဒါပေမဲ့လဲ ကိုယ့်အလုပ်နဲ့ ကိုယ်ဆိုတော့ သူတို့လဲ တောင်ကြီးမြို့အတွက် Blog တစ်ခုလုပ်ဖို့ မစဉ်းစားခဲ့ကြဘူးနဲ့ တူပါတယ်..

အဲ့ဒီမှာပဲ တောင်ကြီးမြို့ အတွက် Blog တစ်ခုလုပ်ဖို့နဲ့၊ အားလုံးကိုလဲ ၀ိုင်းကူကြဖို့ တိုက်တွန်းရင်း.. ဇွန်လ ၃ရက်နေ့၊ ဒီလို အချိန်မှာ ကျွန်တော် Blog Registeration စလုပ်ခဲ့ပါတယ်.. ပထမ Taunggyi.blogspot.com ကို ယူမယ်ဆိုပြီး လုပ်ကြည့်တယ်.. ဒါပေမဲ့ သူများဦးထားလို့ တစ်ခြား ဘာနာမည် ပေးရင်ကောင်းမလဲဆိုပြီး.. ကျွန်တော်နဲ့ ကိုအောင်မိန်းတို့ Gtalk ကနေပြီး.. ဆွေးနွေးတိုင်ပင် ကြည့်ကြတယ်.. တောင်ကြီးအတွက် Blog နာမည်ရှာရင်း taunggyitimes.blogspot.com ဆိုတာကိုတွေ့ခဲ့တယ်.. အဲ့ဒီ Blog က ပအိုဝ်း လူငယ်တွေက လုပ်ထားတာလို့ သိရတော့ ကျွန်တော်က တောင်ကြီးသား ရှမ်းကြီးကို စလိုက်သေးတယ်.. ပအိုဝ်းတွေတောင် ကျွန်တော်တို့ထက် ခြေလှမ်းသွက်တယ်လို့.. တောင်ကြီးသားတွေ ကျန်ခဲ့ပြီလို့ပေါ့..

သူတို့ blog က အရင်က English Version နဲ့ Political အကြောင်းတွေ ရေးထားတာတွေ့တယ်.. ၂၀၀၆ နိုဝင်ဘာလောက် ကတည်းက စပြီးလုပ်ထားတာတွေ့တယ်.. နောက် အဲ့ဒီ eng version blog ကို ရပ်ပြီး... Myanmar Version နဲ့ အသစ် မေလလောက်က ပြန်လုပ်ထားတာမှန်း သိခဲ့ရတယ်.. အစတုန်းကတော့ Political မပါတဲ့ Local Based Blog တစ်ခုလို့ ထင်မိတာပေါ့လေ.. နောက်တော့မှပဲ.. အကြောင်းအရင်းတွေ တိတိပပ သိခဲ့ရတော့တယ်... ထားပါတော့..

အဲ့ဒီမှာပဲ နာမည်ရွေးနေရင်း.. ပထမ taunggyimirror ဆိုတဲ့ နာမည်.. ဒုတိယ taunggyinews.. နောက် taunggyicherry (တောင်ကြီးချယ်ရီ)ဆိုပြီး ကိုအောင်မိန်းက အကြံပေးတော့ ကျွန်တော်ရောသူရော သဘောကြသွားတယ်.. နာမည်လှလှလေးပဲဆိုပြီးတော့ပေါ့လေ.. အဲ့ဒါနဲ့ Blogspot မှာ ရှာတော့လဲ လွတ်နေတာနဲ့ အဲ့ဒီ နာမည်ကိုယူပြီး Register လုပ်ပစ်လိုက်ပါတယ်.. ဒါပေမဲ့ ဘာဖြစ်သွားလဲဆိုတော့ ကျွန်တော့ Mail နဲ့ Register လုပ်မိလျက်သား ဖြစ်သွားတယ်.. အဲ့ဒါကတော့ သိပ်မကောင်းဘူး.. လုပ်မဲ့လုပ် သူ့ဘာသာသူ သီးခြား ရပ်တည်တာ ကောင်းမယ်ဆိုပြီးတော့.. Mail ကအစ အသစ်ပြန်လုပ်ဖို့ စဉ်းစားမိပြီး.. အသစ်ပြန်လုပ်လိုက် ပါတယ်... အဲ့ဒီမှာတော့ နဲနဲလေး ပိုခေါ်လို့ကောင်းအောင်.. ပိုပြီးတော့လဲ တောင်ကြီးမြို့နဲ့ လိုက်ဖက်အောင် ဆိုပြီးတော့.. တောင်ကြီးချယ်ရီမြေဆိုပြီး.. မြေ ထပ်ထည့်လိုက်ပါတယ်.. အဲ့ဒီမှာပဲ taunggyicherryland.blogspot.com ဆိုတဲ့ Blog လေး စတင် ပေါ်ပေါက်ခဲ့ပါတယ်..

အစကတော့ Senior တွေ မအားတာနဲ့ပဲ ကျွန်တော် မတောက်တခေါက်နဲ့ သူများ လုပ်ထားတဲ့ Blog တွေလိုက်ကြည့်လိုက်.. တောင်ကြီးချယ်ရီမြေမှာ လိုတာလေးတွေ လိုက်ရှာထည့်လိုက်နဲ့ ကျိုးစားပမ်းစား လုပ်ဖြစ်ခဲ့ပါတယ်.. နောက်တော့ Invite လိုက်လုပ်တယ်.. ကျွန်တော်တို့ အဖွဲ့သားတွေက စပြီး Author တဲ့ ထည့်တယ်.. ကိုအောင်မိန်း၊ ကိုကျော်စွာ၊ ကိုဇေယျာ၊ ကိုမျိုး ပြီးတော့ ကျွန်တော်ပေါ့.. နောက်ပြီး မနိုင်းနိုင်းစနေကို သီးသန့် Invite သွားလုပ်တယ်.. သူက ရှမ်းပြည်ကလို့ သူ့ Blog မှာ ရေးထားတာတွေ တွေ့တာနဲ့ အားတက်သရော Invite လုပ်လိုက်ပါတယ်.. အစကတော့ သူလဲ မလာသေးဘူး.. ဘာမှန်းမသိသေးလို့နဲ့ တူပါတယ်.. ဒုတိယ အကြိမ် Invite လုပ်မှပဲ Author အဖြစ် ပါဝင်လာခဲ့ပါတယ်..

ကျွှန်တော်တို့ Blog ကလဲ အစကတည်းက အားလုံးပေါင်းပြီးလုပ်မယ်လို့ ရည်ရွယ်ပြီးသားမို့ တက်နိုင်သမျှ တောင်ကြီးနဲ့ ရှမ်းပြည်နဲ့ ပတ်သတ်တဲ့ Senior Blogger တွေကို လိုက်ဖိတ်ဖြစ်ခဲ့တယ်.. MaThinZar နဲ့ တစ်ခြား Blogger တွေကတော့ ကိုကျော်စွာ ဆီက သတင်းရပြီး လာကြည့်ကြတယ်.. သူလဲ Author ဖြစ်သွားပါတယ်.. အဲ့ဒီနောက်မှာပဲ Seinor Blogger ကြီးတွေရဲ့ ကြော်ငြာပေးမှုနဲ့ တောင်ကြီးချယ်ရီမြေကို လူသိများလာခဲ့ပါတယ်.. ၀င်ရေးမယ်လို့ ပြောကြတဲ့ သူတွေနဲ့ email ပို့ပြီး Post တွေ တင်ခိုင်းတဲ့ သူတွေနဲ့ Blog က အတော်လေးကို စည်စည်ကားကား ဖြစ်ခဲ့ပါတယ်.. ကျွန်တော်တို့လဲ အရမ်းပဲ ပျော်ခဲ့ကြပါတယ်.. ကိုယ်ဖန်တီးပေးခဲ့တာလေးကို အများက လက်ခံအားပေးတာ ခံရတာလောက် ပျော်စရာကောင်းတာ မရှိပါဘူး.. အဲ့ဒီမှာပဲ ကျွန်တော်လဲ Blog စွဲပြီး.. တက်နိုင်သမျှ အချက်အလက်တွေ လိုက်ရှာ.. ဓာတ်ပုံတွေ လိုက်ရိုက်နဲ့ ကျန်တဲ့ ကိုယ်ပိုင် လုပ်စရာတွေကို မေ့ဖြောက်ထားခဲ့ပါတယ်...

တစ်ဖြည်းဖြည်းနဲ့လဲ Autors အင်အားတောင့်လာခဲ့ပြီး မရန်ကုန်သူ၊ မအေးမိစံ၊ ကိုနေလင်း၊ ကိုလွင်မိုး၊ MaDesertMoon အများကြီးပဲ ပါဝင်လာကြပါတယ်.. မထင်မှတ်စရာကောင်းလောက်အောင် တောင်ကြီးသူ၊ တောင်ကြီးသားတွေရဲ့ ပူးပေါင်းပါဝင်မှုကို ရခဲ့ပါတယ်.. Blog လေးလဲ မြိုင်မြိုင်ဆိုင်ဆိုင်၊ ပြည့်ပြည့်စုံစုံ ဖြစ်လာခဲ့ပါတယ်.. မြန်မာ Font အဆင်မပြေဘူးလို့ ပြောတဲ့သူတွေ ပြောတာနဲ့ ရအောင် eot တွေလုပ်ကြည့် Font တွေ ပြောင်းကြည့်နဲ့ နောက်တော့ အဆင်ပြေသွားပါတယ်..

အဲ့ဒီမှာပဲ တစ်လပြည့်ခဲ့ပါတယ်.. Graphic Design တွေ ရတဲ့ ကိုချမ်းကလဲ တောင်ကြီးချယ်ရီမြေ အတွက် Banner တွေ ပုံလေးတွေ ဆွဲပေးတာနဲ့ Theme ပြောင်းဖို့ ပြောတဲ့ သူတွေအတွက် Banner လေး ကိုကျော်စွာတို့က ပြောင်းပေးခဲ့ပါတယ်.. ကျွန်တော်လဲ အပြင်ကို ၂ပါတ်လောက် ခရီးသွားဖြစ်တာနဲ့ Blog ကို လွဲပေးထားခဲ့လိုက်တယ်.. အဲ့ဒီ အချိန်မှာ ကိုကျော်စွာကပဲ အက်တမင်လုပ်ပြီး.. Post တွေ တင်ပေးပါတယ်.. ကျွန်တော်ကတော့ အပြင်ရောက်နေတာတောင် နေ့တိုင်းနီးပါး ၀င်ကြည့်ြ့ဖစ်တယ်.. တစ်နေ့ကြည့်မယ်ဆိုရင် Font ကို အရင် DL လုပ်ရတယ်.. တစ်နေ့ Computer တစ်လုံးဆိုတော့ Internet Cafe က စက်တွေမှာ မြန်မာ Font တော်တော်များများ တင်ပြီးသားဖြစ်သွားတယ်.. အပြင်မှာရောက်နေရင်းနဲ့ Player ကို သီချင်းတွေရှာပြီး ထည့်ပေးဖြစ်ခဲ့သေးတယ်.. အဲ့ဒီတုန်းက ထည့်ပေးဖြစ်ခဲ့တာ.. အပုဒ် ၃၀ ကျော်မယ်နဲ့တူတယ်..

နောက်တောင်ကြီးကို ပြန်ရောက်တော့ နေရာပေါင်းစုံသွားပြီး ဓာတ်ပုံတွေ လိုက်ရိုက်တယ်.. Post တွေကိုလဲ တစ်နေ့ တစ်ခုလောက် တက်နိုင်အောင် ကျိုးပမ်းခဲ့ပါတယ်.. ဒါပေမဲ့ အဲ့ဒီမှာပဲ Personal တွေ စိတ်မ၀င်စားဘူးလို့ ပြောတဲ့ သူတစ်ယောက်နဲ့၊ နောက်ပြီး Post တွေ သိပ်မတက်တာ တွေ့တာနဲ့ ကျွန်တော် စကားတွေ ပြောဖြစ်ခဲ့တယ်.. တကယ်တော့ ကျွန်တော်က ဒီ Blog လေးကို အများကြီး မျော်မှန်းခဲ့တာပါ.. အဲ့ဒါကြောင့် ကျွန်တော် မရှိရင် Blog ရပ်တန့်သွားမှာ စိုးရိမ်ပြီး စကားတွေ အများကြီးပဲ ပြောမိခဲ့တာ.. အဲ့ဒီလိုပြောလို့ လူမုန်းလဲ ခံခဲ့ရပါတယ်.. ကျွန်တော့်ကိုလဲ တော်တော်လေး ပြန်ပြောတဲ့ စကားတွေ ကြားခဲ့ရပါတယ်.. ဒါနဲ့ပဲ Blog မှာ ဆက်မရေးတော့ ဘူးကွာလို့ စိတ်ဆိုးပြီး ထွက်သွားဖို့ ဆုံးဖြတ်ခဲ့သေးတယ်.. ဒါပေမဲ့လဲ ကိုယ်တိုင် ဖန်တီးတာခဲ့တာလေးကို စိတ်ထဲမှာ မေ့ဖြောက်လို့ မဖြစ်နိုင်ဘူးလေ.. နေ့တိုင်းနည်းပါး ၀င်ကြည့်ဖြစ်တယ်.. နောက် စိတ်ကလဲ မပြတ်သေးတာနဲ့ Player မှာ DJ လုပ်ပြီး သီချင်း အသစ်တွေ ထည့်ပေးဖြစ်ခဲ့ပါတယ်.. Post တော့ မရေးဖြစ်ခဲ့ဘူး.. နောက်တော့လဲ အရင်လိုပဲ ပြန်ပြီး Post တွေ ပြန်ရေးဖြစ်ခဲ့ပါတယ်.. အဲ့ဒီမှာပဲ Post 100 ပြည့်ပြီး.. ၂လရောက်ခဲ့ပါတယ်..

၂လပြည့်တဲ့ နေ့လေးက တော်တော်လေး ပျော်ဖို့ ကောင်းပါတယ်.. ကိုနေလင်းက 100 မြောက် Post တင်ပြီး.. ကျွန်တော်တို့ တစ်တွေလဲ Dinner လေးလုပ်ဖြစ်ခဲ့ပါတယ်.. အဲ့ဒီအချိန်အထိ ကျွန်တော်တို့ ပူးပေါင်းဖန်တီးထားတဲ့ တောင်ကြီးချယ်ရီမြေလေးဟာ လုပ်လုပ်ရှားရှား ရှင်ရှင်သန်သန်လေး ဖြစ်ခဲ့ပါတယ်.. ကျွန်တော်တို့ တစ်တွေလဲ အားရကျေနပ်ခဲ့ကြပါတယ်.. Author ကလဲ ၂၀ ပြည့်ခဲ့ပြီလေ.. အတန်အသင့် ခရီးရောက်ခဲ့ပြီလို့ ကျွန်တော်တို့တွေ ၀မ်းမြောက်ခဲ့ကြပါတယ်..

နောက်တော့ taunggyicherryland.com ဆိုတဲ့ Domain ကို ကိုကျော်စွာနဲ့ သူငယ်ချင်းတွေ ပေါင်းပြီး ၀ယ်ဖြစ်ခဲ့တယ်.. အဲ့ဒီမှာပဲ blog ကို သွားပေါင်းဖြစ်ခဲ့တယ်.. blog.taunggyicherryland.com ဆိုပြီး ဖြစ်လာခဲ့ပါတယ်.. အဲ့ဒါနဲ့ တပြိုင်တည်းပဲ user@taunggyicherryland.com mail ကို ပေးနိုင်ခဲ့တယ်.. နောက်တော့ Forum လုပ်နိုင်ခဲ့ပြီး တော်တော်လေး နယ်မြေကျယ်လာခဲ့ပါတယ်.. website ကလဲ Senior တွေ ၀ိုင်းပြီးရေးနေကြတယ်လေ.. ကျွှန်တော်တို့ မျှော်မှန်းထားတဲ့ တောင်ကြီးမြို့အတွက် website တစ်ခုရယ် Blogရယ်၊ Mailရယ်၊ Forumရယ်တွေနဲ့ တောင်ကြီးမြို့လေး တတိယလှိုင်းနဲ့ အမှီ ခေတ်မီနိုင်တော့မယ်လို့ တွေးရင်း ဘာမဆိုင် ညာမဆိုင်နဲ့ ကျွန်တော် တော်တော်လေး ပီတိဖြစ်ခဲ့ပါတယ်.. တောင်ကြီးသူ၊ တောင်ကြီးသားတွေလဲ အလားတူ ခံစားရလိမ့်မယ်လို့ ကျွန်တော်ထင်ပါတယ်..

နောက်တော့ ကျွန်တော် အက်တမင်လုပ်လာတာကနေ တောင်ကြီးသားတွေကို လွဲပေးဖို့ ဆုံးဖြတ်ပြီး ပေးခဲ့ပါတယ်.. ကျွန်တော်လဲ လုပ်စရာရှိတဲ့ Assignment တွေ မေ့ထားပစ်ခဲ့တာ ကြာပြီဆိုတော့ အဲ့ဒီဘက်ပြန်လှည့်နိုင်အောင်၊ လုံးဝတစ်ယောက်ယောက် လွဲယူမှ ဖြစ်မယ်ဆိုပြီး လွဲပေးခဲ့ပါသေးတယ်.. ဒါပေမဲ့ ပထမ တစ်ယောက်က မအားလို့လားမသိဘူး.. မလုပ်နိုင်ခဲ့ဘူး.. အဲ့ဒီ အတောအတွင်း ကျွန်တော်လဲ .com ဆိုတဲ့ Domain နဲ့ အညီ Theme ပြောင်းမှသင့်မယ်လို့ ဆုံးဖြတ်ပြီး.. Green Cherry Theme ကို နောက်ဆုံး အနေနဲ့ ပြောင်းပေးခဲ့ပါတယ်.. အဲ့ဒီမှာပဲ တစ်ချို့ addin တွေ ဖြုတ်ပစ်ခဲ့ရပါတယ်.. အနည်းငယ်ပြင်ဆင်မှု လုပ်ပြီး Blog ကို ပြန်ဖွင့်ပေးလိုက်တဲ့ အချိန်မှာတော့ နည်းနည်း စိမ်းသွားတယ်လို့ ပြောတဲ့ အသံတွေ ကြားခဲ့ရပါတယ်.. ကျွန်တော်လဲ ဒုတိယ အကြိမ် ကြေငြာပြီး Admin လွဲပေးထားခဲ့လိုက်ပါတယ်.. အဲ့ဒါနဲ့ တချိန်ထည်းမှာပဲ Author တွေ ငြိမ်ကြသွားပါတယ်.. Post တွေလဲ သိပ်မတက်လာကြတော့ပါဘူး.. ဘာဖြစ်လို့လဲတော့ ကျွန်တော်လဲ မသိဘူး..

အဲ့ဒီလိုနဲ့ အခု ၃လပြည့်တဲ့ နေ့ ကို ရောက်လာပါတယ်.. အခုတော့ ဘယ်သူမှ သိပ်ပေါ်မလာကြတော့ပါဘူး.. တစ်နေ့ တစ်နေ့ Post တွေ တက်တာလဲ မတွေ့ရတော့ပါဘူး.. ကျွန်တော်ကတော့ တောင်ကြီးချယ်ရီမြေအတွက် Data တွေဆုဆောင်းထားလို့ တင်မယ်ဆိုရင် ၂ပတ်စာလောက် တင်စရာတွေ ရှိတာနဲ့ တစ်နေ့ တစ်ခု ပုံမှန်လေး တက်နိုင်သလောက် တင်ပေးခဲ့ပါတယ်.. ၇ရက်လောက် ဆွဲခေါ်ပြီး စောင့်ကြည့်ပေမဲ့လဲ Post အသစ်တွေ တက်လာတာ မတွေ့၊ Comment နဲ့ cbox မှာလဲ ဘာသံမှ မကြားရတော့ စိတ်မကောင်းဖြစ်မိတာတော့ အမှန်ပဲ.. အဲ့ဒီလိုသာ ဆက်သွားနေရင်တော့ ဒီ Blog ကို ရှေ့ဆက်သင့်သေးလား ရပ်ဆိုင်းရတော့မလားဆိုတာ စဉ်းစားလာရတော့မယ်လို့ ကျွန်တော်တွေးမိလာပါတယ်.. ဘာမှ တိုးတက်မှုမရှိဘဲ ရပ်တန့်သွားတာထက်စာရင် လုံးဝအဆုံးသတ်လိုက်တာ ပိုကောင်းမယ်လို့ ဒီရက်ပိုင်းအတွင်း စဉ်းစားနေမိပါတယ်.. ကျွန်တော်တို့ ဘာတွေများ လိုအပ်လို့လဲလို့ တွေးမိပါတယ်.. အရင်က အထိုက် အလျှောက် အောင်မြင်ပါတယ်လို့ ပြောခဲ့တဲ့ စကားက အခုအချိန် မှန်နေလား၊ မှားနေလားဆိုတာ ဝေခွဲလို့ မရတော့ပါဘူး..

ဘယ်လိုပဲရှိရှိ ဒီ ၃လ ပြည့်သွားတဲ့ အချိန်မှာတော့ ပထမ (၂)လတုန်းကလို့ ပျော်ရွင်သက်ဝင်မှုတွေ ရှိမနေတာတော့ သေချာပါတယ်.. ရှေ့ကိုဘယ်လို ခရီးဆက်ရမလဲဆိုတာ ကျွန်တော်လဲ မသိတက်နိုင်အောင် ပါပဲ... တောင်ကြီးမြို့ အတွက် ဒီBlog လေး ရှိနေစေချင်ပါတယ်..

ဒါပေမဲ့လဲ ကျွန်တော့် ခေါင်းထဲမှာ တွေးနေမိတာကတော့ ဒီနေ့ဟာ တောင်ကြီးချယ်ရီမြေ အတွက် (၃)လပြည့်တဲ့နေ့လား ဒါမှမဟုတ်... ?

Read more!

အမျိုးသားစာကြည့်တိုက်

တောင်ကြီးချယ်ရီမြေ website မှာ ရှမ်းပြည်နဲ့ သက်ဆိုင်တာတွေ ရေးဖို့ အကြောင်းအရာတွေ ရှာဖွေတဲ့ အနေနဲ့ website admin ကြီးက Reference လုပ်ဖို့ ရှမ်းပြည်နယ် စာကြည့်တိုက်ကို သွားမယ်ဆိုပြီး. အကြံပြုလို့ ကျွန်တော်တို့ တတွေ အမျိုးသားစာကြည့်တိုက်ကို ခြေဆန့်ခဲ့ပါတယ်.. အရင်က မရောက်ဖူးသေးတဲ့ နေရာတစ်ခုပါ..

စာကြည့်တိုက်ကိုရောက်တော့ စာကြည့်တိုက်မှူးလို့ ထင်ရတဲ့ အန်တီက ဘာများ ကူညီရမလဲလို့ မေးလာပါတယ်.. ကျွန်တော်တို့ကလဲ စာအုပ်တွေ ဘယ်လို ဖတ်နိုင်မလဲ၊ ငှားနိုင်မလဲလို့ လာစုံစမ်းတာပါလို့ နိဒါန်းပျိုးရင်း သိချင်တာတွေ မေးခဲ့ပါတယ်.. သူကလဲ ရနိုင်၏ မရနိုင်၏ အစရှိတဲ့ Library Process တွေ ပြောပါတယ်.. နောက်တော့ Library ထဲခေါ်သွားပြီး.. စာအုပ်စင်တွေ လိုက်ပြပါတယ်.. English စာအုပ်တွေကတော့ အများအပြားရှိပါတယ်.. ဘယ်မှာမ မရနိုင်တဲ့ စာအုပ်တွေ ရှိပါတယ်..

စာကြည့်တိုက်ဆိုတော့ စာအုပ်တွေမှ ပုံပွနေတာပါပဲ.. အများကြီးရှိပါတယ်.. ကျွန်တော်တို့ကလဲ အသုံးပြုလို့ ရမရ သိချင်လို့ လာစုံစမ်းယုံ၊ လေ့လာယုံဆိုတော့ အသေးစိတ် လိုက်မကြည့်ဖြစ်ခဲ့ လိုက်ပါဘူး.. စာအုပ်တွေကလဲ သောင်း၊ သိန်း ကျော်ရှိမယ်လို့ ထင်ပါတယ်.. နောက်တစ်ခါမှ စာကြည့်တိုက်ကို မွေနောက်ပြီး၊ ရှာဖွေလိုက်ပါဦးမယ်..

Library က catalog စနစ်နဲ့ စီရီထားပြီး ကိုယ်ရှာချင်တာကို Catalog နဲ့ ရှာပြီးဖတ်နိုင်ပါတယ်.. မည်သူမဆို Library ကို အသုံးပြုနိုင်ပြီး၊ ငှားရမ်းဖို့ အတွက်တော့ ထောက်ခံချက်နဲ့ Library Card လုပ်ရမယ်လို့ သိပါတယ်.. အခမဲ့ ဖြစ်မယ်လို့ ထင်ပါတယ်..

ရှမ်းပြည်မှာ အခုလိုမျိုး အထွေထွေ စာကြည့်တိုက်တွေ ရှိသလို၊ သီးသန့် Specific စာကြည့်တိုက်တွေလဲ အများအပြားရှိပါတယ်.. ဒါပေမဲ့ လူအများ အသုံးမပြုကြသေးတာကိုတော့ တွေ့ရှိရပါတယ်.. တချို့ကလဲ စာကြည့်တိုက်ရှိမှန်း မသိကြ၊ တချို့ကြတော့လဲ စာကြည့်တိုက်ကို တန်ဖိုးရှိတဲ့ နေရာတစ်ခုလို့ မသိကြနဲ့.. စာအုပ်တွေက စာအုပ်စင်မှာပဲ ဖုံတွေတက်နေတာတော့ နှမြောဖို့ ကောင်းပါတယ်..

အားလုံးအတွက် ကျွန်တော်တို့လဲ တောင်ကြီးမြို့မှာ ရှိတဲ့ စာကြည့်တိုက်တွေ အကုန်နီးပါး ဖော်ပြနိုင်အောင် လေ့လာကြိုးစားပေးပါ့မယ်..

Read more!

Shan State Museum

လွန်ခဲ့တဲ့ ရက်အနည်းငယ်က ကျွန်တော်တို့ တတွေ ရှမ်းပြည်နယ်ပြတိုက်ကို ရောက်ဖြစ်ခဲ့ပါတယ်.. အမျိုးသားပြတိုက်လို့လဲ ခေါ်ပါတယ်.. Blog မှာ Photos တွေ တင်ပေးလို့ ရမလားဆိုပြီး.. သွားဖြစ်ခဲ့တာပါ.. နောက်ပြီး စာကြည့်တိုက်ကိုလဲ သွားဖြစ်ခဲ့ပါတယ်.. အခုကတော့ ရှမ်းပြည်နယ် ပြတိုက်ရဲ့ ဓါတ်ပုံအချို့ပါ.. အစကတော့ Museum တစ်ခုလုံး ဓါတ်ပုံတွေရိုက်ပြီးတော့ တင်ဖို့ရည်ရွယ်ခဲ့ပေမဲ့.. မရိုက်ဖြစ်ခဲ့ပါဘူး.. အ၀င်ဝမှာပဲ No Camera လို့ တွေ့လို့ ရိုက်လို့ရတဲ့ နေရာတွေပဲ ရိုက်ခဲ့လိုက်ပါတယ်..

အောက်ထက်မှာ တိုင်းရင်းသားတွေရဲ့ ယဉ်ကျေးမှုပြခန်း (၂)ခန်းရယ်.. အပေါ်ထပ်မှာတော့ တော်လှန်ရေးခတ်က သမိုင်းဝင် အကြောင်းအရာတွေ ပြထားတဲ့ ပြခန်းရယ် (၃)ခန်း ရှိပါတယ်..


ရှမ်းပြည်နယ် တစ်ခုလုံးကို ကိုယ်စားပြုတဲ့ Museum လို့ ပြောနိုင်ပေမဲ့ အချက်အလက်တွေ နည်းနေသေး ပါတယ်.. ကျွန်တော်တို့လဲ Official Website တစ်ခုအနေနဲ့ လုပ်ပေးလို့ရအောင် နောက်တစ်ခါ ဆိုရင်တော့ သေသေချာချာ လေ့လာမှတ်တမ်းတင်ပြီး. ကြိုးစားကြည့်ပါဦးမယ်.. museum.taunggyicherryland.com ဆိုပြီးတော့ လုပ်ဖို့ ခွင့်တောင်းကြည့် လိုက်ပါဦးမယ်..

ဘာပဲဖြစ်ဖြစ် ယဉ်ကျေးမှုတွေ၊ အ၀တ်အစားတွေ၊ အသုံးအဆောင်တွေကို တခြားသူတွေလဲ သိနိုင်အောင် Internet မှာ တင်ပေးနိုင်ရင် ကောင်းမယ်လို့ ကျွန်တော်တို့တတွေ ပြတိုက်ကပြန်လာတော့ အကြံပေါ်လာခဲ့ ကြပါတယ်..

အခု Post ကတော့ အမြည်းသဘောလေးပဲ ဖြစ်သွားတဲ့ အတွက်တော့ နားလည်ပေးပါ..

Read more!