စက်ဝိုင်း

စက်ဝိုင်း။သူ့အသွင်အပြင်က၀ိုင်းဝိုင်းလေး။
စက်ပြီးတော့ဝိုင်းတာလား၊၀ိုင်းပြီးမှစက်တာလားတော့မသိ။

မှန်တာကတော့စတယ်နေရာမှာပြန်ဆုံးမှစက်ဝိုင်းလို့ဖြစ်လာတာမဟုတ်လား။
ဒါကတော့ပုံဆွဲရတဲ့စက်ဝိုင်း။ ကျမတို့ဆိုခဲ့ဖူးတဲ့"မိုးဘာကြောင့်ရွာဖားအော်လို့ရွာ"။

အဲဒီကဗျာလေးကလည်းသံသရာစက်ဝိုင်းလေးကိုဖော်ပြနေလေရဲ့။
လွန်ခဲ့သောအနှစ်နှစ်ဆယ်ကစာရေးဆရာမမစန္ဒာရေးခဲ့တဲ့ဒီစက်ဝိုင်းဝထ္တုတိုလေး။
အဲဒီအနှစ်နှစ်ဆယ်စက်ဝိုင်းကလည်းဒီနေ့ခေတ်စက်ဝိုင်းလေးလိုပါလား။ ကဲစာရေးဆရာမမစန္ဒာရဲ့စက်ဝိုင်းလေးက

"ပဲပြုတ်တစ်ဆယ်သားလည်း တစ်ကျပ်ခွဲဖြစ်နေပြီနော်"
"ကြာပါပြီအစ်မရယ်"
"ဟိုးအရင်တုန်းက ငါးမူးရယ်"
"အရင်ကဈေးလာမပြောနဲ့အစ်မရေ၊ကျွန်မ၀ယ်ရတာကလည်းအရင်ဈေးမဟုတ်ဘူး။
တစ်ပြည်ကိုနှစ်ဆယ့်နှစ်ကျပ်ပေးရတယ်၊ပြုတ်လိုက်ရင် နှစ်ပိဿာခွဲပဲရတာ"

"အကောင်လိုက် လေးကျပ်၊အခြမ်း လေးကျပ်ခွဲ"
"ကြက်ဈေးကလည်းကြီးလိုက်တာဟယ်၊တစ်ပိဿာလေးဆယ်၊လေးဆယ်ငါးကျပ်တဲ့။
ငါ့ယောက်ျားမဟာစာရေးဆရာကြီးရဲ့ တစ်လလုံးရတဲ့ လစာကကြက်ငါးပိဿာဖိုးလောက်ပဲ ရှိပါလားဟဲ့"
"ဒီလောက်မှ မရောင်းရင်လည်း မကိုက်ဘူးအစ်မရဲ့၊ကျွန်မတို့ယူရတာက သုံးဆယ့်ရှစ်ကျပ်ဈေး"

"တစ်ဆယ်သားတစ်ကျပ်ခွဲ ညီမလေးရေ၊အစိတ်သားယူရင်တော့သုံးကျပ်ခွဲနဲ့ယူ၊
အင်းခရမ်းကွဲ့၊ အသားများ တယ်၊သိပ်ချိုတယ်"
"ခရမ်းချဉ်သီးကလည်းလခုထိမပေါဘူးနော်၊ခါတိုင်းဒီအချိန်ဆိုပေါလှပြီ"
"သြော် အစ်မတို့ယူရတာလည်း ခါတိုင်းလိုမဟုတ်ဘူး ငါ့ညီမရဲ့၊
အခုဈေးကတစ်သေတ္တာကိုတစ်ရာ့သုံး ဆယ်၊ ဒါတောင် မနည်းလုယက်ပြီး ယူရတာ"

"အဒေါ်ရေဟောဒီမှာငရုတ်သီးစိမ်းတစ်ပုံယူလိုက်ပြီနော်၊
ပိုက်ဆံကိုပစ်ပေးလိုက်မယ်၊ကန်တော့၊ကန်တော့"
"ငရုတ်သီးစိမ်းတစ်ပုံကို ငါးမူး၊ တစ်မတ်မဟုတ်ဘူး"
"ဟောတော် ဒါလေးတစ်ပုံကို ငါးမူးဟုတ်လား"
"ဟုတ်တယ်။ငါးမူးပဲ၊တစ်မတ်ဖိုးရောင်းလို့ မကိုက်တော့ဘူး၊ကုန်အ၀င်ကိုကနည်းနေလို့"
"သြော်"

"ဟင် ကြက်သွန်ကအသစ်လည်းဖြစ်၊သေးလည်းသေး၊
ဒါတောင်ဆယ့်လေးကျပ်ဈေးဟုတ်လား"
“ဟုတ်တယ်၊ဟိုဘက်က နည်းနည်းကြီးတာတော့ ဆယ့်ခြောက်ကျပ်"
"စိတ်ညစ်လိုက်တာ"
"စိတ်မညစ်နဲ့ဟယ်၊ငါတို့ကလည်းရောင်းရတာစိတ်ညစ်တာပဲ၊ ငါတို့ဝယ်ရတာကိုက ဈေးကြီးနေတော့"
"အင်း"

"ဟယ် နင်ကလည်း လုပ်တော့မယ်၊တစ်ရာ့ကို နှစ်ကျပ်လို့၊ဟိုတစ်ခါ ငါဝယ်တုန်းက ငါးမူးရယ်"
"ငါးမူးမရောင်းနိုင်တာ ကြာပါပြီ အန်တီရယ်"
"ငါက ခြံထဲကျော်ဝင်တဲ့ခွေးကို ပစ်ချင်လို့သာဝယ်ရတာ၊
နင်လောက်စာလုံးကလည်း ဈေးကလည်း တက်ပြီးရင်းတက်ရင်း"
"ဒါကတော့ သူများနည်းတူပေါ့ခင်ဗျာ"
"အံမာ၊ဘာ သူများနည်းတူလဲ၊ နင်က ရွှံတစ်ပြည်ကိုဘယ်နှစ်ကျပ်နဲ့ဝယ်နေရလို့လဲ၊
ကုန်တင်ကားတွေ အရောက်နည်းနေလို့ပစ္စည်းမရှိလို့လား၊
ကြက်သွန်လိုရွှံသစ်မပေါ်သေးလို့၊ရွှံဟောင်းကဈေးကြီးနေတာလား၊
နင်ရွှံခင်းကရော မိုးဖျက်လို့ ပျက်သွားသလား၊နှင်းခါးရိုက်လို့ သေသွားသလား"
"မဟုတ်ပါဘူးဗျာ"
"ကဲ ဒါဖြင့် နင်ရွှံက ဘာကိစ္စဈေးတက်ရတာလဲ၊ပြောစမ်းပါဦး"
"ရွှံကတော့ ဈေးမတက်ပါဘူးဗျာ၊ဒါပေမဲ့ ကျွန်တော်ဆာရင် ရွှံကို ကိုက်စားလို့မှ မရတာ အန်တီရယ်"
"အဲ"