ကြည့်ပြီးပြီလား

ပျင်းပျင်းရှိတာနဲ့ http://www.burmeseclassic.com/movie.htm မှာ ဗမာကားတွေ သွားကြည့်ဖြစ်ပါတယ်။ မင်းမော်ကွန်းနဲ့ မို့မို့မြင့်အောင်ပါတဲ့ ကားမှ ကြည့်တတ်တဲ့ ကျွန်မကို အခန်းဖော်က “တောမီး” ကားကို ကြည့်ကြည့်ပါ.. ရှမ်းပြည်မှာ သွားရိုက်ထားတယ် ဆိုလို့ မင်းသားတွေကို မကြိုက်ပေမဲ့ ရှမ်းပြည်ဆိုတာနဲ့ ကြည့်လိုက်မိပါတယ်။ အောင်ပန်းဖက်မှာ သွားရိုက်ထားတဲ့ တောကားလေး တစ်ကားပါ။ အဲဒီဖက်ကို ကားစီးရင် ဖြတ်သွားဖူးပေမဲ့ ရွာတွေထဲတော့ သွားမလည်ဖူးပါဘူး။

ဒီကားကို ကြည့်မိမှ အဲဖက်က ရူခင်းတွေ သဘာဝအတိုင်း အရမ်းလှနေတာကို တွေ့လိုက်ရတယ်။ မြေနီနီရယ်၊ အပင်စိမ်းစိမ်းရယ်၊ ကောင်းကင်ပြာပြာရယ်၊ တိမ်ဖြူဖြူရယ်နဲ့ သဘ၀အတိုင်း တော်တော်လေးကို လှတာတွေ့ရတယ်။ ဇာတ်လမ်းက ကောင်းပေမဲ့ ဇာတ်လမ်းထဲက လူတွေရဲ့ အဲဒီဒေသက အသံထွက်လို “လုပ်ပြောသံ”ကို နားထောင်ပြီး စိတ်ထဲ ခုလိုးခုလုဖြစ်မိတယ်။ ဗမာသံမဟုတ်၊ ရိုးရာသံ မဟုတ်၊ နားထောင်ပြီး စိတ်ပျက်မိပါတယ်။ ကားက တစ်ပတ်နေရင် အသစ်လဲတော့မှာမို့ ကော်နက်ရှင်ကောင်းရင်၊ အားရင် ကြည့်ကြည့်ကြပါလို့။ အသေမိုက်လို့ ညွန်းလိုက်ပါတယ်... ရူခင်းတွေကို ပြောတာပါး)