မက်မန်းပင်

ဒီတပတ်အတွက် တောင်ကြီးချယ်ရီမှာ ဘာများတင်ရင်ကောင်းမလဲဆိုပြီး ထုံးစံအတိုင်း ဓာတ်ပုံ CD ထဲကို ရေငုတ်ရှာဖွေရေးဆင်းရပါတယ်။ မက်မန်းပင်ကို ရိုက်ထားတဲ့ ဓာတ်ပုံတွေ့တာနဲ့ စာရေးဖို့ အကြောင်းအရာ ရပြီဆိုပြီး ပျော်သွားတယ်။ (တော်ပါသေးရဲ့.. Admin မဆူတော့ဘူး။:P ) အမှန်က ကျွန်မ မက်မန်းသီးခူးတဲ့ပုံကို ရိုက်ထားတာပါ။ အဲဒီ့ပုံဆိုရင် တောင်ကြီးချယ်ရီလာတဲ့သူတွေ လန့်ကုန်မှာ... :D

ကျွန်မကလောမှာ ၂ ရက် နေတုန်းကပေါ့။ နှီးဘုရားသွားဖူးတဲ့ လမ်းဘေးတလျှောက်ကို မြင်းလှည်းပေါ်က ငေးရင်းနဲ့ အပင်မှာ နီနေတဲ့အသီးလေးတွေလည်း တွေ့ရသလို အစိမ်းတ၀က် အနီတ၀က် အသီးမျိုးလည်း တွေ့နေရတယ်။ ဘာရမလဲ မိန်းခလေးပီပီ စပ်စုပြန်တာပေါ့။ မြင်းလှည်းသမား ဘကြီးကို မေးတော့မှ မက်မန်းပင်မှန်းသိတာ။ ကလော မှာက မက်မန်းပင်ကို တနိုင်တပိုင် စိုက်ပြီး အသီးသီးပြီဆိုရင် မက်မန်းဝိုင်ဖြစ်ဖြစ် မက်မန်းသီးလုပ်တဲ့ဆီကိုပဲဖြစ်ဖြစ် အချိန်နဲ့ ပြန်သွင်းကြတယ်လို့ပြောပါတယ်။ ကိုယ်ပိုင်စီးပွားရေးလေးလိုပါပဲ။ မက်မန်းပင်က ဂရုစိုက်စရာသိပ်မလိုတော့ အိမ်မှာစိုက်ထားရင် အသီး သီးချိန်ဆိုရင် ဆွတ်ပြီး ဆိုင်သွင်းယုံပဲလေ ။ ဒါကြောင့်လည်း အိမ်တော်တော်များများမှာ စိုက်လေ့ရှိတယ်။ အောင်ပန်းဘက်မှာတော့ စီးပွားဖြစ်စိုက်ကြမယ်ထင်တယ်။

ကျွန်မတို့ရန်ကုန်ဘက်ရောက်ရင်သာ မက်မန်းသီးက အနီရောင်ဆေးဆိုးပြီး၊ ပလပ်စတစ်နဲ့ထုပ်ထားပြီးသား ဆိုတော့ အပင်မှာတွေ့ရတဲ့ မက်မန်းသီးဆိုတာ တခါမှ မမြင်ဖူးဘူး။ ဒါကြောင့် ပင်းတယက အပြန်မှာ မက်မန်းသီးပုံ ဓာတ်ပုံရိုက်ချင်တယ်လို့ပြောမိတော့ ကားသမား အကိုကြီးက မက်မန်းခြံရှေ့ ကားရပ်ပေးပါတယ်။ သူက ခြံထဲ ၀င်သွားပြီး ဓာတ်ပုံရိုက်လို့ပြောပြီး ခြံထဲကိုသူပဲ ခေါ်သွားတာပါ။ ကျွန်မကလည်း ဓာတ်ပုံရိုက်ဖို့လောက်ပဲ ခေါင်းထဲရောက်နေတာနဲ့ အပင်မှာ မှည့်တဲ့ မက်မန်းသီးကို ဒီအတိုင်း စားကြည့်ဖို့ စိတ်ကူးမရခဲ့ပါဘူး။ အမှန်ဆိုရင် ပင်မှည့်အစိမ်းလည်း စားခဲ့သင့်တာ။ စားနေကြက မက်မန်းပေါင်းဖြစ်ဖြစ်၊ ဆေးသကြားစိမ်ထားတာဖြစ်ဖြစ် စားနေကြဆိုတော့ အစိမ်းစားမရဘူးလို့ အတွေးကြောင်တာလည်း ပါတယ်။

မက်မန်းသီးဆိုရင် မိန်းခလေး တော်တော်များများ ကြိုက်ကြတယ်။ အထူးသဖြင့် ကျွန်မပေါ့။ နေမကောင်းရင်တောင် အိမ်ကမသိအောင် ခိုးစားတယ်။ အဲဒီ့လောက်ကို ကြိုက်တာ။ တောင်ကြီးက မက်မန်းပေါင်းကတော့ ပျားရည်နဲ့ပေါင်းထားလို့ တော်တော်စားကောင်းတယ်။ သူငယ်ချင်းပဲဖြစ်ဖြစ် မိတ်ဆွေတွေကပဲဖြစ်ဖြစ် တောင်ကြီးသွားမယ် ဘာမှာမလဲလို့ မေးရင် မက်မန်းသီးဝယ်လာပေးပါလို့ မှာတယ်။ တကယ်တော့ မက်မန်းသီးဝယ်ရတာက အောင်ပန်းမှာပါ။ တောင်ကြီးကအပြန် အောင်ပန်းက ကားရပ်ပေးတဲ့ ဈေးတန်းမှာ မက်မန်းသီးကို အမျိုးမျိုးလုပ်ရောင်းကြတယ်။ ပျားရည်နဲ့ပေါင်းထားတာလည်း ရတယ်။ မက်မန်းသီးကို လှီးထားပြီး ဂျင်းနဲ့ပြန်နှပ်ထားတာလည်း ရတယ်။ ရိုးရိုး ဆေးအနီနဲ့ ဆေးသကြားစိမ်ထားတာလည်းရတယ်။ (ကျွန်မကြိုက်တဲ့ မက်မန်းသီးပုံစံပေါ့)။ မက်မန်းဝိုင်လည်းရတယ်။ ရန်ကုန်ရောက်ရင် ၀ယ်လာတဲ့မက်မန်းသီးကို သူငယ်ချင်းတွေလည်း ဝေပေးပြီး ကျန်တာကို တဖြည်းဖြည်း ဇိမ်နဲ့ကိုစားတာ။ ရေးနေရင်းနဲ့ သွားရည်ကျပြီး စားချင်လာပြီ။ Admin ဖြစ်ဖြစ် ကိုရဲမြန်မာဖြစ်ြဖစ် အောင်ပန်းဘက် ကြုံရင် မက်မန်းပေါင်း ဓာတ်ပုံလေး မ စပါအုံး။

မရန်ကုန်သူ