အင်းမုန့်တီ စိတ်ကူး

ညီမ…အစားအစာအကြောင်း ထပ်ရေးချင်သေးတယ်..
ဒါပေမဲ့…..ရေးမယ်စိတ်ကူးတိုင်း ဘာအကြောင်း ရေးရရင်ကောင်းမလဲ..
ဆိုတာကြီးက.. ခေါင်းထဲဝင်ဝင်လာရော…
ထိုဖူးနွေးအကြောင်း ရေးရင်ကောင်းမလား..
ထိုဖူးသုတ်….နှစ်ပြန်ကြော်….
ဒါမှမဟုတ် … မုန့်ကြွပ်ဖြူ အကြောင်း ရေးရင်ကောင်းမလား…
ကြွေမုန့်(ခေါ်)မုန့်တောင့်.. နှမ်းထူမုန့်ကြွပ်….
ဆန်လုံးဆီကြော် (ခ) ကောက်ညင်းခွက်ကြော်…
ဆန်လှော်ဆေးခါး… ငါးရှဉ့်ဆေးခါး…
ဂျူးမြစ်လူး…
ဝက်သားချဉ်…
ငါးထမင်းနယ်… အာလူးထမင်းနယ်…
အင်းမုန့်တီ…
အဲ…..အင်းမုန့်တီ…. ဟုတ်တယ်နော်…
တောင်ကြီးအိမ်ကို ပြန်ရောက်တိုင်း..
သမီးအကြိုက်တွေကိုသိနေတဲ့…မဲ့မဲ့ က

ညီမကို အမြဲချက်ကျွေးနေကျ…
အင်းမုန့်တီဆိုတာကို....
အားလုံးအတွက်လည်း စမ်းပြီး ချက်စားရလွယ်မယ်လို့လဲ ထင်တယ်..
ဟုတ်တယ်…. အင်းမုန့်တီအကြောင်း ရေးရမယ်…
အင်းမုန့်တီဆိုတာ မုန့်ဟင်းခါးဖတ်နဲ့
စားရတဲ့ အရည်သောက် အစားအစာ တစ်မျိုးပါ…
ရခိုင်မုန့်တီနဲ့ မုန့်ဟင်းခါးတို့ ပုံစံမျိုးပေါ့..
အင်းမုန့်တီချက်ဖို့ ဘာတွေလိုမလဲ.. စဉ်းစားကြည့်တော့…
အဓိကလိုတာက….ငါး….
မုန့်တီဖတ်….
ကြက်သွန်ပင်…
ခရမ်းချဉ်သီး…
ကြက်သွန်ဖြူ..
နံနံပင်…
ငရုပ်သီးမှုန့်ကြော်…
အကြွပ်ကြော်အတွက် မုန့်တီခြောက်ကြော်…
အချဉ်အတွက် သံပုရာသီး…
အဲ… ဟင်းအနှစ်ဖြစ်အောင်…ဆန်မှုန့်လိုလိမ့်ဦးမယ်ထင်တယ်..
ပြီးတော့ ဆီ…ဆား….အရောင်တင်မှုန့်တွေ လိုမယ်…

လိုအပ်တာအားလုံး ပြည့်စုံသွားပြီဆိုရင်တော့…
ပထမဆုံး… ၀ယ်လာတဲ့ငါးကို အရင်ပြုတ်ရမယ်…
မီးဖိုနှစ်ခုရှိရင်တော့… ခရမ်းချဉ်သီးကိုပါ… တခြားအိုးတစ်အိုးနဲ့ထည့်ပြုတ်ထားပေါ့…

အဲဒီအချိန်မှာ လုပ်ရမှာက..
ကြက်သွန်ပင်တွေကို အနေတော်လေးဖြစ်အောင် (အနေတော်ဆိုတာက လက်တစ်ဆစ်စာ
အရွယ်လောက်) လှီးထား…
ကြက်သွန်ဖြူတွေကိုလည်း ထောင်းပြီး ဆီချက်လုပ်ထား..
နံနံပင်ကိုလည်း အသင့်ထည့်စားနိုင်အောင် ညှပ်ထား…
သံပုရာသီးကိုလည်း အဆင်သင့်ဖြစ်အောင် အနေတော်လေး လှီးထား..

ပြီးတဲ့အခါ ပြုတ်ထားတဲ့အိုးတွေက ဆူလာပြီးတော့..
ငါးတွေ… ခရမ်းချဉ်သီးတွေက… ကျက်လောက်ပြီဆိုရင်..
ဆယ်ယူပြီး ခဏအအေးခံရမယ်…

အဲဒီအချိန်မှာ မီးဖိုမအားစေချင်ရင်… အကြွပ်ကြော် ကြော်ထားလို့ရတယ်..
အကြွပ်ကြော်ကို ကြော်ပြီး ခဏနေပြီးတာနဲ့
အဆင်သင့်စားနိုင်အောင် ချေထားရမယ်…

ပြီးတော့… အအေးခံထားတဲ့ ငါးကို အရိုးထွင်..
ထွင်ထားတဲ့အသားတွေကို ထောင်းပြီး ငါးပြုတ်ရည်အိုးထဲပြန်ထည့်ထား…
ငါးရိုးတွေကိုလည်း ထောင်းပြီး ရေပြန်စစ်ထဲ့ပါ…
အဲဒီအခါ ငါးအရိုးရဲ့အချိုရည်တွေကြောင့် ဟင်းကပိုချိုလိမ့်မယ်..

ပြုတ်ထားတဲ့ ခရမ်းချဉ်သီးတွေကိုလည်း.. အခွံနွှာ…
ချေပြီးတော့ ငါးပြုတ်ရည်အိုးထဲ ပေါင်းထည့်..
ဒီအခါ လှီးထားတဲ့ ကြက်သွန်ပင်တွေကိုပါ တစ်ခါထဲ ထည့်ပြုတ်လိုက်တော့..
ဆားကို သင့်သလို ထည့်….
ဟင်းရည်ကိုနစ်စေချင်ရင် ဆန်မှုန့်ကို များများထည့်…
ပြီးနောက် ရေကိုကျအောင် ရရကြိုပေးထား…
မုန့်တီဖတ်ကို ဖွထားပေးပြီး…
အဆင်သင့်စားနိုင်အောင် ပန်းကန်လုံးထဲထည့်ထား..
ဟင်းရည်ကို အချိန်အတော်ကြာ ပွက်ပွက်ဆူစေပြီးမှ…
စားသောက်ဖို့ ပန်းကန်လုံးနဲ့ခူးထည့်…
ပြီးတော့.. ပြင်ဆင်ထားတဲ့ နံနံပင်… ငရုတ်သီး…. သံပုရာသီး…
ကြက်သွန်ဆီချက်….အကြွပ်ကြော်… အားလုံးကို သင့်တော်သလိုထည့်..
အားလုံးပြီးသွားတဲ့အခါ… အရသာရှိရှိစားသုံးလို့ရတဲ့…
အင်းလေးရိုးရာ အင်းမုန့်တီ စားဖွယ်ကို စားသုံးလို့ရသွားပါလိမ့်မယ်…
ခရမ်းချဉ်သီးအရသာကိုမကြိုက်တဲ့သူကတော့ အင်းမုန့်တီကို ကြိုက်မယ်မထင်…
ညီမတို့အိမ်က ချက်တဲ့အင်းမုန့်တီဆိုတာကတော့.. ဟင်းအရသာကို ငါးဆီကထက်
ခရမ်းချဉ်သီးရဲ့အရသာကို ပိုအလေးပေးပြီး ချက်လေ့ရှိတယ်..
ညီမစားရင်တော့… ဟင်းရည်ပူပူကို နံနံပင်များများထဲ့… သံပုရာသီးညှစ်ပြီး..
စပ်စပ်ချဉ်ချဉ်နဲ့သောက်ရတာကို သဘောကြတယ်….

ဟဲဟဲ… ရှေ့ကရေးခဲ့တာအားလုံးကတော့ ..
ညီမကိုယ်တိုင် လက်တွေ့လုပ်ခဲ့ရတာတော့ မဟုတ်ပါ….
အိမ်မှာ မဲ့မဲ့ချက်တာကို ကူလုပ်ပေးတုန်းက အကြောင်းတွေကို ပြန်စဉ်းစားပြီး..
ရေးလိုက်တာပါ…
ညီမက စမ်းချက်ကြည့်မလို့စိတ်ကူးတုန်းပါ…
အချိန်ရခဲ့ရင်တော့ ချက်စားဖြစ်ပါလိမ့်မယ်…
အားလုံးလည်း စိတ်ဝင်စားကြမယ်လို့ထင်ပါတယ်…
ညီမချက်စားဖြစ်ခဲ့လို့.. ခုရေးထားတဲ့အထဲမှာ.. လိုအပ်တာတွေရှိနေမယ်ဆိုရင်
အားလုံးကိုအသိပေးပါအုံးမယ်..
စာဖတ်သူထဲက တစ်ယောက်ယောက်များ
အင်းမုန့်တီကို ကျွမ်းကျွမ်းကျင်ကျင် ချက်စားတတ်နေမယ်ဆိုရင်လည်း
ညီမချက်နည်းကို ထပ်မံဖြည့်စွက်ရေးပါအုံး…..
အားလုံးကိုကျေးဇူးတင်ပါတယ်…..
.........................................................