၂၀၀၇ ခုနှစ် ဖောင်တော်ဦး ဘုရားပွဲတော်

ဖောင်တော်ဦး ဘုရားစံကျောင်းတော်ပေါ်မှ အင်းလေးဒေသ တ၀ိုက်သို့ ဒေသစာရီကြွချီတော်မူလျှက်ရှိရာ ယနေ့ ၁၈ ရက်နေ့ဆိုလျှင် ညောင်ရွှေ မြို့သို့ ရောက်ပြီ။ လင်းကင်း ရွာမှ ညောင်ရွှေမြို့သို့ ပင့်ဆောင်ပူဇော် ကြမည်။ ထိုသို့ လင်းကင်းရွာမှ ညောင်ရွှေ မြို့သို့ ဘုရားများ ပင့်ဆောင်ပူဇော်ပွဲကြီးကို တောင်ကြီးချယ်ရီ ဘလော့တွင် တင်ဆက်နိုင်ရန်အတွက် ကျွန်တော်တို့ ၁၈ ရက်နေ့ မနက် ၄ နာရီမှ စတင်ပြင်ဆင်ရပါတော့သည်။ ဟိုလုပ် ဒီလုပ်ဖြင့် မနက် ၄နာရီခွဲတွင် တောင်ကြီးမှ စထွက်ဖြစ်သည်။ ညောင်ရွှေလမ်းခွဲသို့ ရောက်သောအခါ မြူနှင်းများ ကျသဖြင့် ကားပင် အတော်မောင်းရခက်လာသည်။ ဤသို့ဖြင့် ညောင်ရွှေမြို့သို့ မနက် ၅နာရီခွဲခန့် ဝေလီဝေလင်းတွင် ရောက်ရှိလာပါသည်။ ကျွန်တော်တို့ အဖွဲ့သည် ဖောင်တော်ပြန်လမ်းရှိ Mr.Cook တွင် စတည်းချကြသည်။ Mr.Cook မှ ကျွန်တော်တို့အဖွဲ့အား ဘီးမုန့် (ဘိန်းမုန့်မဟုတ်ပါ) ဖြင့် မနက်စာ တည်ခင်းဧည့်ခံခဲ့ပါသည်။ မနက် ၆ နာရီထိုးတော့ ကျွန်တော်တို့ အားလုံး မော်တော်ပေါ်ရောက်နေပြီ။ ကျွန်တော်တို့က မော်တော် ရှေ့ဦး ပိုင်းတွင် ထိုင်မိသောကြောင့် လေတိုက်မှု ကို ပိုခံရပါသည်။ အင်းရေပြင်တွင် ကျွန်တော်တို့ အစောဆုံးဟု အထင်ရှိရာ မှားမှန်း မကြာခင် သိလာရပါသည်။ ညောင်ရွှေ မြို့မှ လင်းကင်းရွာ သို့သွားရာ လမ်းတလျှောက်တွင် ဘုရားကြိုသော မော်တော်များဖြင့် ပြည့်နှက်လျှက်ရှိသည်။ မော်တော် စက်လှေ အင်ဂျင် ပန်ကာ လည်အားကြောင့် ရေပန်းများ လွင့်ပျံနေသည်မှာ ဟိုမှ သည်မှ ပြေးလွှားနေသည်။ လင်းကင်းရွာ အ၀င်သို့ရောက်သော အခါ ဘုရားတင်ထားသော ကရ၀ိတ် ၊ ဆွဲလှေ ၊ ကြိုလှေ များ အများ အသင့်ဖြစ်နေသည်။ နိုင်ငံခြား ဧည့်သည်များ လည်း စိတ်ဝင်တစားလာရောက် လေ့လာသည်ကို တွေ့ရသည်။ အမှန်ပြောရလျှင် လင်းကင်းရွာမှ ညောင်ရွှေမြို့သို့ ဘုရားပင့်ဆောင်သည်ကို ကျွန်တော်လည်း ပထမဆုံးအကြိမ် ဖူးမြော်ဖူးခြင်းဖြစ်သည်။ ရှေ့ဆုံးမှ ဆွဲလှေ စတင်လှော်ခတ်ပြီ။ ဆွဲလှေ စုစုပေါင်း ၂၆ စင်းရှိသည်။ တစ်စင်းနှင့် တစ်စင်းကို ကြိုးများဖြင့်ချိတ်ဆက်ထားသည်။ ကမ္ဘာပေါ်တွင် မည်သည့်ဒေသမှ မရှိသော ခြေထောက်ဖြင့် ဆွဲလှေများကို လှော်ခတ်ကြသည်။ ညာသံပေး၍ တစ်ညီတစ်ညာတည်း ခြေထောက်များမြောက်ကာ လှော်ခတ်နေသည်မှာ နိုင်ငံခြားသားများ အနေနှင့်သာ မက ကျွန်တော်တို့အတွက်ပါ ထူးဆန်းနေသည်။ ကျွန်တော်တို့ မော်တော် စက်လှေမှာ ကရ၀ိတ်နှင့် မလှမ်းမကမ်းမှ ကပ်ကာ လိုက်သွားသည်။ လမ်းခွဲရောက်တော့ ဘုရားပင့်ဆောင်လာသော ကရ၀ိတ်နှင့် သီးခြားဖြစ်သွားသည်။ ကျွန်တော်တို့ လင်းကင်းရွာမှ ညောင်ရွှေသို့ အပြန်လမ်းမှာ အတော်ပင် ကြည်နှူးဖို့ကောင်းသည်။ အရှေ့တောင်တန်းဆီမှ နေမင်း ပြူထွက်လာပြီ။ အင်းရေပြင်သည် နေမင်း၏ အလင်းရောင်ကြောင့် လှချင်တိုင်းလှနေသည်။ ကျွန်တော်တို့ ညောင်ရွှေမြို့သို့ ပြန်ရာလမ်းတစ်လျှောက်တွင် ဘုရားကြိုသော လူအုပ်ကြီးကို တွေ့ရသည်။ ကန်တော့ပွဲ များဖြင့် ကလေး ၊ လူကြီး ၊ သက်ကြီးရွယ်အိုများပါ မကျန် အိမ်ရှေ့တွင် ထိုင်ကာ ဘုရားပင့်ဆောင်ပူဇော်လာခြင်းကို စောင့်မျှော်နေကြသည်။ ကျွန်တော်တို့ စက်လှေ ကို ကမ်းကပ်၍ ကုန်းပေါ်သို့ တက်လိုက်သည်။ ကမ်းနားလမ်း တလျှောက်တွင် လူအုပ်ကြီးမှာ မနည်းမနော။ ဘုရားများကို ဖောင်တော်ပေါ်မှ ယာယီ စံကျောင်းပေါ်သုိ့ ပို့ဆောင်ပေးမည့် ယာဉ်နားတွင် ကျွန်တော်တို့ အဖွဲ့ စောင့်နေလိုက်သည်။ ဘုရားပင့်ဆောင်လာသော ယာဉ်ကို ကြိုးဖြင့်ဆွဲရန် အဆင့်သင့်ဖြစ်နေပြီ။ ဤသို့ဖြင့် ဘုရား ကြွချီ ပင့်ဆောင်သော လမ်းတလျှောက် သွားရောက် ရိုက်ကူးခဲ့ပါသည်။ လှေပြိုင်ပွဲ ရှိသည်ဟု ကြားလိုက်မိသော်လည်း ဘုရားနောက်လိုက်နေသဖြင့် နောက်ကျသွားသည်။ မနက် ၁၀ နာရီခွဲတော့ ယာယီစံကျောင်းပေါ်သို့ ဘုရားများ ရောက်ရှိသွားသည်။ ကျွန်တော်တို့ တစ်ဖွဲ့လုံးလည်း ပင်ပန်းနေပြီ။