တန်ဆောင်တိုင်ပွဲတော် နှုတ်ဆက်သီချင်း

၁၃၆၉ခုနှစ် တောင်ကြီးမြို့ တန်ဆောင်တိုင်ပွဲတော်ကြီး စတင်ခဲ့တာ ၁၇ရက်ကနေ ဒီနေ့အထိဆိုရင် ၇ရက်တောင် ရှိသွားပြီ.. ဘာလိုလိုနဲ့ ပွဲတော်ကြီးပြီးဖို့ မနက်ဖြန်တစ်ရက်နဲ့ နောက်နေ့တစ်ရက်ပဲ ကျန်တော့်တယ်.. မီးပုံးပျံတွေ ကြည့်ရဖို့ဆိုရင် မနက်ဖြန်တစ်ညပဲရှိတော့တယ်လေ.. စိတ်ထဲမှာတောင် တစ်မျိုးပဲ.. ပွဲတော်ကြီးပြီးသွားလို့ကတော့ နေတက်မှာတောင် မဟုတ်တော့ဘူး.. ဘယ်သွားလို့ ဘယ်လာရမှန်းမသိနဲ့ တော်တော်လေး ကသိကအောက်နိုင်မှာ သေချာပါတယ်..

ဒီနှစ်ကတော့ မီးပုံးပျံကွင်းသစ်ကြီးရယ်.. ကြီးကျယ်ခန်းနားတဲ့ ဖွင့်ပွဲအခမ်းအနားရယ်၊ ထူးခြားဆန်းပြားတဲ့ အသစ်အသစ်သော ဖန်တီးမှုတွေနဲ့ တောင်ကြီးမြို့တန်ဆောင်တိုင် ပွဲတော်ကြီး ခံထည်ဝံ့ကြွားနိုင်ခဲ့ပြီ ဖြစ်ပါတယ်.. နှစ်ပေါင်း (၅၀)ကျော်ကြာအောင် ဒီနေ့လိုမျိုး သီးသန့်၊ ကျယ်ဝန်းပြီး အဆင့်အတန်းရှိတဲ့ မီးပုံးပျံကွင်းမျိုး တန်ဆောင်တိုင်ပွဲတော်အတွက် အရင်က မရှိခဲ့ဘူး.. ဒီနှစ်မှာတော့ တောင်ကြီးမြို့ တန်ဆောင်တိုင် ပွဲတော်ကြီးအတွက် ပြည်နယ်က ပေးတဲ့ လက်ဆောင်ဖြစ်တဲ့ မီးပုံးပျံကွင်းသစ်ကြီးမှာ တောင်ကြီးသားတွေ အားလုံး အေးအေးဆေးဆေး ကျယ်ကျယ်ဝန်းဝန်း၊ ပျော်ရွှင်မြူးတူးနိုင်ပြီး၊ ဘေးရန် ကင်းကင်း၊ လွတ်လွတ် လပ်လပ်နဲ့ ပါဝင်ဆင်နွှဲနိုင်နေပြီ.. ဒီရက်တွေကတော့ တောင်ကြီးမြို့ရဲ့ ထူးခြားတဲ့ သမိုင်းဝင် နေ့တွေ ဖြစ်သွားခဲ့ပါပြီ..

အဲ့ဒီဆန်းသစ်ထားတဲ့ အစီအစဉ်တွေထဲမှာ တစ်ခုဖြစ်တဲ့ တန်ဆောင်တိုင်ပွဲတော်အတွက် သီးသန့် သီချင်း တစ်ပုဒ်ကိုလဲ ရေးစပ်သီဆိုဖြစ်ခဲ့သလို.. အခုလဲ တောင်ကြီးသားတွေ တီးခတ်သီဆို ဖြေဖျော်တဲ့ ဂီတဖျော်ဖြေပွဲကြီးလဲ နေ့စဉ်ကျင်းပနေပါတယ်.. အဲ့ဒီပွဲမှာ တန်ဆောင်တိုင်အတွက် သီးသန့်ရေးစပ်ထားတဲ့ တန်ဆောင်တိုင် ပွဲတော် သီချင်းတွေ ယှဉ်ပြိုင်ရမဲ့ အစီအစဉ်တစ်ခုလဲ ရှိပါတယ်.. ယှဉ်ပြိုင်ဖို့ ၇ပုဒ်၊ ၈ပုဒ် အထက်မှာ စာရင်းပေးထားပြီးပြီလို့ သိရပါတယ်.. တန်ဆောင်တိုင် အမှတ်တရ သီချင်းသစ်တွေ ထွက်ပေါ်လာဦးမှာ အသေအချာပါပဲ..

သီချင်းတွေက အရသာရှိသလို ကျွန်တော်လဲ ဦးဂျက်ရဲ့ တန်ဆောင်တိုင်ဖွင့်ပွဲသီချင်း ကြားရကတည်းက တန်ဆောင်တိုင်ရဲ့ ပျော်ရွှင်ကြည်နူးမှု ခံစားချက်များစွာကို ရရှိခဲ့ပါတယ်.. လူတိုင်းရဲ့ ပါးစပ်ဖျားမှာလဲ ``တန်ဆောင်တိုင် တန်ဆောင်တိုင်ပွဲတော်´´ ဆိုတဲ့စာသားတွေ ဆိုနေကြတဲ့ အသံကိုလဲ ရန်ဖန်ရန်ခါ ကြားကြား နေရပါတယ်.. အဲ့ဒီသီချင်းက တန်ဆောင်တိုင်ပွဲတော်ရဲ့ Logo တစ်ခုဖြစ်ခဲ့ ဖြစ်သွားခဲ့ပါပြီ..

ဒီနှစ်အတွက် တန်ဆောင်တိုင်ပွဲတော် ဖွင့်ပွဲအခမ်းအနားမှာ အဲ့ဒီသီချင်းနဲ့အတူ ထူးခြားဆန်းကျယ်စွာ ကျင်းပခဲ့တာကို အားလုံးလဲ Live WebCast နဲ့ တစ်ချိန်တည်း တစ်ပြိုင်တည်း တောင်ကြီးသားတွေနဲ့ အတူတူ မြင်တွေ့ခဲ့ရပြီး ဖြစ်ပါတယ်.. ထို့အတူပဲ နောက် နှစ်ရက်မြောက် ၂၅ရက်နေ့မှာ ကျင်းပမဲ့ တန်ဆောင်တိုင်ပွဲတော် ပိတ်ပွဲ အခမ်းအနားကြီးမှာလဲ တစ်ခြား သီချင်းအသစ် တစ်ပုဒ်နဲ့အတူ ဖွင့်ပွဲထက် ခြားနားဆန်းပြားစွာနဲ့ ကျင်းပဦးမှာ ဖြစ်ပါတယ်.. အဲ့ဒီနေ့မှာ ဖွင့်လှစ်သီဆိုပြီး တန်ဆောင်တိုင်ပွဲတော်ကြီး နှုတ်ခွန်းဆက် ပိတ်သိမ်းမဲ့ သီချင်း အသစ်တစ်ပုဒ်ကိုလဲ ဦးဂျက်မြသောင်းကို ပြည်နယ်က ရေးစပ်ခိုင်းထားတာ အခု Sample ထွက်လာပါပြီ.. ကျွန်တော်လဲ အဲ့ဒီ Sample လေးကြားလိုက်ရတော့ လွမ်းသလိုလို.. စိတ်ထဲ တစ်မျိုး တစ်မျိုးကို ဖြစ်မိပါတယ်.. နှုတ်ဆက်သီချင်း ဖြစ်တာနဲ့အတူ ခွဲခွာခြင်းဆိုတဲ့ အရသာလေးပါအောင် သီချင်းစာသားတွေက ဖော်ကြူးထားပါတယ်.. အားလုံးလဲ နားဆင်ကြည့်လိုက်ပါဦး..

Link Duration က ၁၀မိနစ်ကျော် ရှိပါတယ်.. Mirror Link သီချင်းနာမည်က အသေအချာမသိလို့ မဖော်ပြလိုက် တော့ပါဘူး.. အခု Sample မှာတော့ ပါဒတွေ အားလုံး မထည့်ပေးလိုက် တော့ပါဘူး.. သီချင်း အပြည့်အစုံ ကိုတော့ ပိတ်ပွဲကျင်းပမဲ့ ရက်မှပဲ နားထောင်လိုက်ကြ ပါတော့နော်.. အဲ့ဒါမှလဲ အဓိပါယ် ပိုပေါ်လွင်မယ်လို့ ယူဆပါတယ်.. သီချင်းကို Player မှာလဲ ထည့်ပေးထား ပါတယ်.. အဲ့ဒီမှာ တိုက်ရိုက် နားထောင်လို့ ရပါတယ်..

တန်ဆောင်တိုင် ပွဲတော်ကြီးရဲ့ အထွတ်အထိပ်ကို ရောက်ရှိမဲ့ မနက်ဖြန် တစ်ရက်ကိုတော့ လုံးဝ လက်လွတ်မခံပဲ အပြည့်အ၀ကို ပျော်ရွင်စွာနဲ့ ဆင်နွှဲလိုက်ပါဦး.. နောင်တစ်ချိန် ဒီလိုနေ့မျိုး ပြန်ရဖို့အတွက်ဆိုတာ ရက်ပေါင်း ၃၆၀ကျော်ကြာအောင် ပြန်စောင့်ရဦးမယ် မဟုတ်ပါလား..